ຮ້ານ​ສຸດ​ຍອດ​ລາວ​ເປີດ​ໃຫ້​ບໍລິການ​ຢ່າງ​ເປັນ​ທາງ​ການ

- advert banner 728 90 728x90 - ຮ້ານ​ສຸດ​ຍອດ​ລາວ​ເປີດ​ໃຫ້​ບໍລິການ​ຢ່າງ​ເປັນ​ທາງ​ການ

- 17198465 769215766570568 1378573670 n 300x225 - ຮ້ານ​ສຸດ​ຍອດ​ລາວ​ເປີດ​ໃຫ້​ບໍລິການ​ຢ່າງ​ເປັນ​ທາງ​ການ ເພື່ອສ້າງຄວາມສະດວກ ແລະ ເພີ່ມທາງເລືອກໃຫ້ແກ່ລູກຄ້າໃນນະຄອນຫຼວງວຽງຈັນທີ່ຕ້ອງຊື້ສີນຄ້າອຸປະໂພກ-ບໍລິໂພກທີ່ຂຶ້ນຊື່ຂອງແຕ່ລະທ້ອງຖິ່ນທົ່ວປະເທດເພື່ອເປັນຂອງຕ້ອນຂອງຝາກ. ສະນັ້ນທ່ານນາງ ລັດສະໜີ ເວດສະພົງ ຜູ້ບໍລິຫານບໍລິສັດແມ່ຂອງຂາເຂົ້າ-ຂາອອກ ຈຳກັດ ຈຶ່ງມີແນວຄິດຮວບຮວມເອົາບັນດາຜະລິດຕະພັນປະເພດອຸປະໂພກ-ບໍລິໂພກທີ່ພົ້ນເດັ່ນຂອງທ້ອງຖິ່ນຕ່າງໆມາໄວ້ບ່ອນດຽວ, ໂດຍມີຊື່ວ່າ: “ຮ້ານລາວສຸດຍອດ (Lao Best)”, ຊຶ່ງຕັ້ງຢູ່ອາຄານດ້ານໜ້າສູນການຄ້າລາວ-ໄອເຕັກ, ນະຄອນຫລວງວຽງຈັນ ແລະ ພິທີເປີດຮ້ານດັ່ງກ່າວຢ່າງເປັນທາງການໄດ້ຈັດຂຶ້ນເມື່ອທ້າຍອາທິດຜ່ານມານີ້, ໂດຍມີທ່ານປະທານສະຫະພັນແມ່ຍິງລາວ ນາງອິນລາວັນ ແກ້ວບຸນພັນ ໃຫ້ກຽດເຂົ້າຮ່ວມ.

- new3 - ຮ້ານ​ສຸດ​ຍອດ​ລາວ​ເປີດ​ໃຫ້​ບໍລິການ​ຢ່າງ​ເປັນ​ທາງ​ການ

ເຈົ້າຂອງຮ້ານລາວສຸດຍອດ ກ່າວວ່າ: ຮ້ານພວກເຮົາຈະຈໍາໜ່າຍສະເພາະສິນຄ້າທີ່ຜະລິດຢູ່ແຕ່ລະທ້ອງຖິ່ນພາຍໃນປະເທດລາວເທົ່ານັ້ນ ແລະ ຄັດເລືອກເອົາແຕ່ສິນຄ້າທີ່ພົ້ນເດັ່ນ ແລະ ໄດ້ຮັບຄວາມນິຍົມຈາກສັງຄົມກໍຄືຜູ້ບໍລິໂພກ, ນັບແຕ່ປະເພດອາຫານ, ເຄື່ອງດື່ມ, ເຄື່ອງຫັດຖະກໍາ ແລະ ເຄື່ອງໃຊ້ສອຍຕ່າງໆ. ເພື່ອເປັນຂົວຕໍ່ໃຫ້ແກ່ຜູ້ຜະລິດໃນທ້ອງຖິ່ນທົ່ວປະເທດໄດ້ເຂົ້າເຖິງຕະຫລາດຈໍາໜ່າຍທີ່ກວ້າງຂວາງຫລາຍຂຶ້ນ, ທັງເປັນການຍົກສູງຜະລິດຕະພັນຂອງລາວກ້າວສູ່ສາກົນ ແລະ ຍົກລະດັບຊີວິດການເປັນຢູ່ຂອງປະຊາຊົນບັນດາເຜົ່າໃຫ້ດີຂຶ້ນເທື່ອລະກ້າວ ແລະ ມີຄວາມຍືນຍົງ.

- lattana 1 - ຮ້ານ​ສຸດ​ຍອດ​ລາວ​ເປີດ​ໃຫ້​ບໍລິການ​ຢ່າງ​ເປັນ​ທາງ​ການ

ໃນໂອກາດນີ້, ທ່ານປະທານສູນກາງສະຫະພັນແມ່ຍິງລາວ, ໄດ້ສະແດງຄວາມຍ້ອງຍໍຊົມເຊີຍຕໍ່ເຈົ້າຂອງຮ້ານລາວສຸດຍອດ ທີ່ໄດ້ມີແນວຄິດໃໝ່ໃນການດໍາເນີນທຸລະກິດໃຫ້ຂະຫຍາຍຕົວ, ພ້ອມທັງມີຫົວຄິດປະດິດສ້າງໃນການນໍາເອົາຜະລິດຕະພັນພາຍໃນມາຈໍາໜ່າຍ, ອັນເປັນການຊຸກຍູ້ສົ່ງເສີມການຜະລິດຂອງທ້ອງຖິ່ນໃຫ້ມີຄວາມເຂັ້ມແຂງ, ສົ່ງເສີມດ້ານການຕະຫລາດຈໍາໜ່າຍໃຫ້ກວ້າງ ຂວາງທັງພາຍໃນ ແລະ ຕ່າງປະເທດ ແລະ ແນ່ໃສ່ເຮັດໃຫ້ປະຊາຊົນບັນດາເຜົ່າຜະລິດເປັນສີນຄ້າໃຫ້ຫລາຍ ເພື່ອສ້າງລາຍຮັບເພີ່ມຂຶ້ນ ແລະ ແກ້ໄຂຄວາມທຸກຍາກໄດ້ເທື່ອລະກ້າວ.

error: Content is protected !!