4 ແຂວງຊາຍແດນລາວ-ຫວຽດນາມເພີ່ມທະວີຮ່ວມມືວຽກງານປ້ອງກັນຄວາມສະຫງົບ

ກອງປະຊຸມຮ່ວມມືວຽກງານປ້ອງກັນຄວາມສະຫງົບ 4 ແຂວງຊາຍແດນລາວ-ຫວຽດນາມ, ໄດ້ຈັດຂຶ້ນເມື່ອບໍ່ດົນມານີ້ຢູ່ແຂວງເຊີນລາ ສສ ຫວຽດນາມ,ເພື່ອພ້ອມກັນຕີລາຄາຜົນການຮ່ວມມືວຽກງານປ້ອງກັນຄວາມສະຫງົບຕາມຊາຍແດນໃນໄລຍະຜ່ານມາ, ໂດຍສະເພາະການສະກັດກັ້ນບັນຫາອາຊະຍາກຳຕ່າງໆຄື: ການຄ້າຂາຍຢາເສບຕິດ, ການລັກລອບເຂົ້າ-ອອກເມືອງ, ການຄ້າຂາຍເຖື່ອນ, ການຄ້າມະນຸດ ແລະ ບັນຫາອື່ນໆ, ພ້ອມທັງປຶກສາຫາລື ການຮ່ວມມືໃນຕໍ່ໜ້າກ່ຽວກັບການແລກປ່ຽນຂໍ້ມູນຂ່າວສານ, ປະສານສົມທົບໃນການແກ້ໄຂບັນດາລາຍຄະດີຢາເສບຕິດທີ່ມີຄວາມຫຍຸ້ງຍາກທີ່ພົວພັນເຖິງສອງຝ່າຍໃຫ້ສາມາດແກ້ໄຂຢ່າງມີປະສິດທິຜົນ, ເພື່ອສ້າງໃຫ້ຊາຍແດນຂອງສອງປະເທດເປັນຊາຍແດນສັນຕິພາບ, ມິດຕະພາບ ແລະ ເປັນລະບຽບຮຽບຮ້ອຍຫລາຍຂຶ້ນ.