ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ

- New year - ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ
- Untitled design - ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ

ຄ່ຳ​ຄື​ນວັນ​ທີ 31 ທັນວາ 2017 ພະ​ແນ​ກຖະ​ແຫລ​ງຂ່າວ, ວັດທະນະທໍາ ແລະ ທ່ອງທ່ຽວນະຄອນຫລວງ​ວຽງຈັນ​ໄດ້​ຈັດ​ງານ​ສົ່ງ​ທ້າຍ​ປີ​ເກົ່າ ​2017 ​ແລະ ຕ້ອນຮັບ​ປີ​ໃໝ່ 2018, ພ້ອມ​ທັງ​ເປີດ​ງານ​ປີ​ທ່ອງ​ທ່ຽວນະຄອນຫລວງຢູ່​ສວນ​ເຈົ້າ​ອານຸວົງ, ​ໂດຍ​ການ​ເຂົ້າ​ຮ່ວມຂອງ​ທ່ານ ສິນ​ລະ​ວົງ ຄຸດ​ໄພທູນ ​ເຈົ້າ​ຄອງນະ ຄອນຫລວງ​ວຽງຈັນ, ມີ​ບັນດາ​ການ​ນຳພັກ-ລັດ ​ແລະ ທູຕານຸທູດ​ເຂົ້າ​ຮ່ວມຢ່າງ​ຄືກຄື້ນ.

ກ່ອນ​ການ​ເລີ່​ມງານ​ນັບ​ຖອຍຫລັງ, ບັນດາ​ການ​ນຳ​ພັກ-ລັດ​ໄດ້​ຮ່ວມ​ກິດຈະກຳຊົມ​ຕາ​ເວັນ​ຕົກ​ດິນ​ຢູ່​ແຄມ​ຂອງ ​ແລະ ການ​ຂີ່​ລົດ​ທ່ຽວຊົມ​ຕົວ​ເມືອງນະຄອນຫລວງ​ວຽງຈັນ​ໃນ​ຍາມ​ຄ່ຳ​ຄືນ, ກ່ອນ​ຈະ​ມີ​ການ​ເຂົ້າ​ສູ່​ພິທີ​ງານ​ນັບ​ຖອຍຫລັງ​ສົ່ງ​ທ້າຍ​ປີ​ເກົ່າ ​ແລະ ຕ້ອນຮັບ​ປີ​ໃໝ່ 2018 ຢ່າງ​ເປັນ​ທາງ​ການ, ​ເຊິ່ງປີນີ້, ມີ​ການຈັດ​ງານ​ຢ່າງ​ຄືກ​ຄື້ນ, ​​ເຊິ່ງທ່ານ ສີ​ຫຸນ ສິດທິ​ລື​ໄຊ ຮອງ​ເຈົ້າ​ຄອງ​ນະຄອນຫລວງ​ວຽງຈັນ ​ໃຫ້​ຮູ້​ວ່າ: ງານ​ລ້ຽງສົ່ງ​ທ້າຍ​ປີ​ເກົ່າ ​ແລະ ຕ້ອນຮັບ​ປີ​ໃໝ່ 2018 ​ແມ່ນ​ເປັນ​ປີ​ທີ່​ມີ​ຄວາມໝາຍສຳຄັນຄື: ​ເປັນ​ປີ​ທ່ອງ​ທ່ຽວລາວ, ຊຶ່ງ​ນະຄອນຫລວງ​ວຽງຈັນກໍ​ໄດ້​ຈັດ​ງານ​ ​ແລະ ​ເປີດ​ພິທີ​ຢ່າງ​ເປັນ​ທາງ​ການ​ໃນ​ການ​ເປັນ​ເຈົ້າພາບ​ທີ່​ດີ, ທັງ​ເປັນ​ໂອກາດ​ກະຕຸກ​ຊຸກຍູ້ກາ​ນພັດທະນາ​ວຽກງານ​ວັດທະນະທຳ ​ແລະ ທ່ອງ​ທ່ຽວ​ໃຫ້ຍືນ​ຍົງ.

​  ໃນ​ໂອກາດ​ນີ້, ທ່ານຮອງ​ເຈົ້າ​ຄອງ​ນະຄອນຫລວງ​ວຽງຈັນ ​ໃຫ້​ຮູ້​ວ່າ​: ສຳລັບ​ການ​ຈັດ​ງານ​ປີ​ທ່ອງ​ທ່ຽວລາວ 2018 ຢູ່ນະຄອນຫລວງ​ວຽງຈັນ, ຈະ​ໄດ້​ມີ​ການຈັດ​ຫລາຍ​ກິດຈະກຳ ​ເປັນ​ຕົ້ນ​ແມ່ນ​ການທ່ອງທ່ຽວທາງ​ທຳ​ມະ​ຊາດ ແລະ ​ເລັ່ງປັບປຸງ​ສະຖານ​ທີ່​ທ່ອງ​ທ່ຽວ​ໃຫ້​ມີ​ຄວາມ​ງົດ​ງາມ ​ເພື່ອ​ສ້າງ​ຄວາມ​ປະ​ທັບ​ໃຈ​ໃຫ້​ນັກ​ທ່ອງ​ທ່ຽວ​ເຂົ້າມາ​ທ່ຽວຊົມ.

- Wave100S AD to Website 2020 0 - ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ

​  ທ່ານ​ເຈົ້າ​ຄອງ​ນະຄອນຫລວງ​ວຽງຈັນ​ໃຫ້​ຮູ້​ວ່າ: ​ໃນ​ປີ 2017 ຜ່ານ​ມາ, ນະຄອນຫລວງ​ວຽງຈັນ ຍາດ​ໄດ້ຜົນ​ງານ​ພົ້ນ​ເດັ່ນ​ຫລາຍ​ດ້ານ ​ເປັນ​ຕົ້ນ​ແມ່ນ​ການ​ຮັກສາ​ຄວາມ​ສະຫງົບ​ປອດ​ໄພ​ຮອບດ້ານ, ການ​ພັດທະນາ​ເສດຖະກິດ-ສັງຄົມ ​ແມ່ນ​ມີ​ການ​ເຕີບ​ໂຕສະ​ເລ່ຍ 8% ​ແລະ ອື່ນໆ. ພ້ອມ​ກັນນີ້, ​ໃນ​ປີ 2018 ກໍ​ໄດ້​ວາງ​ຄາດໝາຍສູ້​ຊົນ​ພັດທະນາ​ເສດຖະກິດ​ໃຫ້​ເຕີບ​ໃຫຍ່ ​ແລະ ສ້າງ​ນະຄອນຫລວງ​ວຽງຈັນ​ໃຫ້​ຈະ​ເລີ​ນສີວິ​ໄລ.

- WhatsApp Image 2020 05 27 at 5 - ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ
- WhatsApp Image 2020 05 27 at 5 - ນະຄອນຫລວງ​ວຽງຈັນ​ຈັດ​ງານ​ສົ່ງ​ທ້າຍ​ປີ​ເກົ່າ​ ​ແລະ ​ເປີດ​ປີ​ທ່ອງ​ທ່ຽວ
error: Alert: ເນື້ອຫາຂ່າວມີລິຂະສິດ !!