ປີ 2024 ເມືອງວຽງພູຄາ ລົງວິໄນສະມາຊິກພັກ 36 ສະຫາຍ ແລະ ປັບໃໝກຸ່ມລັກລອບຕັດໄມ້ໄດ້ເກືອບ 250 ລ້ານກີບ
ທ່ານ ສອນເພັດ ກິງມາລາ ກໍາມະການປະຈໍາພັກເມືອງ ປະທານກວດກາພັກ, ອົງການກວດກາລັດເມືອງວຽງພູຄາ ລາຍງານຕໍ່ກອງປະຊຸມວຽກງານກວດກາປະຈໍາປີ 2024 ວັນທີ 8 ພຶດສະພາ 2025 ຜ່ານມານີ້ວ່າ: ໃນ 1 ປີຜ່ານມາຄະນະກວດກາເມືອງວຽງພູຄາ ແຂວງຫລວງນໍ້າທາ ໄດ້ມີການລົງວິໄນຕໍ່ສະມາຊິກພັກ ທັງໝົດ 36 ສະຫາຍ ແບ່ງເປັນ 3 ຂັ້ນ ຄື: ຂັ້ນຕິຕຽນຄວາມຜິດ 23 ສະຫາຍ, ຂັ້ນກ່າວເຕື່ອນຄວາມຜິດ 12 ສະຫາຍ, ລຶບຊື່ອອກຈາກພັກ 1 ສະຫາຍ.
ນອກນີ້ໄດ້ ກວດກາບຸກລຸກຖາງປ່າສະຫງວນມີ 7 ຄອບຄົວ, ແກ້ໄຂຕາມລະບຽບການພ້ອມທັງປັບໃໝຜູ້ລະເມີດ ເປັນເງິນ 84 ລ້ານກີບ, ເກັບກໍາຂໍ້ມູນຕ່າງໆຕາມຫາງສຽງ ແລະ ລາຍງານຂອງສັງຄົມພາຍໃນເມືອງໄດ້ 10 ເປົ້າໝາຍ; ກວດກາຕາມຄໍາສັງຂອງຂັ້ນເທິງກ່ຽວກັບການລັກລອບເລື່ອຍໄມ້ຂອງປະຊາຊົນພາຍໃນເມືອງພົບເຫັນໄມ້ແປຮູບທັງໝົດ 107.4 ແມັດກອ້ນ ປັບໃໝຜູ້ລະເມີດ ເປັນເງິນ 162 ລ້ານກວ່າກີບ ເງິນຈໍານວນດັ່ງກ່າວແມ່ນມອບເຂົ້າຄັ້ງເງິນແຫງຊາດຕາມລະບຽບການ.
ທີ່ມາ: ວາລະສານກວດກາ
