ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ

- patriot missile japan 1500 19 sep 2017 - ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ
- Untitled design - ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ

ລັດຖະບານ​ມີ​ແຜນ​ຈັດ​ສັນ​ງົບປະມານດ້ານ​ທະຫານ ສຳລັບ​ປີ​ງົບປະມານ​ໜ້າ​ເລີ່​ມ​ໃນ​ເດືອນ​ເມສາ 2018 ສູງ​ເປັນ​ປະຫວັດສາດ​ເຖິງ 5,19 ຕື້​ເຢນ (46.000 ລ້ານ​ໂດ​ລາ​ສະຫະລັດ) ​ເພື່ອ​ເພີ່ມ​ຂີດຂັ້ນລະບົບ​ຕໍ່ຕ້ານ​ລູກ​ສອນ​ໄຟ ທ່າມກາງ​ໄພ​ຄຸກ​ຄາມ​ຈາກ ສປປ ​ເກົາຫລີ.

ສຳນັກ​ຂ່າວ AFP ລາຍ​ງານ​ຈາກ​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ ​ໃນ​ວັນ​ທີ 16 ທັນວາ​ວ່າ: ງົບປະມານ​ດ້ານ​ທະຫານ​ຂອງ​ຍີ່ປຸ່ນ​ຕາມ​ແຜນ ຈະ​ສູງ​ຂຶ້ນ 6 ປີຕິ​ດຕໍ່​ກັນ ​ແລະ ສູງ​ກວ່າ​ຈຳນວນ 5,12 ຕື້​ເຢນ ​ໃນ​ປີ​ງົບປະມານ​ປັດຈຸບັນ.

ລາຍ​ງານ​ຂອງ​ໜັງສືພິມ​ນິກ​ເຄອິ ລາຍ​ວັນ ລະບຸ​ວ່າ: ​ເງິນ​ສ່ວນ​ໃຫຍ່​ໃນ​ງົບປະມານ​ທີ່​ເພີ່ມ​ຂຶ້ນ ຈະ​ໃຊ້​ສຳລັບ​ປົກ​ປ້ອງ​ຍີ່ປຸ່ນ​ຈາກ​ອາວຸດ​ນິວ​ເຄຼຍ ​ແລະ ການ​ພັດທະນາ​ລູກ​ສອນ​ໄຟ​ຂອງ ສປປ ​ເກົາຫລີ, ​ເງິນ​ສ່ວນ​ທີ່​ເຫລືອ​ຈະ​ໃຊ້​ສຳລັບ​ການ​ຕິດຕັ້ງລະບົບ​ຈະ​ຫລວດ​ສະກັດ​ກັ້ນລູກ​ສອນ​ໄຟ​ທີ່​ມີ​ຖານ​ຢູ່​ແອຈິ​ສ ​ເອຊໍ (Aegis Ashore).

- Wave100S AD to Website 2020 0 - ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ

ອາທິດ​ຜ່ານ​ມາ, ທ່ານ ອິດ​ສິ​ໂນຣິ ​ໂອ​ໂນະ​ເດຣະ ລັດຖະມົນຕີ​ປ້ອງ​ກັນ​ປະ​ເທດ​ຍີ່ປຸ່ນ ກ່າວ​ວ່າ: ຍີ່ປຸ່ນ​ມີ​ແຜນ​ຈັດ​ຊື້ຈະ​ຫລວດ​ໄລຍະ​ໄກ ທີ່​ມີ​ໄລຍະ​ການ​ຍິງ​ປະມານ 900 ກມ ຈາກ​ຫລາຍ​ບໍລິສັດ​ຂອງ​ອາ​ເມ​ລິ​ກາ, ການ​ເຄື່ອນ​ໄຫວ​ກາຍ​ເປັນ​ບັນຫາ​ຖົກ​ຖຽງ ​ເນື່ອງ​ຈາກ​ກົດໝາຍ​ລັດຖະທຳ​ມະນູນ​ຂອງ​ຍີ່ປຸ່ນ ກຳນົດ​ຫ້າມ​ໃຊ້​ກຳລັງ​ທະຫານ​ເປັນ​ວິທີ​ແກ້​ໄຂ​ກໍລະນີ​ຂັດ​ແຍ່ງ​ສາກົນ.

- WhatsApp Image 2020 05 27 at 5 - ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ
- WhatsApp Image 2020 05 27 at 5 - ຍີ່ປຸ່ນເລັ່ງເພີ່ມງົບທາງທະຫານຮັບມື ສປປ ເກົາຫລີ
error: Alert: ເນື້ອຫາຂ່າວມີລິຂະສິດ !!