ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ

ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ - PM - ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ
ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ - Untitled design - ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ

ໃນໂອກາດມີຄໍາເຫັນຊີ້ນໍາສະມາຊິກລັດຖະບານໃນການປະຕິບັດວຽກງານຈຸດສຸມໃນເດືອນມີນານີ້ຂອງທ່ານນາຍົກລັດຖະມົນຕີ ທອງລຸນ ສີສຸລິດ, ໂດຍໄດ້ເນັ້ນໃຫ້ຂະແໜງການເສດຖະກິດ ແລະ ພາກສ່ວນກ່ຽວຂ້ອງອື່ນໆ, ຕ້ອງສືບຕໍ່ຄົ້ນຄວ້າມາດຕະການເພື່ອແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ລະບົບເສດຖະກິດຂອງຊາດໃນຕໍ່ໜ້າ, ໂດຍສະເພາະສຸມ​ໃສ່​ການ​ເກັບ​ລາຍ​ຮັບ​ງົບປະມານ​ໃຫ້​ໄດ້​ຕາມ​ຄາດໝາຍ​ແຕ່​ຫົວທີ, ​ໂດຍ​ພະຍາຍາມ​ປິດ​ຊ່ອງ​ຫວ່າງ​ການ​ຮົ່ວ​ໄຫລ​ຂອງ​ລາຍ​ຮັບ​ງົບປະມານ, ເພີ່ມທະວີຄວາມເຂັ້ມງວດ​ຕໍ່​ການ​ເກັບ​ລາຍ​ຮັບ​ເຂົ້າງົບປະມານໃຫ້ຫລາຍຂຶ້ນ ​ແລະ ຮີບຮ້ອນແກ້ໄຂສະພາບ​ພະນັກງານລັດຖະກອນ ​ແລະ ຜູ້​ປະກອບ​ການທີ່ສວຍ​ໂອກາດສໍ້ລາດບັງຫລວງ ກໍຄືສະພາບການຫລົບ​ຫລີກ​ພາສີ​ອາກອນ ຫລື ບໍ່ມອບ​ພັນທະ​ງົບປະມານ​, ສືບ​ຕໍ່​ຄຸ້ມ​ຄອງ ​ແລະ ຮັກສາ​ສະຖຽນ​ລະ​ພາບ​ທາງ​ດ້ານ​ເສດຖະກິດ​ມະຫາ​ພາກ, ຄຸ້ມ​ຄອງ​ອັດຕາ​ເງິນ​ເຟີ້ ​ແລະ ອັດຕາ​ແລກປ່ຽນ​ໃຫ້​ຢູ່​ໃນ​ເກນ​ປົກກະຕິ, ຕິດຕາມ ​ແລະ ຄຸ້ມ​ຄອງ​ການ​ເຄື່ອນ​ໄຫວ​ຂອງ​ທະນາຄານ​ທຸລະ​ກິດ ​ແລະ ບັນດາ​ສະ​ຖາ​ບັນ​ການ​ເງິນ​ໃຫ້​ຖືກຕ້ອງ​ຕາມ​ກົດໝາຍ ​ແລະ ລະບຽບ​ການ, ຮີບ​ຮ້ອນ​ຄົ້ນຄວ້າ​ນະ​ໂຍບາຍ​ອັດຕາ​ດອກ​ເບ້ຍ​ເງິນ​ກູ້ ​ແລະ ກົນ​ໄກ​ການ​ສະໜອງ​ທຶນ ​ເພື່ອ​ຊຸກຍູ້​ສົ່ງ​ເສີມ​ການ​ຜະລິດ​ພາຍ​ໃນ, ​ໂດຍ​ສະ​ເພາະ​ໃນ​​ເງື່ອນ​ໄຂ​ທີ່​ພາກ​ທຸລະ​ກິດ​ພາຍ​ໃນ​ມີ​ຄວາມ​ຫຍຸ້ງຍາກ​ທາງ​ດ້ານ​ການ​ເຂົ້າ​ເຖິງ​ແຫ​ລ່ງທຶນ. ພ້ອມທັງ​ສືບ​ຕໍ່​ປັບປຸງ​ລະບຽບ​ການ ​ແລະ ກົນ​ໄກ ​ເພື່ອ​ອຳນວຍ​ຄວາມ​ສະດວກ​ໃຫ້​ແກ່​ການ​ດຳ​ເນີນ​ທຸລະ​ກິດ ​ແລະ ສົ່ງ​ເສີມ​ການ​ລົງທຶນ​ຂອງ​ຕ່າງປະ​ເທດ ​ເພື່ອ​ເປັນ​ມາດ​ຕະການ​ໜຶ່ງ​ໃນ​ການ​ກະ​ຕຸ້ນ​ເສດຖະກິດ, ສືບ​ຕໍ່​ຄຸ້ມ​ຄອງ​ລາຄາ​ສິນຄ້າ ​ແລະ ຕິດຕາມ​ສະພາ​ບການ​ເໜັງ​ຕີງ​ຂອງ​ລາຄາ​ນ້ຳມັນ​ຢ່າງ​ໃກ້ຊິດ ແລະ ອັນສໍາຄັນຕ້ອງ​ແຈ້ງ​ໃຫ້​ທົ່ວ​ສັງຄົມ​ຮັບ​ຊາບ​ຕໍ່​ກັບ​ການ​ປັບ​ຂຶ້ນ-ລົງ​ລາຄາ​ນ້ຳມັນ​ໃນແຕ່ລະ​ໄລຍະ ​ເພື່ອ​ຫລີກ​ເວັ້ນການ​ເຂົ້າ​ໃຈ​ຜິດ ຫລື ຕຳ​ນິວິຈານ​ຢ່າງ​ບໍ່​ສົມ​ເຫດ​ສົມ​ຜົນ, ພ້ອມທັງເອົາໃຈໃສ່​ຕິດຕາມ​ລາຄາ​ສິນຄ້າ​ຕາມ​ທ້ອງ​ຕະຫລາດ​, ​ເນື່ອງ​ຈາກ​ເຫັນ​ວ່າ​ລາຄາ​ສິນຄ້າໄລຍະນີ້​ແພງ​ຂຶ້ນຫລາຍ, ອັນ​ໄດ້​ສົ່ງ​ຜົນ​ກະທົບ​ຕໍ່​ການ​ດຳລົງ​ຊີວິດ​ຂອງ​ປະຊາຊົນ, ຄຽງຄູ່ກັນນັ້ນ, ກໍໃຫ້​ເອົາ​ໃຈ​ໃສ່​ຕິດຕາມ,​ ກວດກາ ​ແລະ ສະກັດ​ກັ້ນການ​ດຳ​ເນີນ​ທຸລະ​ກິດ, ຄ້າຂາຍ, ນຳ​ເຂົ້າ-ສົ່ງ​ອອກ​,​ ການຜະລິດຕ່າງໆທີ່​ບໍ່​ຖືກຕ້ອງສອດຄ່ອງຕາມລະບຽບ​ກົດໝາຍ ​ເປັນຕົ້ນ: ການ​ລັກລອບ​ນຳ​ເຂົ້າ-ສົ່ງ​ອອກ​ສິນຄ້າ​ທີ່​ຜິດ​ກົດໝາຍ, ການ​ຫລົບ​ຫລີກ​ພາສີ-ອາກອນ ຕະຫລອດ​ຮອດ​ການ​ລັກລອບ​ຊື້-ຂາຍ ຫລື ສົ່ງ​ອອກ​ໄມ້ ​ແລະ ​ເຄື່ອງ​ປ່າ​ຂອງ​ດົງ​ທີ່​ຂັດ​ກັບ​ຄຳ​ສັ່ງ​ເລກທີ 15 ​ແລະ ນິຕິ​ກຳ​ກ່ຽວຂ້ອງອື່ນໆຕ້ອງໃຫ້ໄດ້ຮັບການແກ້ໄຂຢ່າງເຂັ້ມງວດຕາມລະບຽບກົດໝາຍ.

ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ - Wave100S AD to Website 2020 0 - ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ
ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ - WhatsApp Image 2020 05 27 at 5 - ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ
ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ - WhatsApp Image 2020 05 27 at 5 - ນາຍົກເນັ້ນໃຫ້ເພີ່ມທະວີຫາມາດຕະການແກ້ໄຂສິ່ງບໍ່ດີຕ່າງໆທີ່ຈະກະທົບຕໍ່ເສດຖະກິດຂອງຊາດ
error: Alert: ເນື້ອຫາຂ່າວມີລິຂະສິດ !!