ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ

ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ - Lao labour to korea - ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ
ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ - Untitled design - ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ

​  ພາຍ​ຫລັງ​ທີ່​ລັ​ດ​ຖະ​ບານ​ລາວ ແລະ ສ.ເກົາ​ຫລີ ​ໄດ້​ມີ​ການ​ຮ່ວມ​ມື ແລະ ເຊັນບົດ​ບັນ​ທຶກ​ຊ່ວຍ​ຈຳ (MOU) ວ່າ​ດ້ວຍ ການ​ສົ່ງ-ຮັບ​ແຮງ​ງານ​ໂດຍ​ຜ່ານ​ລະ​ບົບ​ການ​ຈ້າງ​ງານ ໃນ​ທ້າຍ​ປີ 2016 ຜ່ານມາ ແລະ ລາວກໍໄດ້ສົ່ງແຮງງານລາວຊຸດທໍາອິດຂອງຕົນຈໍານວນ 26 ຄົນໄດ້ໄປເຖິງ ສ.ເກົາຫລີແລ້ວ, ຊຶ່ງພິທີຕ້ອນຮັບໄດ້ມີຂຶ້ນໃນຕອນ​ເຊົ້າ​ວັນ​ທີ 6 ກຸມ​ພາ 2018 ​ທີ່ສະ​ຫນາມ​ບິນ​ສາ​ກົນ​ອິນ​ຊອນ, ສ.ເກົາ​ຫລີ, ໂດຍ​ການເຂົ້າ​ຮ່ວມ​​ຂອງທ່ານ ຄຳ​ສວຍ ແກ້ວ​ດາ​ລາ​ວົງ ເອກ​ອັກ​ຄະ​ລັດ​ຖະ​ທູດລາວປະ​ຈຳ ສ.ເກົາ​ຫລີ, ທ່ານ ກິມ ດັອງ ມັນ (Kim Dong Man) ປະ​ທານ​ສຳ​ນັກ​ງານ​ພັດ​ທະ​ນາ​ຊັບ​ພະ​ຍາ​ກອນ​ມະ​ນຸດ (Human Resources Development Service of Korea ຫລື HRD Korea).

ສຳ​ລັບ​ແຮງ​ງານດັ່ງກ່າວ ຈະ​ຕ້ອງ​ໄດ້​ຜ່ານ​ການ​ຝຶກ​ອົບ​ຮົມ​​ໄລ​ຍະ​ສັ້ນເປັນເວລາ 3 ມື້​ຢູ່ສູນ​ຝຶກ​ອົບ​ຮົມ​ແຮງ​ງານຂອງມູນ​ນິ​ທິ​ແຮງ​ງານ​ເກົາ​ຫລີ, ທີ່ເມືອງ​ຢໍ​ຈູ (Yeoju) ແຂວງ​ກັອງ​ກີ (Gyeonggi), ເພື່ອ​ຊ່ວຍ​ໃຫ້​ເຂົາ​ເຈົ້າຮັບ​ຮູ້ ແລະ ​ເຂົ້າ​ໃຈ​ສະ​ພາບ​ການ​ເຮັດ​ວຽກ ແລະ ການ​ດຳລົງ​ຊີ​ວິດ​ຢູ່ ສ.ເກົາ​ຫລີ.

ໂອ​ກາດນີ້, ທ່ານເອກ​ອັກ​ຄະ​ລັດຖະ​ທູດກໍ​ກ່າວໄດ້​ຊົມ​ເຊີຍ ແລະ ​ມີ​ຄຳ​ເຫັນວ່າ: ນີ້ເປັນຜົນສຳເລັດໃນເບື້ອງຕົ້ນຊື່ງສອງຝ່າຍລາວ-ເກົາຫລີຈະຕ້ອງໄດ້ສືບຕໍ່ພັດທະນາໄປເລື້ອຍໆ ພ້ອມສະແດງຄວາມຫວັງຢາກເຫັນແຮງງານລາວເຮັດວຽກຢູ່ ສ. ເກົາຫລີເປັນຈຳນວນຫລາຍຄືກັບປະເທດອື່ນໆ. ຈາກນັ້ນ ກໍໄດ້ແນະ​ນຳ​​ໃຫ້ແຮງ​ງານ​ລາວ​ເອົາ​ໃຈ​ໃສ່​ປະ​ຕິ​ບັດ​​ລະ​ບຽບກົດ​ຫມາຍ, ​ຂອງ​ຜູ້​ຈ້າງ​ງານ​ທີ່​ລະ​ບຸ​ໄວ້​ໃນ​ສັນ​ຍາ, ເອົາ​ໃຈ​ໃສ່​​ດຸ​ຫມັ່ນໃນ​ການ​ເຮັດ​ວຽກ, ມີ​ຄວາມ​ມາ​ນະ​ອົດ​ທົນ, ຊື່​ສັດ​ສຸ​ຈະ​ລິດ, ປະ​ຕິ​ບັດ​ໂມງ​ເວ​ລາ​ຢ່າງ​ເຂັ້ມ​ງວດ, ປະ​ຢັດ​ມັດ​ທະ​ຍັດ ແລະ ບໍ່​ຫລິ້ນ​ກິນ​ຟູມ​ເຟືອຍ ແລະ ຮຽກຮ້ອງໃຫ້​ຮຽນ​ຮູ້​​ວັດ​ທະ​ນະ​ທຳ ແລະ ນັບ​ຖືຮີດ​ຄອງ​ປະ​ເພ​ນີ, ຮ່ຳ​ຮຽນ​ພາ​ສາ​ເກົາ​ຫລີ​ທີ່​ມີ​ຄວາມ​ຈຳ​ເປັນ​ສຳ​ລັບ​ວຽກ​ງານ ແລະ ການ​ດຳ​ລົງ​ຊີ​ວິດ, ພ້ອມ​ພັດ​ທະ​ນາ​ຄວາມ​ຮູ້​ຄວາມ​ສາ​ມາດ​ຂອງຕົນ​ເອງໃຫ້ດີເດັ່ນຂຶ້ນ.

ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ - Wave100S AD to Website 2020 0 - ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ

 

 

ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ - WhatsApp Image 2020 05 27 at 5 - ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ
ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ - WhatsApp Image 2020 05 27 at 5 - ແຮງ​ງານ​ລາວ​ 26 ຄົນຊຸດ​ທຳ​ອິດໄດ້ໄປເຖິງ ສ.ເກົາ​ຫລີແລ້ວ
error: Alert: ເນື້ອຫາຂ່າວມີລິຂະສິດ !!