ປີໃໝ່ສາກົນຫລິ້ນກິນໃຫ້ມ່ວນພໍເໝາະ

- happy new year 2018 images - ປີໃໝ່ສາກົນຫລິ້ນກິນໃຫ້ມ່ວນພໍເໝາະ
- Untitled design - ປີໃໝ່ສາກົນຫລິ້ນກິນໃຫ້ມ່ວນພໍເໝາະ

ຍັງອີກບໍ່ພໍເທົ່າໃດວັນກໍ ຈະຮອດປີໃໝ່ ຄສ 2018. ຕາມທິດກ່ຳວ່າ, ໂອກາດສົ່ງ ທ້າຍປີເກົ່າ 2017 ຕ້ອນຮັບ ປີໃໝ່ 2018 ຄວາມໜາວກໍ ເຂົ້າມາແຊກແຕ່ຫົວທີ ສຳລັບ ຢູ່ນະຄອນຫລວງວຽງຈັນນັບ ແຕ່ວັນທີ 17 ທັນວາ ເປັນຕົ້ນມາ ສະພາບຄວາມໜາວຢູ່ໃນລະ ດັບ 8 ຫາ 9 ອົງສາກໍຖືວ່າໜາວ ຫລາຍເຕີບຖ້າທຽບ ໃສ່ປີຜ່ານໆມາ.ສ່ວນຢູ່ບາງແຂວງ ໃນທົ່ວ ປະເທດກໍເປັນລັກສະນະຄ້າຍ ຄືກັນ; ແຕ່ໜາວຫລາຍກວ່າໝູ່ ແມ່ນຢູ່ຊຳເໜືອກັບຊຽງຂວາງໜາວຈົນວ່າມີຫິມະຕົກ, ນ້ຳໃນ ອຸໃນແອ່ງຈົນກ້າມ. ໄລຍະວັນ ທີ 20 ຫາ 21 ແມ່ນຢູ່ສູນອົງ ສາ. ນີ້ຄືສັນຍານບອກເຕືອນວ່າ ໂລກມີການປ່ຽນແປງທຳມະ ຊາດກໍມີການປ່ຽນແປງ, ນັບທັງ ຈິດໃຈຂອງຄົນເຮົາກໍນັບມື້ມີ ການປ່ຽນແປງ,ມັນກໍເໝືອນ ກັບວ່າທຸກສິ່ງຢ່າງບໍ່ມີຫຍັງ ຈະແນ່ນອນ, ສິ່ງທີ່ແນ່ນອນຄື ຄວາມບໍ່ແນ່ນອນນັ້ນເອງ.

 

+ ປີໃໝ່ຂໍໃຫ້ໂຊກໄຊ

+ ຢ່າລືມນະໂຍບາຍປະຢັດ

- Wave100S AD to Website 2020 0 - ປີໃໝ່ສາກົນຫລິ້ນກິນໃຫ້ມ່ວນພໍເໝາະ

ແນວໃນກໍຕາມ, ໃນປີ 2017 ຜ່ານມາ,ພວກເຮົາໄດ້ ມີ ຜົນງານຫລາຍດ້ານ; ແຕ່ສຳ ລັບບົດນີ້ທິດກ່ຳຈະບໍ່ໄດ້ນຳເອົາຕົວເລກຕົວຜາມາເອກອ້າງ, ພຽງແຕ່ຈະເນັ້ນໄປໃນບາງ ດ້ານອັນທີ່ພົ້ນເດັ່ນ ແລະ ຈະ ຂໍເວົ້າເລື່ອງການກິນການມ່ວນໃນໂອກາດສົ່ງທ້າຍປີເກົ່າຕ້ອນ ຮັບປີໃໝ່ທີ່ຈະມາເຖິງ. ໃນ ຄວາມເປັນຈິງແລ້ວ, ຖ້າຈະເວົ້າ ເລື່ອງຜົນງານໃນການສ້າງ ສາພັດທະນາປະເທດຊາດ ໃຕ້ການນຳພາຂອງພັກ ແລະ ລັດຖະບານຊຸດທີ 8 ກໍເຫັນ ວ່າມີຫລາຍອັນໂດດເດັ່ນ,ທັງ ເດີນໜ້າ ແລະ ມີປັດໄຈ ໃໝ່ເກີດ ຂຶ້ນຫລາຍດ້ານຖ້າທຽບໃສ່ປີ 2016 ຫລື ປີທີ່ຜ່ານໆມາ. ເຊິ່ງ ອັນພົ້ນເດັ່ນໃຫ້ເຫັນຢ່າງຈະ ແຈ້ງກໍແມ່ນການຈັດຕັ້ງປະຕິ ບັດ ຄຳສັ່ງເລກທີ 15/ນຍ ອັນສອງ ມາເວົ້າ ເລື່ອງການປາບປາມ ຕ້ານ ແລະ ສະກັດກັ້ນຢາເສບ ຕິດກໍເຫັນວ່າສາມາດມ້າງ ແລະ ທຳລາຍກຸ້ມແກ້ງເຄືອຄ່າຍດັ່ງ ກ່າວໄດ້ຫລາຍສົມຄວນ; ອັນ ທີສາມແມ່ນເວົ້າເລື່ອງຕ້ານ ການສໍ້ລາດບັງຫລວງກໍສາ ມາດກວດກາພົບເຫັນ ແລະ ເກັບກູ້ເອົາວັດຖຸຊັບສິນ ແລະ ເງິນຄຳຄືນມາໃຫ້ລັດໄດ້ຢ່າງ ຫລວງຫລາຍ. ສ່ວນວ່າອັນ ທີສີ່ແມ່ນກ່ຽວກັບການເກັບ ລາຍຮັບມີຫລາຍແຂວງຫລາຍດ່ານເຂົ້າອອກຊາຍແດນກໍສາ ມາດເກັບພາສີອາກອນໄດ້ລື່ນ ແຜນ. ນີ້ຄືສັນຍານໃຫ້ເຫັນໄປ ໃນທິດທາງທີ່ດີຕໍ່ການປັບປຸງ ປ່ຽນແປງບັນດາແຜນນະໂຍ ບາຍຂອງລັດຖະບານຊຸດທີ 8. ແຕ່ໂຕທີ່ດັດປັບທີ່ເຮັດໃຫ້ພວກ ເຮົາຫັນເຂົ້າສູ່ມາດຕະຖານໃນ ການຄຸ້ມຄອງເສດຖະກິດ-ສັງ ຄົມນັ້ນກໍແມ່ນການວາງນະໂຍບາຍການປະຢັດຂອງລັດຖະ ບານ.ຕາມທິດກ່ຳວ່າໂຕນີ້ຈະ ເປັນຕົວຊີ້ວັດແຫ່ງການກ້າວ ເຂົ້າສູ່ຄວາມເປັນມາດຕະຖານ ໃນດ້ານການຄຸ້ມຄອງເສດຖະ ກິດ-ສັງຄົມຂອງລາວເຮົາໄດ້ ເປັນຢ່າງດີໃນອານາຄົດ. ພິເສດ, ໃນຫວ່າງມໍ່ໆມານີ້ລັດຖະບານ ຍັງໄດ້ອອກດຳລັດກ່ຽວກັບວັນ ພັກທາງລັດຖະການພຽງ 5 ວັນຄືປີໃໝ່ສາກົນ ວັນທີ 1 ມັງ ກອນ, ວັນແມ່ຍິງສາກົນ 8 ມີ ນາ,ວັນປີໃໝ່ລາວ 3 ວັນ (ສັງ ຂານລ່ວງ, ສັງຂານເນົາ ແລະ ສັງຂານຂຶ້ນ). ວັນກຳມະກອນ ສາກົນ 1 ພຶດສະພາ ແລະ ວັນ ສະຖາປະນາ ສປປ ລາວ 2 ທັນ ວາເທົ່ານັ້ນ, ສ່ວນວັນສ້າງຕັ້ງ ບັນດາຂະແໜງການຕ່າງໆນັ້ນພຽງແຕ່ໃຫ້ພາກັນລະນຶກ ແລະ ສ້າງກິດຈະກຳທີ່ເຫັນວ່າເປັນ ປະໂຫຍດຕໍ່ສັງຄົມ ແລະ ສ່ວນ ລວມຢູ່ໃນກົມກອງ ຫລື ທ້ອງ ຖິ່ນ. ນີ້ເຮົາກໍເຫັນວ່າມັນມີຜົນ ດີຢ່າງໃຫຍ່ຫລວງຕໍ່ການປະ ຢັດ ແລະ ບໍ່ພາກັນສວຍໂອກາດ ແບບລວາດແຂ້ວເຕົ້າ.
ເຖິງຢ່າງໃດກໍດີ, ຕາມທິດ ກ່ຳວ່າໃນໂອກາດສົ່ງທ້າຍປີເກົ່າ 2017 ຕ້ອນັບປີໃໝ່ 2018 ຂໍໃຫ້ທຸກຄົນກິນໃຫ້ອີ່ມມ່ວນພໍ ເໝາະ ແລະ ຕະຫລອດປອດ ໄພຫລີກເວັ້ນບັນຫາອຸປະຕິເຫດ ທີ່ອາດຈະເກີດຂຶ້ນອັນສຳຄັນ ເມື່ອເຫັນວ່າຕົນເອງເມົາ ແລ້ວກໍ ຢ່າຂັບລົດພ້ອມກັນເປັນຫູເປັນ ຕາຮັກສາຄວາມສະຫງົບຊ່ວຍກັນບ້ານເມືອງເຮົາຈຶ່ງມີສະເໜ່ ແລະ ໜ້າຢູ່.

- happy new year 2018 images - ປີໃໝ່ສາກົນຫລິ້ນກິນໃຫ້ມ່ວນພໍເໝາະ
(ພາບປະກອບ)
- WhatsApp Image 2020 05 27 at 5 - ປີໃໝ່ສາກົນຫລິ້ນກິນໃຫ້ມ່ວນພໍເໝາະ
- WhatsApp Image 2020 05 27 at 5 - ປີໃໝ່ສາກົນຫລິ້ນກິນໃຫ້ມ່ວນພໍເໝາະ
error: Alert: ເນື້ອຫາຂ່າວມີລິຂະສິດ !!