ກາເຊຍ ປະກາດສັກດາຄວ້າແຊ໊ມກ໊ອຟ ເດີມາສເຕີ ເປັນສະໄໝທຳອິດ

ການແຂ່ງຂັນກ໊ອຟເມເຈີທຳອິດຂອງປີ ລາຍການ “ເດີ ມາສ ເຕີ 2017” ຊີງເງິນລາງວັນ ລວມ 10 ລ້ານໂດລາ ສະຫະລັດ ທີ່ສະໜາມອໍກັສຕາ ລັດຈໍເຈຍ ປະ ເທດສະຫະລັດ ອາເມຣິກາ ເປັນ ການແຂ່ງຂັນຮອບສຸດທ້າຍ ຜົນ ປາກົດວ່າ: ເຊຄິໂອ ກາເຊຍ ກັບ ຈັສຕິນ ໂຣສ ເຮັດຄະແນນມາເທົ່າ ກັນທີ 9 ອັນເດີພາ 279 ຄະແນນ ຕ້ອງແຂ່ງເພລອອຟ ເພື່ອຕັດສິນ ຫາແຊ໊ມ ແລະ ໃນໄລຍະແຂ່ງຂັນ ເພລອອອຟຈົບລົງທີ່ຂຸມທຳອິດ ເທົ່ານັ້ນ ໂດຍທັງຄູ່ຫຼິ້ນກັນໃນຂຸມ 18 ພາ 4 ກາເຊຍ ຕີເບີດີ້ໄດ້ ສ່ວນ ໂຣສ ຕີອອກໂບກີ້.

ສົ່ງຜົນໃຫ້ ເຊຄິໂອ ກາເຊຍ ຄວາແຊ໊ມ ເດີ ມາສເຕີ 2017 ໄປ ຄອງ ແລະ ຖືເປັນເມເຈີລາຍການ ທຳອິດໃນຊີວິດນຳອີກ ນອກຈາກ ນີ້ຍັງເປັນນັກກ໊ອຟຄົນ ສະເປນ ຄົນທີ 3 ທີ່ໄດ້ແຊ໊ມ ເດີ ມາສເຕີ ຕໍ່ຈາກເຊບີ ບາເຍສເຕຣອສ ແລະ ໂຮເຊ ມາເຣຽ ໂອລາຊາບັລ.