ຄະນະນໍາເມືອງຫາດຊາຍຟອງລົງຕິດຕາມການແກ້ໄຂກິ່ນເໝັນຈາກຟາມລ້ຽງໝູໄຜ່ຄໍາ

- advert banner 728 90 728x90 - ຄະນະນໍາເມືອງຫາດຊາຍຟອງລົງຕິດຕາມການແກ້ໄຂກິ່ນເໝັນຈາກຟາມລ້ຽງໝູໄຜ່ຄໍາ

- bad smell 300x200 - ຄະນະນໍາເມືອງຫາດຊາຍຟອງລົງຕິດຕາມການແກ້ໄຂກິ່ນເໝັນຈາກຟາມລ້ຽງໝູໄຜ່ຄໍາ         ພາຍຫລັງ, ໄດ້ມີການເຮັດບົດບັນທຶກກ່ຽວກັບກອງປະຊຸມປຶກສາຫາລືການແກ້ໄຂຜົນກະທົບທາງສິ່ງແວດລ້ອມຈາກຟາມລ້ຽງໝູໄຜ່ຄຳ, ຄຸ້ມໂພນກອກ ເຂດບໍ່ໂອ, ເມືອງຫາດຊາຍຟອງ, ນະຄອນ ຫລວງວຽງຈັນ ເມື່ອເດືອນກຸມພາຜ່ານມາທີ່ສຳນັກງານປົກຄອງເມືອງຫາດຊາຍຟອງ, ໂດຍການເປັນປະທານຂອງທ່ານ ບຸນທາມ ພຸດທະວົງສາ ເຈົ້າເມືອງດັ່ງກ່າວ. ເນື້ອໃນບົດບັນທຶກດັ່ງກ່າວແມ່ນເຫັນດີຕົກລົງເປັນເອກະພາບໃຫ້ເຈົ້າຂອງຟາມດັ່ງກ່າວປະຕິບັດຄື: ຫລຸດຈຳນວນໝູທີ່ລ້ຽງຢູ່ຟາມລ້ຽງຈາກ 1.200 ໃຫ້ເຫລືອ 900 ໂຕຕໍ່ຊຸດ, ໃຫ້ຮີບຮ້ອນປະຕິບັດໂຄງການໃບໂອແກັດ (Biogas) ໃຫ້ສຳເລັດໃນເດືອນກໍລະກົດ 2018 ຖ້າຮອດກຳນົດດັ່ງກ່າວເຈົ້າຂອງຟາມບໍ່ສາມາດແກ້ໄຂຜົນກະທົບດ້ານສິ່ງແວດລ້ອມໄດ້, ໂດຍສະເພາະກິ່ນເໝັນແມ່ນຕ້ອງຢຸດເຊົາລ້ຽງ ແລະ ຍ້າຍອອກຈາກພື້ນຢ່າງຂາດຕົວ ແລະ ໃຫ້ຫລຸດມູນຄ່າການລົງທຶນລົງຕື່ມໃນກິດຈະການລ້ຽງໝູແລ້ວເຫັນດີໃຫ້ລົງທຶນໃສ່ການແກ້ໄຂສິ່ງແວດລ້ອມເພື່ອຮອງຮັບການລົ້ມລະລາຍຈາກກິດຈະການລ້ຽງໝູ, ເຫັນດີໃຫ້ເຈົ້າຂອງຟາມໄປຊອກຫາພື້ນທີ່ລ້ຽງບ່ອນໃໝ່, ສະເພາະພື້ນທີ່ດັ່ງກ່າວໃຫ້ປ່ຽນເຮັດກິດຈະການອື່ນທີ່ເຫັນວ່າບໍ່ມີຜົນກະທົບຕໍ່ສິ່ງແວດລ້ອມ. ດັ່ງນັ້ນເພື່ອປະຕິບັດຕາມເນື້ອໃນບົດບັນທຶກດັ່ງກ່າວ, ເຈົ້າຂອງຟາມລ້ຽງໝູຈຶ່ງໄດ້ມີການຮ່ວມກັບຄະນະວິສະວະກຳສາດມະຫາວິທະຍາໄລແຫ່ງຊາດ ເພື່ອດໍາເນີນໂຄງການບຳບັດນ້ຳເສຍຈາກຟາມດ້ວຍເຕັກໂນໂລຊີແກັດຊີວະພາບ, ພາຍໃຕ້ທຶນສະໜັບສະໜູນຂອງອົງ

- new3 - ຄະນະນໍາເມືອງຫາດຊາຍຟອງລົງຕິດຕາມການແກ້ໄຂກິ່ນເໝັນຈາກຟາມລ້ຽງໝູໄຜ່ຄໍາ

ການ UNDP ມູນຄ່າ 49.300 ໂດລາສະຫະລັດ ຫລື ປະມານ 400 ລ້ານກີບ, ໄລຍະເວລາຂອງການດໍາເນີນໂຄງການແມ່ນ 18 ເດືອນ, ຖ້າໂຄງການນີ້ສ້າງສຳເລັດຈະຊ່ວຍໃນການປັບປຸງຄຸນນະພາບຂອງນ້ຳ ແລະ ອາກາດຢູ່ບໍລິເວນອ້ອມຂ້າງຟາມໝູດີຂຶ້ນ ແລະ ວັນທີ 6 ມີນາຜ່ານມານີ້, ທ່ານ ບົວໄຊ ລຸນນະວົງສາ ຫົວໜ້າຫ້ອງວ່າການປົກຄອງເມືອງຫາດຊາຍຟອງ, ທ່ານ ໝັ້ນ ພິມພະຈັນ ເຈົ້າຂອງຟາມລ້ຽງໝູໄຜ່ຄຳ, ທ່ານ ຄຳພອນ ນັນທະວົງ ຄະນະວິສະວະກຳສາດມະຫາວິທະຍາໄລແຫ່ງຊາດ ແລະ ຂະແໜງການກ່ຽວຂ້ອງ, ພ້ອມດ້ວຍອຳນາດການປົກຄອງບ້ານໄດ້ລົງຕິດຕາມການດໍາເນີນໂຄງການແກ້ສຊີວະພາບດັ່ງກ່າວ.

ເຈົ້າຂອງຟາມດັ່ງກ່າວໃຫ້ຮູ້ວ່າ: ຕໍ່ໜ້ານີ້ສະຖານທີ່ຟາມແຫ່ງນີ້ຈະເປັນສວນຊີວະພາບຈະເປັນສູນການຮຽນຮູ້ລະບົບນິເວດຊຸມຊົນ ແລະ ເປັນບ່ອນແລກປ່ຽນຄວາມຮູ້ກ່ຽວກັບວິທີດຳເນີນການຜະ ລິດກະສິກຳແບບເປັນມິດກັບສິ່ງແວດລ້ອມອີກດ້ວຍ.

- lattana 1 - ຄະນະນໍາເມືອງຫາດຊາຍຟອງລົງຕິດຕາມການແກ້ໄຂກິ່ນເໝັນຈາກຟາມລ້ຽງໝູໄຜ່ຄໍາ
error: Content is protected !!