ອາກາດຮ້ອນແຮງໃຫ້ລະວັງພະຍາດລະບາດ

- Untitled design - ອາກາດຮ້ອນແຮງໃຫ້ລະວັງພະຍາດລະບາດ

- Untitled 2 copy 9 300x180 - ອາກາດຮ້ອນແຮງໃຫ້ລະວັງພະຍາດລະບາດໜ່ວຍເຝົ້າລະວັງພະຍາດລະບາດກະຊວງສາທາລະນະສຸກໃຫ້ຮູ້ວ່າ: ຈາກລະພາບອາກາດຮ້ອນແຮງດັ່ງປັດຈຸບັດ ອາດເປັນສາເຫດເຮັດໃຫ້ພະຍາດຕາມລະດູການເກີດການລະບາດໄດ້ງ່າຍ, ໂດຍສະເພາະພະຍາດທີ່ມາຈາກອາຫານເຊັ່ນ: ພະຍາດຖອກທ້ອງ, ອະຫິວາ ແລະ ໄຂ້ຊະນິດຕ່າງໆ, ຂະນະດຽວກັນປັດຈຸບັດຢູ່ໂຮງໝໍຫຼາຍແຫຼ່ງໄດ້ມີຄົນເຈັບພະຍາດຖອກທ້ອງເຂົ້າມາປິ່ນປົວແລ້ວຈຳນວນໜຶ່ງ, ພ້ອມທັງໄຂ້ຫວັດ ແລະ ໄຂ້ຍຸງເກີດຂື້ນ ແລະ ເພື່ອປ້ອງກັນບໍ່ໃຫ້ພະຍາດດັ່ງກ່າວແຜ່ລະບາດແຕ່ຫົວທີ, ຈຶ່ງເຕືອນໃຫ້ປະຊາຊົນມີສະຕິເອົາໃຈໃສ່ຮັກສາສຸຂະພາບໃຫ້ດີ, ໂດຍສະເພາະແມ່ນໃຫ້ເອົາໃຈໃສ່ປະຕິບັດຕາມຫຼັກການອະນາໄມ 3 ສະອາດຢ່າງເຂັ້ມງວດ, ເປັນຕົ້ນການກິນຢູ່ໃຫ້ສະອາດ, ບໍ່ຄວນກິນອາຫານສຸກໆດິບໆ ແລະ ຕ້ອງເກັບມ້ຽນອາຫານການກິນໃຫ້ດີເພື່ອບໍ່ໃຫ້ແມງວັນມາຈັບ-ຕອມ, ສິ່ງສຳຄັນແມ່ນຕ້ອງລ້າງມື້ທຸກຄັ້ງກອນ ແລະ ຫຼັງກິນອາຫານ, ໝັ່ນທຳຄວາມສະອາດຮ່າງກາຍ, ເຄື່ອງນຸ່ງຫົ່ມ ແລະ ທີ່ຢູ່ອາໃສ່ເປັນປະຈຳ, ພ້ອມທັງເປັນເຈົ້າການຕັກເຕືອນລູກຫຼານຂອງຕົນເອົາໃຈໃສ່ປະຕິບັດຫຼັກ ການອະນາໄມ 3 ສະອາດຢ່າງເຄັ່ງຄັດ.

ໜ່ວຍເຝົ້າລະວັງພະຍາດລະບາດເຕືອນອີກວ່າ: ນອກຈາກພະຍາດດັ່ງກ່າວແລ້ວກໍໃຫ້ເອົາໃຈໃສ່ປ້ອງກັນ ແລະ ສະກັດກັ້ນພະຍາດໄຂ້ເລືອດອອກຢ່າງເປັນເຈົ້າການ, ໂດຍສະເພາະແມ່ນການທຳລາຍແຫຼ່ງແຜ່ພັນຂອງຍຸງລາຍທີ່ເປັນພາຫະນຳເຊື້ອພະຍາດດັ່ງກ່າວ, ດ້ວຍການປະຕິບັດຕາມຄຳຂວັນ 5 ປ ທີ່ກະຊວງວາງອອກຢ່າງເຄັງຄັດຄື: 1 ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນເພື່ອບໍ່ໃຫ້ຍຸງມາໄຂ່ໃສ່. 2 ປ່ຽນນ້ຳໃນພາຊະນະເຊັ່ນ: ເຕົ້າດອກໄມ້, ນ້ຳຮອງຕີນຕູ້, ຖ້ານຮອງຈອກນ້ຳ. 3 ປ່ອຍປາຫາງນົກຍຸງເພື່ອກິນໜອນນ້ຳ. 4 ປັບປຸງການອະນາໄມສິ່ງແວດລ້ອມອ້ອມເຮືອນບໍ່ໃຫ້ມີກະໂປະ, ກະປ໋ອງ, ຢາງຕີນລົດເກົ່າທີ່ມີນ້ຳຂັງ ແລະ 5 ປະຕິບັດໃຫ້ເປັນນິໄສປະຈຳທຸກໆອາທິດ ແລະ ຖ້າຫາກເປັນໄຂ້ໃຫ້ໄປພົບແພດໝໍບໍ່ຄວນຊີ້ຢາກິນເອງ.

- Wave100S AD to Website 2020 0 - ອາກາດຮ້ອນແຮງໃຫ້ລະວັງພະຍາດລະບາດ
- WhatsApp Image 2020 05 27 at 5 - ອາກາດຮ້ອນແຮງໃຫ້ລະວັງພະຍາດລະບາດ
- WhatsApp Image 2020 05 27 at 5 - ອາກາດຮ້ອນແຮງໃຫ້ລະວັງພະຍາດລະບາດ
error: Alert: ເນື້ອຫາຂ່າວມີລິຂະສິດ !!