ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ

- un - ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ
- Untitled design - ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ

ລັດຖະບານວໍ​ຊິງ​ຕັນ​ສະ​ເໜີ​ແຜນ​ສຸດ​ທ້າຍ​ຕໍ່​ສະຫະ​ປະຊາ​ຊາດ ​ໃນ​ການ​ຕັດ​ງົບປະມານ​ສະໜັບສະໜູນ​ລະຫວ່າ​ງປີ 2018-2019 ທັງ​ໝົດ 250 ລ້ານ​ໂດ​ລາ​ສະຫະລັດ.

- Wave100S AD to Website 2020 0 - ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນ​ນິວຢອກ ປະ​ເທດ​ສະຫະລັດ​ອາ​ເມ​ລິ​ກາ ​ໃນ​ວັນ​ທີ 12 ທັນວາ ​ໂດຍ​ອ້າງ​ຂໍ້​ມູນ​ຈາກ​ແຫ​ລ່ງຂ່າວ​ດ້ານ​ການ​ທູດ​ຂອງ​ອາ​ເມ​ລິ​ກາວ່າ: ລັດຖະບານ​ວໍ​ຊິງ​ຕັນ​ຕ້ອງການ​ຕັດ​ງົບປະມານ​ສະໜັບສະໜູນ​ການ​ດຳ​ເນີນ​ງານ​ຂອງ ສປຊ ລະຫວ່າງ​ປີ​ການ​ເງິນ 2018 ​ແລະ 2019 ສູງ​ເຖິງ 250 ລ້ານ​ໂດ​ລາ​ສະຫະລັດ ​ເພີ່ມ​ຂຶ້ນຈາກ​ທີ່​ມີ​ການ​ຄາດ​ຄະ​ເນ​ກ່ອນ​ໜ້າ​ນີ້​ປະມານ 50 ລ້ານ​ໂດ​ລາ​ສະຫະລັດ ​ໂດຍ​ແຜນການ​ຂອງ​ອາ​ເມ​ລິ​ກາ​ຢູ່​ລະຫວ່າງ​ການ​ເຈລະຈາ​ຂັ້ນສຸດ​ທ້າຍ​ລະຫວ່າງ​ຜູ້​ແທນ​ຂອງ​ລັດຖະບານ​ວໍ​ຊິງ​ຕັນ​ກັບ​ຄະນະ​ກຳມາ​ທິການ​ງົບປະມານ​ຂອງ​ສະມັດຊາ​ໃຫຍ່​ສະຫະ​ປະຊາ​ຊາດ ​ແລະ ຄາດ​ວ່າ​ຈະ​ມີ​ການ​ປະກາດ​ຢ່າງ​ເປັນ​ທາງ​ການ​ກ່ອນ​ປີ​ນີ້.

​ເຖິງ​ຢ່າງ​ໃດ​ກໍ​ຕາມ, ​ແຜນ​ຕັດ​ງົບປະມານ​ດັ່ງກ່າວ​ເປັນ​ຄົນ​ລະ​ສ່ວນ​ກັບ​ງົບປະມານ​ສະໜັບສະໜູນ​ການ​ດຳ​ເນີນ​ງານ​ຂອງ​ທະຫານ​ຮັກສາ​ສັນຕິພາບ UN ທີ່​ຖືກ​ປັບ​ຫລຸດ​ລົງ​ໄປ​ແລ້ວ 600 ລ້ານ​ໂດ​ລາ​ສະຫະລັດ ​ໃນ​ປີ​ນີ້ ຕາມ​ແຮງ​ກົດ​ດັນ​ຂອງ​ປະທານາທິບໍດີ ​ໂດ​ນັນ ທຣຳ ​ເຊິ່ງກ່າວ​ວ່າ​ສະຫະ​ປະຊາ​ຊາດ ​ເຊິ່ງມີ​ພະນັກງານ​ຢູ່​ປະມານ 40.000 ຄົນ​ທົ່ວ​ໂລກ “ຕ້ອງ​ປະຕິ​ຮູບ”.

ປັດຈຸບັນ​ອາ​ເມ​ລິ​ກາ​ຖື​ເປັນ​ປະ​ເທດ​ຜູ້​ບໍລິຈາກ​ລາຍ​ໃຫຍ່​ທີ່​ສຸດ​ຂອງ UN ດ້ວຍ​ອັດຕາ​ສ່ວນ 22% ຂອງ​ງົບປະມານ​ສູນ​ກາງ​ທັງ​ໝົດ​ໃນ​ແຕ່ລະ​ປີ. ຂະນະ​ທີ່​ມີ​ລາຍ​ງານ​ວ່າ​ພາລະກິດ​ຂອງ​ສະຫະ​ປະຊາ​ຊາດ​ຢູ່​ລີ​ບີ, ອັບ​ກາ​ນິດ​ສະຖານ ​ແລະ ປາ​ແລັສຕິນ ມີ​ທ່າ​ອ່ຽງ​ໄດ້​ຮັບ​ຜົນ​ກະທົບ​ຫລາຍ​ທີ່​ສຸດ. ນອກຈາກ​ນີ້ ສະຫະພາບ​ເອີຣົບ (EU) ກຽມ​ເດີນ​ຕາມ​ລັດຖະບານ​ວໍ​ຊິງ​ຕັນ ​ດ້ວຍ​ການ​ຕັດ​ງົບປະມານ​ສະໜັບສະໜູນ UN 170 ລ້ານ​ໂດ​ລາ​ສະຫະລັດ ຮຽກ​ສຽງ​ວິຈານ​ຈາກ​ບັນດາ​ນັກ​ການ​ທູດ​ວ່າ​ເປັນ “​ເກ​ມການ​ເມືອງ” ທີ່​ແບ່ງ​ຝ່າຍ​ຢ່າງ​ຈະ​ແຈ້ງ.

- WhatsApp Image 2020 05 27 at 5 - ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ
- WhatsApp Image 2020 05 27 at 5 - ອາເມລິກາເລັ່ງຕັດງົບສະໜັບສະໜູນ ສະຫະປະຊາຊາດ 250 ລ້ານໂດລາ
error: Alert: ເນື້ອຫາຂ່າວມີລິຂະສິດ !!