ວິທີຫ່າງໄກຈາກວັນນະໂລກ

ວິທີຫ່າງໄກຈາກວັນນະໂລກ - 010802 2018 - ວິທີຫ່າງໄກຈາກວັນນະໂລກ
ວິທີຫ່າງໄກຈາກວັນນະໂລກ - Untitled design - ວິທີຫ່າງໄກຈາກວັນນະໂລກ

      ພະຍາດວັນນະໂລກ ເປັນພະຍາດຕິດຕໍ່ທີ່ມະນຸດຮູ້ຈັກກັນມາດົນເປັນພັນໆປີແລ້ວ ເກີດຈາກເຊື້ອແບັກທີເຣຍຊະນິດໜຶ່ງຊື່ວ່າ : ໄມຍະໂຄ ແບັກທີເຣຍ ທູເບີຄູໂລຊິສ ມີຮູບຮ່າງເປັນທ່ອນ ຕ້ອງຍ້ອມສີ ແລະ ສ່ອງເບິ່ງໂດຍກ້ອງຈຸລະທັດເທົ່ານັ້ນຈຶ່ງຈະເບິ່ງເຫັນໄດ້, ສາມາດຕິດເຊື້ອໄດ້ເກືອບທຸກອະໄວຍະວະຂອງຮ່າງກາຍ, ແຕ່ສ່ວນຫລາຍຈະເກີດຂຶ້ນຢູ່ປອດ, ເຊື້ອນີ້ສາມາດແຜ່ກະຈາຍໄດ້ຈາກເວລາຄົນປ່ວຍໄອ ຫລື ຈາມ ລະອອງຂີ້ກະເທີ່ຈະຟົ້ງກະຈາຍ ເມື່ອສືບເຂົ້າໄປຈະເກີດການຕິດເຊື້ອແລະປ່ວຍ ເປັນວັນນະໂລກໄດ້.

ວິທີການສັງເກດວ່າຕົນເອງປ່ວຍເປັນວັນນະໂລກຫລືບໍ່ກໍຄື : ຜູ້ປ່ວຍຈະມີອາການໄອຊຳ້ເຮື້ອດົນເກີນ 2 ອາທິດ, ມີຂີ້ກະເທີ່ສີຂຽວເຫລືອງ ຫລື ຂີ້ກະເທີ່ປົນເລືອດ, ອ່ອນເພຍ, ນຳ້ໜັກຫລຸດ, ມີໄຂ້ໃນຕອນບ່າຍໆ ຄວນຟ້າວໄປໂຮງໝໍທັນທີ, ໃນດ້ານການປິ່ນປົວນັ້ນເນັ້ນຄວາມສະໝໍ່າສະເໝີຂອງຄົນປ່ວຍທີ່ຕ້ອງກິນຢາໃຫ້ຕະຫລອດໄລຍະການປິ່ນປົວ ທັງຍັງຕ້ອງມີຄົນຕິດຕາມອາການທີ່ເປັນເຈົ້າໜ້າທີ່ທາງການແພດ ແລະ ສະມາຊິກໃນຄອບຄົວຊ່ວຍເບິ່ງແຍງດູແລການກິນຢາຂອງຄົນປ່ວຍ ທັງໃຫ້ຄຳແນະນຳ ແລະ ໃຫ້ກຳລັງໃຈ ຄອຍແນະນຳໃນລະຫ່ວາງການເຂົ້າຮັບການປິ່ນປົວ ເມື່ອກິນຢາວັນນະໂລກໄປແລ້ວ ປະມານ 2 –  3 ອາທິດ ອາການຈະດີຂຶ້ນ, ແຕ່ຍັງບໍ່ເຊົາ ຕ້ອງກິນຢາຕໍ່ໄປຈົນກ່ວາຈະຄົບ 6 – 8 ເດືອນ ຈຶ່ງຈະເຊົາດີ. ໃນໄລຍະທີ່ກຳລັງປິ່ນປົວ ນັ້ນຄົນປ່ວຍເປັນວັນນະໂລກຄວນປ້ອງກັນການແຜ່ກະຈາຍເຊື້ອນີ້ ໂດຍການອັດປາກ ແລະ ດັງທຸກເທື່ອເວລາໄອ ຫລື ຈາມ, ບໍ່ຖົ່ມຂີ້ກະເທີ່ຖິ້ມໃສ່ພື້ນ, ແຕ່ຄວນຖົ່ມໃສ່ພາຊະນະແລ້ວເອົາໄປຖິ້ມໃນໂຖວິດ ຫລື ໂຖຊັກໂຄກ, ຝັງດິນ ຫລື ເຜົາໄຟໃຫ້ຮຽບຮ້ອຍ.

ເຖິງວ່າພະຍາດນີ້ຈະຮ້າຍແຮງ, ແຕ່ກໍສາມາດປ້ອງກັນໄດ້ໂດຍການເບິ່ງແຍງເອົາໃຈໃສ່ສຸຂະພາບ ຈະເຮັດໃຫ້ຫ່າງໄກຈາກ ວັນນະໂລກ ແລະ ເຮັດໃຫ້ຜູ້ປ່ວຍເຊົາໄດ້ໄວຂຶ້ນ ໂດຍການປະຕິບັດຕາມຂໍ້ແນະນຳໄດ້ແກ່ :

– ການກິນຢາໃຫ້ໝົດທຸກເມັດ ແລະ ໄປພົບໝໍຕາມນັດທຸກໆເທື່ອ.

– ຫາກມີອາການແພ້ ຄວນປຶກສາທ່ານໝໍທັນທີ.

– ກິນອາຫານທີ່ມີປະໂຫຍດ, ງົດການດື່ມເຫລົ້າ, ເຄື່ອງດື່ມມຶນເມົາທຸກຊະນິດ ແລະ ບໍ່ສູບຢາ.

ວິທີຫ່າງໄກຈາກວັນນະໂລກ - Wave100S AD to Website 2020 0 - ວິທີຫ່າງໄກຈາກວັນນະໂລກ

– ພັກຜ່ອນໃຫ້ພຽງພໍ, ອອກກຳລັງກາຍໃຫ້ສະໝໍ່າສະເໝີ.

– ພະຍາຍາມເຮັດໃຈໃຫ້ສະບາຍ ຢ່າເຄັ່ງຄຽດ.

– ເບິ່ງແຍງດູແລບ່ອນຢູ່ອາໄສໃຫ້ມີຄວາມປອດໂປ່ງ, ອາການຖ່າຍເທໄດ້ດີ.

– ກວດສຸຂະພາບຢ່າງສະໝໍ່າສະເໝີ ປີລະ 1 – 2 ເທື່ອ.

ວິທີຫ່າງໄກຈາກວັນນະໂລກ - WhatsApp Image 2020 05 27 at 5 - ວິທີຫ່າງໄກຈາກວັນນະໂລກ
ວິທີຫ່າງໄກຈາກວັນນະໂລກ - WhatsApp Image 2020 05 27 at 5 - ວິທີຫ່າງໄກຈາກວັນນະໂລກ
error: Alert: ເນື້ອຫາຂ່າວມີລິຂະສິດ !!