ຟລອຍ ກັບຄືນສູ່ສັງວຽນ ມີລຸ້ນຊົກກັບ ແມັກເກຣເກີຣ ໃນຄອກ
ຟລອຍ ເມຍ໌ເວທເທີຣ ຈູເນຍ ກຳປັ້ນບໍ່ມີເສຍຊາວອາເມລິກາ ເຜີຍກຳລັງມີແຜນການຄືນສັງວຽນອີກ ແຕ່ຍັງບໍ່ໄດ້ຕັດສິນໃຈວ່າຈະເປັນສັງວຽນຜ້າໃບທີ່ຄຸ້ນເຄີຍ ຫລື ປ່ຽນມາສູ້ໃນຄອກ.
ທັງນີ້ ໃນເດືອນມັງກອນຜ່ານມາ ກຳປັ້ນເຈົ້າຂອງສະຖິຕິຊະນະ 50 ໄຟຕ໌ ໄດ້ອັດຄລິບຕົນເອງຂະນະຂຶ້ນຊ້ອມໃນຄອກ ສົ່ງສັນຍານໃຫ້ແຟນມວຍຕື່ນເຕັ້ນວ່າ ຟລອຍ ອາດກັບມາຂຶ້ນສັງວຽນອີກຄັ້ງ ໃນຖານະນັກສູ້ MMA.
ເມຍ໌ເວທເທີຣ໌ ຈູເນຍ ກັບ ແມັກເກຣເກີຣ໌ ຫາກໍສ້າງໄຟຕ໌ເປັນທີ່ຮືຮາດ້ວຍກັນ ໃນເດືອນສິງຫາປີຜ່ານມາ ໂດຍຕອນນັ້ນພວກເຂົາໃຊ້ກົດກະຕິກາມວຍສາກົນ ແລະ ເປັນອະດີດກຳປັ້ນບໍ່ມີເສຍເອົາຊະນະນັອກໄປໄດ້ໃນຍົກທີ 10.
ຫລັງຈາກນັ້ນເປັນຕົ້ນມາກໍມີກະແສຂ່າວເລື້ອຍໆວ່າ ທັງສອງອາດມີການຊົກກັນອີກ ໂດຍປ່ຽນມາເປັນສູ້ພາຍໃຕ້ກົດ MMA ເຊິ່ງຫລ້າສຸດ ຈິມ ໄວທ໌ ນັກຂ່າວຂອງ ທອກ ສະປອດ ລາຍງານວ່າ ທັງສອງຄົນກຳລັງເຈລະຈາເລື່ອງການຕໍ່ສູ້ຄັ້ງໃໝ່ນີ້ ແລະ ຄາດວ່າຈະສ້າງລາຍຮັບໄດ້ເຖິງ 500 ລ້ານໂດລາສະຫະລັດ.
