ອາຫານແມ່ເພື່ອອາຫານລູກ

- 031201 2018 - ອາຫານແມ່ເພື່ອອາຫານລູກ
- Untitled design - ອາຫານແມ່ເພື່ອອາຫານລູກ

ຍ້ອນອາຫານທີ່ແມ່ກິນຈະກາຍໄປເປັນສານອາຫານໃນນຳ້ນົມໃຫ້ລູກ, ອາຫານສຳລັບແມ່ລູກອ່ອນຈຶ່ງມີທັງຊະນິດຂອງສານອາຫານທີ່ຄົບຖ້ວນ ແລະ ໃນປະລິມານທີ່ພຽງພໍ ເພາະຫາກແມ່ໄດ້ຮັບອາຫານບໍ່ພຽງພໍ ຮ່າງກາຍຈະດຶງພາກສ່ວນທີ່ຂາດມາຈາກພາກສ່ວນທີ່ເຄີຍເກັບສະສົມໄວ້ມາໃຊ້ ເພື່ອຕື່ມໃຫ້ກັບນຳ້ນົມ ເຊິ່ງຫາກແມ່ໄດ້ຮັບສານອາຫານບໍ່ພຽງພໍຢູ່ສະເໝີຈະເຮັດໃຫ້ປະລິມານຂອງນຳ້ນົມໜ້ອຍລົງໄດ້ ໂພຊະນາການຂອງແມ່ລູກອ່ອນຈຶ່ງເປັນເລື່ອງສຳຄັນ. ກະຊວງສາທາລະນະສຸກແນະນຳໃຫ້ລ້ຽງລູກດ້ວຍນຳ້ນົມແມ່ຢ່າງດຽວຈົນເຖິງອາຍຸ 6 ເດືອນ ກ່ອນຈະແນະນຳໃຫ້ເລີ່ມອາຫານອື່ນໆ ດັ່ງນັ້ນໃນໄລຍະທີ່ຕ້ອງໃຫ້ລູກກິນນົມ ແມ່ຈຶ່ງຕ້ອງໄດ້ຮັບສານອາຫານທີ່ລູກຕ້ອງການຢ່າງຄົບຖ້ວນ ເພື່ອໃຫ້ສານອາຫານເຫລົ່ານັ້ນໄປຢູ່ໃນນຳ້ນົມ ແມ່ຈຶ່ງຕ້ອງຄຳນຶງເຖິງສານອາຫານທີ່ໃຫ້ພະລັງງານ, ຄາໂບໄຮເດຣດ, ໂປຣຕິນ, ໄຂມັນ, ວິຕາມິນ ແລະ ເກືອແຮ່ຢ່າງຄົບຖ້ວນ ເພາະຜູ້ທີ່ໄດ້ຮັບນົມແມ່ທີ່ມີສານອາຫານຄົບຖ້ວນນັບແຕ່ເກີດ ເມື່ອໃຫຍ່ຂຶ້ນຈະມີ IQ  ສູງກ່ວາດັ່ງນີ້ :

ໄລຍະເວລາຂອງການໄດ້ຮັບນຳ້ນົມແມ່ ແລະ ລະດັບ IQ  ແມ່ນອາຍຸ 1 ເດືອນ ຈະມີລະດັບ IQ  99,4 ແລະ ອາຍຸ 2 – 3 ເດືອນ ຈະມີລະດັບ IQ  101,7 ແລະ ອາຍຸ 4 – 6 ເດືອນ ຈະມີລະດັບ IQ  102,3 ແລະ ອາຍຸ 7 – 9 ເດືອນ ຈະມີລະດັບ IQ 104 ທັງນີ້ໂດຍມີຂໍ້ກຳນົດວ່ານຳ້ນົມແມ່ທີ່ເດັກນ້ອຍໄດ້ຮັບນັ້ນຕ້ອງມີສານອາຫານຄົບຖ້ວນນຳ ໂດຍສະເພາະສານອາຫານເຫລົ່ານີ້ :

– ສານອາຫານໃຫ້ພະລັງງານໄດ້ແກ່ : ແປ້ງ, ຊີ້ນສັດ ແລະ ນຳ້ມັນ, ແມ່ລູກອ່ອນຕ້ອງການພະລັງງານເພີ່ມຂຶ້ນ 500 ກິໂລກາລໍຣີຕໍ່ມື້ ເພື່ອໃຊ້ໃນການຜະລິດນຳ້ນົມ. ຕາມທິດສະດີນັ້ນຮ່າງກາຍຂອງແມ່ຕ້ອງໃຊ້ພະລັງງານປະມານ 85 ກິໂລກາລໍຣີໃນການຜະລິດນຳ້ນົມ 100 ມິນລີລິດ ຫາກແມ່ຜະລິດນຳ້ນົມປະມານ 850 ມິນລີລິດຕໍ່ມື້ (ອາດຫລາຍ ຫລື ໜ້ອຍກ່ວານັ້ນຂຶ້ນກັບຄວາມຕ້ອງການຂອງເດັກນ້ອຍ) ແມ່ຈຶ່ງຈຳເປັນຕ້ອງໄດ້ຮັບພະລັງງານເພີ່ມຂຶ້ນປະມານມື້ລະ 700 – 800 ກິໂລກໍລໍຣີ.

– ອາຫານຂອງແມ່ແມ່ນອາຫານຂອງລູກ : ແມ່ທີ່ກຳລັງຢູ່ໃນໄລຍະໃຫ້ລູກກິນນົມຄວນໄດ້ຮັບອາຫານຄົບທັງ 5 ໝວດ, ແຕ່ໝວດທີ່ຕ້ອງໃຫ້ຄວາມເອົາໃຈໃສ່ເປັນພິເສດໄດ້ແກ່ :

– ຊີ້ນສັດ : ໂດຍຄວນກິນຊະນິດທີ່ບໍ່ມີໄຂມັນ ຫລື ມີໄຂມັນໜ້ອຍ ເຊັ່ນ : ຊີ້ນປາ, ຊີ້ນໝູ ແລະ ຊີ້ນໄກ່ ມື້ລະ 180 – 240 ກຣາມ ຫລື ປະມານ 1 ຖ້ວຍນ້ອຍ ຫລື ກິນໄຂ່ ແລະ ນົມຢ່າງໜ້ອຍມື້ລະ 3 ຈອກ (ຄວນເລືອກນົມຊະນິດທີ່ບໍ່ມີໄຂມັນຕໍ່າ).

– ຜັກ : ຄວນກິນຜັກໃຫ້ຄົບທຸກສີ ເພື່ອໃຫ້ໄດ້ວິຕາມິນ ແລະ  ສານພືດເຄມີ ແລະ ຍັງເຮັດໃຫ້ຖ່າຍສະດວກນຳອີກ ໂດຍຕ້ອງ ກິນຢ່າງໜ້ອຍມື້ລະ 3 ຖ້ວຍນ້ອຍ.

- Wave100S AD to Website 2020 0 - ອາຫານແມ່ເພື່ອອາຫານລູກ

– ຫລີກເວັ້ນເຄື່ອງດື່ມທີ່ມີກາເຟອີນ ໄດ້ແກ່ : ຊາ, ກາເຟ ແລະ ນຳ້ອັດລົມ, ງົດເຄື່ອງດື່ມທີ່ມີອານກໍຮໍ ລວມທັງຫລີກເວັ້ນເຂົ້າໜົມຫວານ ແລະ ອາຫານທີ່ມີໄຂມັນ.

– ຫາກຕ້ອງໃຊ້ຢາຄວນປຶກ ສາແພດທຸກເທື່ອ, ພັກຜ່ອນໃຫ້ພຽງພໍ ແລະ ອອກກຳລັງກາຍຢ່າງສະໝໍ່າສະເໝີ.

– ໂປຣຕິນ : ແມ່ລູກອ່ອນຄວນໄດ້ຮັບໂປຣຕິນທີ່ມີຄຸນນະພາບດີ ເຊິ່ງກໍແມ່ນໂປຣຕິນຈາກຊີ້ນສັດ, ໄຂ່ ແລະ ນົມ ທີ່ມີກົດອະມິໂນຈຳເປັນຄົບຖ້ວນ ເພາະຈະນຳໄປໃຊ້ໃນການຜະລິດນຳ້ນົມ ເພື່ອເປັນສານອາຫານໃນນຳ້ນົມ ທັງຍັງຊ່ວຍຟື້ນຟູແຊນ ແລະ ເນື້ອເຍື່ອຕ່າງໆຂອງແມ່ທີ່ສູນເສຍໄປລະຫ່ວາງການເກີດລູກ ເຊິ່ງທ່ານຄວນກິນຊີ້ນສັດບໍ່ມີໄຂມັນ ເຊັ່ນ : ຊີ້ນປາ, ຊີ້ນໝູ ແລະ ຊີ້ນໄກ່ ເປັນຕົ້ນ ຫາກແມ່ກິນເຈກໍຄວນຈະກິນໂປຣຕິນຈາກພືດທີ່ຫລາກຫລາຍເພື່ອໃຫ້ໄດ້ກົດອະມິໂນຈຳເປັນຄົບທຸກຊະນິດ.

– ວິຕາມິນ ແລະ ເກືອແຮ່ : ໄລຍະທີ່ໃຫ້ລູກກິນນົມນັ້ນ ປະລິມານວິຕາມິນ ແລະ ເກືອແຮ່ທີ່ມີຢູ່ໃນນຳ້ນົມຈະມາຈາກອາຫານທີ່ແມ່ກິນ ດັ່ງນັ້ນເພື່ອໃຫ້ນຳ້ນົມມີສານອາຫານທີ່ຈຳເປັນຄົບຖ້ວນສຳລັບລູກ ແມ່ຈຶ່ງຕ້ອງກິນອາຫານທີ່ມີວິຕາມິນ ແລະ ເກືອແຮ່ໃຫ້ຄົບທຸກຊະນິດ ຫາກແມ່ໄດ້ຮັບບໍ່ຄົບທຸກຊະນິດ ຮ່າງກາຍຈະເອົາສານອາຫານທີ່ແມ່ເກັບສະສົມໄວ້ມາໃຊ້ໃນການສ້າງນຳ້ນົມ ເຊັ່ນ : ຫາກແມ່ຂາດທາດການຊຽມ ຮ່າງກາຍຈະດຶງພາກສ່ວນທີ່ສະສົມໃນກະດູກ ແລະ ແຂ້ວຂອງແມ່ມາໃຊ້ເພື່ອໃຫ້ນຳ້ນົມມີທາດການຊຽມໃນປະລິມານທີ່ພຽງພໍຕໍ່ຄວາມຕ້ອງການຂອງລູກ. ກໍລະນີນີ້ຈະເກີດຜົນຮ້າຍຕໍ່ສຸຂະພາບຂອງແມ່, ຫາກແມ່ໄດ້ຮັບສານອາຫານບໍ່ພຽງພໍເປັນໄລຍະເວລາດົນຈົນເກີນກ່ວາທີ່ຮ່າງກາຍແມ່ຈະຊົດເຊີຍໄດ້ ອາດສົ່ງຜົນຕໍ່ປະລິມານວິຕາມິນ ແລະ ແຮ່ທາດໃນນຳ້ນົມໄດ້. ວິຕາມິນທີ່ຄວນໄດ້ຮັບແມ່ນວິຕາມິນອາ, ວິຕາມິນເບ 1, ວິຕາມິນເອີ, ໄນອະຊິນ, ໄບໂອຕິນ, ວິຕາມິນເຊ ແລະ ວິຕາມິນເບ 5 ເຊິ່ງໄດ້ຈາກຜັກ, ໝາກໄມ້ ແລະ ຊີ້ນສັດຕ່າງໆ.

- WhatsApp Image 2020 05 27 at 5 - ອາຫານແມ່ເພື່ອອາຫານລູກ
- WhatsApp Image 2020 05 27 at 5 - ອາຫານແມ່ເພື່ອອາຫານລູກ
error: Alert: ເນື້ອຫາຂ່າວມີລິຂະສິດ !!