ເຜີຍແຜ່ຜົນການຄົ້ນຄວ້າເສດຖະກິດ-ສັງຄົມແຫ່ງຊາດ

- advert banner 728 90 728x90 - ເຜີຍແຜ່ຜົນການຄົ້ນຄວ້າເສດຖະກິດ-ສັງຄົມແຫ່ງຊາດ

ໃນວັນທີ 30 ພະຈິກນີ້, ສະ ຖາບັນຄົ້ນຄວ້າເສດຖະກິດແຫ່ງຊາດ ແລະ ອົງການ UNICEF, ໄດ້ຮ່ວມຈັດກອງປະຊຸມເຜີຍແຜ່ ໂຄງສ້າງດ້ານການຄົ້ນຄວ້າເສດຖະກິດ-ສົງຄົມແຫ່ງຊາດຂອງ ລາວ, ຂຶ້ນທີ່ນະຄອນຫຼວງວຽງ ຈັນ ໂດຍເປັນປະທານຂອງທ່ານ ລີເບີ ລີບົວປາວ ຮອງຫົວໜ້າສະ  ຖາບັນຄົ້ນຄວ້າເສດຖະກິດແຫ່ງຊາດ ແລະ ທ່ານ ມີໂອ-ຊິນຢຸງ ຮັກສາການຜູ້ຕາງໜ້າອົງການ UNICEF ປະຈໍາລາວ, ມີຜູ້ຕາງ  ໜ້າບັນດາຂະແໜງການຕ່າງໆອອ້ມຂ້າງສູນກາງເຂົ້າຮ່ວມເປັນຈໍານວນຫຼາຍ.

- new3 - ເຜີຍແຜ່ຜົນການຄົ້ນຄວ້າເສດຖະກິດ-ສັງຄົມແຫ່ງຊາດ

ທ່ານ ວຽງໄຊ ອໍລະບູນ ຮັກ ສາການຫົວໜ້າສູນຄົ້ນຄວ້າວິທະຍາສາດ ແລະ ນະໂຍບາຍກ່າວວ່າ: ວຽກງານການຄົ້ນຄວ້າເປັນວຽກ ງານໜຶ່ງທີ່ສຳຄັນຕໍ່ການພັດທະ ນາເສດຖະກິດ-ສັງຄົມຂອງຊາດ ຊຶ່ງແມ່ນຄວາມຮຽກຮ້ອງຕ້ອງ ການດ້ານທຶນຮອນ ແທດເໝາະ ກັບສະພາບຕົວຈິງດ້ານເສດຖະກິດ-ສັງຄົມຂອງປະເທດ. ໃນ ຜ່ານມາການຄົ້ນຄວ້າຂອງບັນ ດາສະຖາບັນ, ສູນ ແລະ ໜ່ວຍ ງານຄົ້ນຄວ້າຂອງລາວ ຍັງບໍ່ທັນ ມີການປະສານສົມທົບທີ່ດີນໍາກັນ, ມີບາງລາຍການຄົ້ນຄວ້າຊໍ້າ ຊ້ອນກັນ ຫຼື ບາງຄັ້ງກໍບໍ່ຮັບໃຊ້ ໃຫ້ແກ່ຄວາມຮຽກຮ້ອງຕ້ອງ ການຕົວຈິງຂອງການພັດທະນາເສດຖະກິດ-ສັງຄົມໄດ້ ແລະ ນັບ ຕັ້ງແຕ່ມີແຜນການຈັດຕັ້ງປະຕິ ບັດແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ 7 ເປັນ ຕົ້ນມາເຄືອຂ່າຍຄົ້ນຄວ້າແຫ່ງ ຊາດ ຈຶ່ງໄດ້ຮ່ວມກັນຄົ້ນຄວ້າ ໃນຫົວຂໍ້ຕ່າງໆທັງໝົດ 7 ຫົວຂໍ້ຄື: ບົດບາດຂອງເຄືອຂ່າຍຄົ້ນຄວ້າແຫ່ງຊາດຕໍ່ກັບການພັດທະນາ ເສດຖະກິດ-ສັງຄົມ; ການວັດ ແທກຄວາມທຸກຍາກ ແລະ ການ ແກ້ໄຂຄວາມທຸກຍາກຢູ່ລາວ;  ຄວາມພ້ອມ ແລະ ສິ່ງທ່າທ້າຍ ໃນການເຂົ້າຮ່ວມປະຊາຄົມເສດຖະກິດອາຊຽນ,  ການຊຸກຍູ້ບັນ ລຸວິໄສທັດປີ 2020 ຂອງລາວ; ການຫັນເປັນອຸດສະຫະກໍາ ແລະ ທັນສະໄໝຢູ່ລາວ, ຄວາມຄືບໜ້າ ແລະ ສິ່ງທ້າທາຍຂອງລາວ ໃນ ການບັນລຸເປົ້າໝາຍສະຫັດສະ ວັດຂອງການພັດທະນາ ແລະ ການຫຼຸດຜ່ອນບັນດາຄວາມສ່ຽງຢູ່ລາວ ໃນການຫຼຸດພົ້ນອອກຈາກ ສະຖານະພາບປະເທດດ້ອຍພັດທະນາ.

ດັ່ງນັ້ນ ການຄົ້ນຄວ້າດັ່ງກ່າວ ແມ່ນມີຜົນປະໂຫຍດ ແລະ ປະ ກອບສ່ວນຢ່າງຫຼວງຫຼາຍໃຫ້ແກ່ການພັດທະນາເສດຖະກິດ-ສັງ ຄົມ, ໂດຍສະເພາະໃນການກຳ ນົດນະໂຍບາຍໃນແຕ່ລະໄລຍະ ຂອງປະເທດ, ຊຶ່ງໃນນັ້ນ ລວມ ທັງຮ່າງວິໄສທັດປີ 2030 ຍຸດ ທະສາດ 10 ປີ (2016-2025) ແລະ ແຜນພັດທະນາ ເສດຖະກິດ-ສັງຄົມແຫ່ງຊາດ ຄັ້ງທີ 8 , ເຖິງຢ່າງໃດກໍຕາມ ການຄົ້ນຄວ້າຂອງເຄືອຂ່າຍ ຜ່ານມາກໍຍັງມີລັກສະນະສະເພາະ ເກີດຂຶ້ນກັບການມອບໝາຍຈາກພັກລັດໃນແຕ່ລະໄລຍະ ແລະ ທຶນ ຮອນນໍາໃຊ້ເຂົ້າໃນການຄົ້ນຄວ້າກໍຍັງບໍ່ທັນມີກົນໄກທີ່ເປັນລະບົບ ໃນການສະໜອງ ຫຼືລະດົມທຶນໃຫ້ ແກ່ວຽກງານການຄົ້ນຄວ້າຢ່າງເປັນລະບົບຄົບຊຸດ ແລະ ທັນການ ໄດ້.

error: Content is protected !!