ຄົນລາວເຂົ້າຊົມຟຣີ ນໍ້າຕົກຄອນພະເພັງ ແລະ ນໍ້າຕົກສົມພະມິດ

ວັນທີ 5 ພຶດສະພາ 2025 ນີ້ ຫ້ອງການສົ່ງເສີມ ແລະ ຄຸ້ມຄອງ ເຂດເສດຖະກິດພິເສດ ຄະນະຄຸ້ມຄອງ ເຂດເສດຖະກິດພິເສດ ແຂວງຈໍາປາສັກ ອອກແຈ້ງການໃຫ້ຊາບວ່າ:

1. ການເຂົ້າທ່ຽວຊົມແມ່ນບໍ່ໄດ້ເສຍຄ່າຜ່ານປະຕູຢ້ຽມຊົມ ສໍາລັບຄົນລາວ, ສັນຊາດລາວ ສາມາດເຂົ້າຊົມໂດຍບໍ່ໄດ້ເສຍຄ່າຜ່ານປະຕູ.

2. ສໍາລັບບຸກຄົນໃດຈະເຂົ້າທ່ຽວຊົມແມ່ນໃຫ້ແຈ້ງເອກະສານທີ ່ສະແດງ ແລະ ຢັ້ງຢືນເຖີງການເປັນ ພົນລະເມືອງລາວເຊັ່ນ: ບັດປະຈໍາຕົວ, ປັດສະປອດ(Passport), ສໍາມະໂນຄົວ ຫຼື ໃບຢັ້ງຢືນອື່ນໆ. ຖ້າຫາກບຸກຄົນໃດບໍ່ມີເອກະສານຢັ້ງຢືນ ແມ່ນໃຫ້ພົວພັນກັບຫ້ອງການຄະນະຄຸ້ມຄອງເຂດເສດຖະກິດ ພິເສດ ແລະ ເຈົ້າຫນ້າທີ່ ປກສ ປະຈໍາເຂດພັດທະນາເສດຖະກິດໃຫມ່ສີທັນດອນ ເພື່ອຂໍການຢັ້ງຢືນເຂົ້າຊົມ. ດັ່ງນັ້ນ, ຈິ່ງໄດ້ແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມແຈ້ງການສະບັບນີ້ດ້ວຍ