ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກ

- Untitled design - ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກ

 

- image001 300x246 - ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກເຊິ່ງເມື່ອບໍ່ດົນມານີ້, ສະຫາຍ ຄຳແພງ ໄຊສົມແພງ ກຳມະການສູນກາງພັກ, ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ (ຮສສ) ໄດ້ໂອ້ລົມຕໍ່ພະນັກງານຂອງຕົນວ່າ: ເພື່ອໃຫ້ບັນລຸໄດ້ຕາມຄາດໝາຍຂອງມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ ແລະ ມະຕິກອງປະຊຸມໃຫຍ່ອົງຄະນະພັກຄັ້ງທີ V ຂອງກະຊວງ ຮສສ ວາງອອກນັ້ນ, ສະມາຊິກພັກ, ພະນັກງານ-ລັດຖະກອນຂອງຂະແໜງແຮງງານ ແລະ ສະຫວັດດີການສັງຄົມຈະຕ້ອງໄດ້ເພີ່ມທະວີຄວາມເອົາໃຈໃສ່ຄົ້ນຄວ້າເຊື່ອມຊຶມ ແລະ ຈັດຕັ້ງປະຕິບັດໃຫ້ຖືກຕ້ອງຕາມກົດລະບຽບຂອງພັກ ໂດຍສະເພາະຕ້ອງກຳແໜ້ນການກໍ່ສ້າງ ແລະ ປັບປຸງຕົນເອງຕາມ 5 ຫລັກການ 3 ທິດນຳຂອງພັກເຮົາ ບົນພື້ນຖານການຢຶດໝັ້ນລັດທິມາກ-ເລນິນ, ແນວຄິດໄກສອນ ພົມວິຫານ ແລະ ມູນເຊື້ອອັນດີງາມຂອງພັກ ອັນເປັນພື້ນຖານແນວຄິດ, ທິດສະດີຂອງພັກ, ເສີມຂະຫຍາຍລັກສະນະນຳໜ້າ, ລັກສະນະສຶກສາອົບຮົມ ແລະ ລັກສະນະຕໍ່ສູ້ຂອງຊົນຊັ້ນກຳມະກອນ, ກໍ່ສ້າງ, ປັບປຸງພັກໃຫ້ປອດໃສຂາວສະອາດ, ເຂັ້ມແຂງ ແລະ ໜັກແໜ້ນ; ຕາມຫລັກການລວມສູນປະຊາທິປະໄຕ, ນຳພາເປັນໝູ່ຄະນະ, ແບ່ງງານໃຫ້ບຸກຄົນຮັບຜິດຊອບ, ມີລະບຽບວິໄນເຂັ້ມງວດ, ເຄົາລົບ ແລະ ປະຕິບັດລັດຖະທຳມະນູນ ແລະ ກົດໝາຍ, ສະມາຊິກພັກສະເໝີພາບກັນ ບົນພື້ນຖານກົດລະບຽບພັກ ແລະ ກົດໝາຍຂອງລັດ; ຖືເອົາຄວາມສາມັກຄີເປັນປຶກແຜ່ນ ເປັນຫລັກການພື້ນຖານຂອງພັກ ບົນພຶ້ນຖານແນວທາງ, ນະໂຍບາຍ ແລະ ກົດລະບຽບພັກ, ຮັບປະກັນຄວາມເປັນເອກະພາບທາງດ້ານການເມືອງ, ແນວຄິດ, ການຈັດຕັ້ງ ແລະ ການກະທຳຂອງພັກ, ຖືເອົາປະຊາຊົນເປັນກົກ, ຮັບໃຊ້ປະຊາຊົນດ້ວຍຄວາມບໍລິສຸດສັດຊື່, ເຄື່ອນໄຫວຕາມແນວທາງມະຫາຊົນຂອງພັກ, ອີງໃສ່ມະຫາຊົນ ແລະ ຜ່ານຂະບວນການປະຕິວັດຂອງມະຫາຊົນເພື່ອກໍ່ສ້າງ ແລະ ຂະຫຍາຍພັກ; ຖືເອົາການຕຳນິ, ຕິຊົມກັນເປັນການກວດກາຄຸນທາດການເມືອງ, ຄຸນສົມບັດສິນທຳປະຕິວັດ, ຄວາມຮັບຜິດຊອບທາງດ້ານການເມືອງ, ແບບແຜນວິທີເຮັດວຽກ ແລະ ການຂະຫຍາຍຕົວຂອງພັກ. ພ້ອມດຽວກັນນັ້ນ, ຈົ່ງພ້ອມກັນສືບຕໍ່ປະຕິບັດວຽກກໍ່ສ້າງ ແລະ ປັບປຸງຕົນເອງຕາມ 3 ທິດນຳ ແນໃສ່ກໍ່ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນການນຳພາຂອງພັກ, ເພີ່ມທະວີວຽກງານປ້ອງກັນພັກ, ເດັດດ່ຽວຕ້ານການເຊື່ອມຄຸນທາດການເມືອງພາຍໃນພັກ; ການກໍ່ສ້າງ, ປັບປຸງພັກ ຕ້ອງຖືເອົາຄຸນນະພາບເປັນກົກ, ຮັບເອົາຜູ້ທີ່ດີເດັ່ນ, ມີມາດຖານ ແລະ ເງື່ອນໄຂຄົບຖ້ວນເຂົ້າເປັນສະມາຊິກພັກ; ເດັດດ່ຽວເອົາຜູ້ທີ່ເຊື່ອມຄຸນປ່ຽນທາດອອກຈາກພັກ; ພັກບູລະນະ ແລະ ພັດທະນາຕົນເອງບໍ່ຢຸດຢັ້ງ ເພື່ອໃຫ້ທຽບທັນກັບຄວາມຮຽກຮ້ອງຕ້ອງການແຫ່ງການນຳພາຂອງພັກແຕ່ລະໄລຍະ, ພ້ອມທັງສົມທົບແໜ້ນລະຫວ່າງການເພີ່ມທະວີການນຳພາຂອງພັກກັບການເຊີດຊູຄວາມສັກສິດໃນການຄຸ້ມຄອງຂອງລັດ, ເສີມຂະຫຍາຍບົດບາດຄວາມເປັນເຈົ້າການຂອງແນວລາວສ້າງຊາດ, ບັນດາອົງການຈັດຕັ້ງມະຫາຊົນ ແລະ ອົງການຈັດຕັ້ງສັງຄົມ.

ສະຫາຍ ຄຳແພງ ໄຊສົມແພງ ຍັງເນັ້ນຕື່ມວ່າ: ຫວັງວ່າບັນດາສະຫາຍສະມາຊິກພັກ, ພະນັກ ງານ-ລັດຖະກອນ ນັບແຕ່ສູນກາງລົງຮອດທ້ອງຖິ່ນຈະນຳໄປຄົ້ນຄວ້າ, ຄິດຫງຳໄຕ່ຕອງ ແລະ ໝູນໃຊ້ເຂົ້າໃນການຊີ້ນໍາ-ນໍາພາໃນການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ອົງຄະນະພັກ ຄັ້ງທີ V ຂອງກະຊວງ ຮສສ ໃຫ້ປາກົດຜົນເປັນຈິງ, ພ້ອມທັງເຊື່ອໝັ້ນວ່າ ດ້ວຍມູນເຊື້່ອຄວາມສາມັກຄີເປັນປຶກແຜ່ນແໜ້ນໜາ ແລະ ບົດຮຽນຕົວຈິງທີ່ໄດ້ສະສົມຜ່ານມາ ບວກກັບຄວາມເປັນເຈົ້າການ ແລະ ຄວາມຮັບຜິດຊອບສູງຂອງສະມາຊິກພັກ, ພະນັກງານ-ລັດຖະກອນທົ່ວຂະແໜງແຮງງານ ແລະ ສະຫວັດດີການສັງຄົມຈະສາມາດຜ່ານຜ່າຂໍ້ຫຍຸ້ງຍາກ, ເຮັດສຳເລັດໜ້າທີ່ການເມືອງ ເພື່ອຍາດເອົາຜົນສຳເລັດທີ່ມີປະສິດທິພາບໄດ້ເປັນຢ່າງດີ.

- Wave100S AD to Website 2020 0 - ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກ
- WhatsApp Image 2020 05 27 at 5 - ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກ
- WhatsApp Image 2020 05 27 at 5 - ກະຊວງແຮງງານເນັ້ນໃຫ້ພະນັກງານພະນັກງານປັບປຸງຕົນເອງຕາມ 5 ຫລັກການ 3 ທິດນຳຂອງພັກ
error: Alert: ເນື້ອຫາຂ່າວມີລິຂະສິດ !!