ດີເຄ ງານໜັກຮ່ວມສາຍທີມຈາກ ໄທ, ໂຄຼອາຊີ ແລະ ສປ ຈີນ ໃນບານເຕະລາຍການພິເສດ

- advert banner 728 90 728x90 - ດີເຄ ງານໜັກຮ່ວມສາຍທີມຈາກ ໄທ, ໂຄຼອາຊີ ແລະ ສປ ຈີນ ໃນບານເຕະລາຍການພິເສດ

ທັບນັກກິລາ ດີເຄ ເອັຟຊີ ສະໂມສອນຕົວແທນຈາກ ສປປ ລາວ ຈໍານວນ 29 ຄົນ (ຄະນະນໍາ 9 ຄົນ ແລະ ນັກກິລາ 20 ຄົນ) ເຂົ້າຮ່ວມການແຂ່ງຂັນບານເຕະລາຍການພິເສດ “FURUI CUP” 2017 “Colorful YunnanThe Belt and Road International Football Open” ທີ່ເມືອງຢູນໜານ ສປ ຈີນ ລະຫວ່າງວັນທີ 5-20 ທັນວາ 2017 ເຊິ່ງຮ່ວມສາຍກັບທີມຈາກໄທ, ໂຄຼອາຊີ ແລະ ສປ ຈີນ.

- new3 - ດີເຄ ງານໜັກຮ່ວມສາຍທີມຈາກ ໄທ, ໂຄຼອາຊີ ແລະ ສປ ຈີນ ໃນບານເຕະລາຍການພິເສດ

ລາຍການນີ້ມີທັງໝົດ 11 ທີມຈາກ 9 ປະເທດເຂົ້າຮ່ວມ ປະກອບມີ: ຈີນ, ໄທ, ລາວ, ກຳປູເຈຍ, ໂຄຼອາຊີ, ຫວຽດນາມ, ຟິລິປິນ, ຕີມໍ ເລສເຕ ແລະ ມາເລເຊຍ ເຊິ່ງ​ໃນວັນທີ 4 ທັນວາ ເປັນມື້ເປີດສາກການແຂ່ງຂັນຢ່າງເປັນທາງການ ໂດຍມີຄະນະນໍາ ແລະ ນັກກິລາຂອງແຕ່ລະທີມເຂົ້າຮ່ວມຢ່າງພ້ອມພຽງ.

ໂອກາດດັ່ງກ່າວ ທ່ານ ສາຍສະຫວາດ ບຸບຜານະຄອນ ຜູ້ຈັດການທີມຂອງ ດີເຄ ເອັຟຊີ ກ່າວໃນພິທີເປີດວ່າ: ດີເຄ ເອັຟຊີ ຕົວແທນຈາກ ສປປ ລາວ ຮູ້ສຶກດີໃຈ ແລະ ເປັນກຽດຢ່າງຍິ່ງທີ່ໄດ້ເຂົ້າຮ່ວມລາຍການແຂ່ງຂັນນີ້ ເຊິ່ງພວກເຮົາເດີນທາງມາທີ່ນີ້ຈໍານວນ 29 ຄົນ ປະກອບມີນັກກິລາ 20 ຄົນ ແລະ ຄະນະທີມ 9 ຄົນ, ພວກເຮົາຈະທຸ້ມເທສຸດຄວາມສາມາດໃນການແຂ່ງຂັນໃນຄັ້ງນີ້ ເຖິງຜົນຈະອອກມາເປັນແນວໃດ ພວກເຮົາຈະຍອມຮັບດ້ວຍຄວາມພໍໃຈ ແລະ ສູ້ດ້ວຍຫົວໃຈ, ພວກເຮົາຂໍແຮງເຊຍຈາກຄົນລາວທີ່ອາໄສຢູ່ ສປ ຈີນ ລວມທັງຄົນລາວໃນທົ່ວໂລກ.

ສໍາລັບ ດີເຄ ເອັຟຊີ ຢູ່ກຸ່ມ C ຮ່ວມກັບ HEBEI ELITE FC ຈາກ ສປ ຈີນ, NK VARAZDIN FC ຈາກໂຄຼອາຊີ ແລະ POLICE TERO FC ຈາກໄທ ເພື່ອຄັດເອົາອັນດັບ 1 ແລະ 2 ຂອງກຸ່ມ ຜ່ານເຂົ້າສູ່ຮອບ 8 ທີມສຸດທ້າຍ.

ສ່ວນຕາຕະລາງການແຂ່ງຂັນຂອງ ດີເຄ ເອັຟຊີ ມີດັ່ງນີ້:
– ນັດທີ 1: ວັນອັງຄານທີ 5 ທັນວາ 2017 ດີເຄ ເອັຟຊີ ພົບ HEBEI ELITE FC ໃນເວລາ 14:00 ໂມງ ຕາມເວລາທ້ອງຖິ່ນ (13.00 ໂມງລາວ).

– ນັດທີ 2 : ວັນພະຫັດທີ 7 ທັນວາ 2017 ດີເຄ ພົບ NK VARAZDIN FC ເວລາ 16:00 ໂມງ (15:00 ​ໂມງລາວ).

– ນັດທີ 3: ວັນເສົາທີ 9 ທັນວາ 2017 DKFC ພົບ POLICE TERO FC ເວລາ 16:09 ໂມງ (15.00 ​ໂມງລາວ).

error: Content is protected !!