ສານສູງສຸດອາເມລິກາໄຟຂຽວ ມາດຕະການຈຳກັດມຸດສະລິມ

- advert banner 728 90 728x90 - ສານສູງສຸດອາເມລິກາໄຟຂຽວ ມາດຕະການຈຳກັດມຸດສະລິມ

ຄະນະ​ຕຸລາການ​ສານ​ສູງ​ສຸດ​ຂອງ​ອາ​ເມ​ລິ​ກາ​ມີ​ມະຕິ​ເຫັນ​ພ້ອມມາດ​ຕະການ​ຈຳກັດ​ການ​ເຂົ້າ​ເມືອງ​ຂອງ​ພົນລະ​ເມືອງ​ຈາກ 6 ປະ​ເທດ​ທີ່​ສ່ວນ​ໃຫຍ່​ເປັນ​ຊາວ​ມຸດ​ສະ​ລິ​ມ ​ເຊິ່ງປະທານາທິບໍດີ ​ໂດ​ນັນ ທຣຳ ຊຸກຍູ້​ເປັນຄັ້ງທີ 3 ​ໃນ​ຮອບ​ປີ​ນີ້.

- new3 - ສານສູງສຸດອາເມລິກາໄຟຂຽວ ມາດຕະການຈຳກັດມຸດສະລິມ

- travel ban - ສານສູງສຸດອາເມລິກາໄຟຂຽວ ມາດຕະການຈຳກັດມຸດສະລິມ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 4 ທັນວາ​ວ່າ: ຄະນະ​ຜູ້​ພິພາກສາ​ສານ​ສູງ​ສຸດ​ຂອງ​ອາ​ເມ​ລິ​ກາ​ມີ​ມະຕິ​ສຽງ​ສ່ວນ​ຫລາຍ 7 ຕໍ່ 2 ສຽງ ​ໃຫ້​ລັດຖະບານ​ວໍ​ຊິງ​ຕັນ​ສາມາດ​ບັງຄັບ​ໃຊ້​ຄຳ​ສັ່ງ​ຈຳກັດ​ຄົນ​ເຂົ້າ​ເມືອງ​ຂອງ​ພົນລະ​ເມືອງ​ຈາກ 6 ປະ​ເທດ ​ເຊິ່ງສ່ວນ​ຫລາຍ​ເປັນ​ຊາວ​ມຸດ​ສະ​ລິ​ມ ​ໄດ້​ແກ່​ຊາດ, ອີຣານ, ລີ​ບີ, ​ໂຊ​ມາລີ, ຊີຣີ ​ແລະ ​ເຢ​ເມນ ​ໄດ້​ຢ່າງ​ເຕັມ​ຮູບ​ແບບ ​ໂດຍ​ການ​ເຫັນ​ພ້ອມ​ຂອງ​ສານ​ສູງ​ສຸດ ຄື​ການ​ອະນຸມັດ​ຄຳ​ສັ່ງ​ທີ່​ລັດຖະບານ​ຂອງ​ປະທານາທິບໍດີ ​ໂດ​ນັນ ທຣຳ ປະກາດ​ໃນ​ເດືອນ​ກັນຍາ​ຜ່ານ​ມາ  ​ແລະ ​ເປັນ​ສະບັບ​ໄດ້​ຮັບ​ການ​ແກ້​ໄຂ​ເປັນຄັ້ງທີ 3 ນັບ​ແຕ່​ເຂົ້າຮັບ​ຕຳ​ແໜ່​ງ​ໃນ​ທ້າຍ​ເດືອນ​ມັງກອນ​ປີ​ນີ້.

- we4vwczi - ສານສູງສຸດອາເມລິກາໄຟຂຽວ ມາດຕະການຈຳກັດມຸດສະລິມ

ທັນທີ​ທີ່​ມີ​ຄຳ​ພິພາກສາ​ດັ່ງກ່າວ ​ເຊິ່ງຄວບ​ຄຸມ​ເຖິງ “ການ​ຫ້າມ​ເຂົ້າ​ເມືອງ​ແບບ​ສະ​ເພາະ” ຂອງ​ພົນລະ​ເມືອງ ສປປ ​ເກົາຫລີ ​ແລະ ​ເວ​ເນ​ຊູ​ເອລານຳ. ທຳນຽບຂາວ​ອອກ​ຖະ​ແຫລ​ງການສະ​ແດງ​ຄວາມ​ຍິນ​ດີ​ຕໍ່​ມະຕິ​ຂອງ​ສານ​ສູງ​ສຸດ ​ແລະ ລະບຸ​ອີກ​ວ່າ: ຄຳ​ພິພາກສາ​ຂອງ​ສານ​ສູງ​ສຸດ “ບໍ່​ແມ່ນ​ເລື່ອງ​ແປກ” ​ເນື່ອງ​ຈາກ​ຄຳ​ປະກາດ​ຂອງ​ຜູ້ນຳ​ອາ​ເມ​ລິ​ກາ​ໃນ​ເລື່ອງ​ນີ້ “ມີ​ຄວາມ​ຍຸຕິ​ທຳ” ​​ຕັ້ງ​ແຕ່​ຕົ້ນ​ແລ້ວ​. ຂະນະ​ທີ່​ທ່ານ ​ເຈ​ຟ ​ເຊ​ສຊັນ ລັດຖະມົນຕີ​ກະຊວງ​ຍຸຕິ​ທຳ​ອາ​ເມ​ລິ​ກາ ກ່າວ​ວ່າ: ສະຖານະ​ການ​ທີ່​ເກີດ​ຂຶ້ນຖື​ເປັນ “​ໄຊຊະນະ​ອັນ​ຍິ່ງ​ໃຫຍ່” ​ເພື່ອ​ຄວາມ​ປອດ​ໄພ ​ແລະ ຄວາ​ມໝັ້ນຄົງ​ຂອງ​ປະ​ເທດ.

error: Content is protected !!