6 ວິທີສອນລູກໃຫ້ເປັນຄົນຄິດບວກ

- 040703 2018 - 6 ວິທີສອນລູກໃຫ້ເປັນຄົນຄິດບວກ
- Untitled design - 6 ວິທີສອນລູກໃຫ້ເປັນຄົນຄິດບວກ

ເດັກທີ່ຄິດບວກບໄດ້, ຄິດບວກບໍ່ເປັນ ສາມາດທຳຮ້າຍໂຕເອງເຖິງຂັ້ນຂ້າໂຕຕາຍໄດ້ ແມ່ນຢູ່ວ່າຕອນນີ້ລູກຂອງທ່ານອາດຈະ ອາຍຸພຽງແຕ່ 2 ປີ ບໍ່ມີທາງທີ່ຈະມີຄວາມຄິດແບບນັ້ນແນ່ນອນ ແຕ່ຢ່າລືມທັກສະຄວາມຄິດເປັນສິ່ງທີ່ສະສົມ ແລະ ພັດທະນາມາຕັ້ງແຕ່ນ້ອຍ.

ຈິດຕະແພດກ່າວວ່າ : ກ່ອນທີ່ເດັກໄວໜຸ່ມ ຫລື ກ່ອນໄວໜຸ່ມຕັດສິນໃຈທຳຮ້າຍໂຕເອງຕ້ອງເກີດຄວາມເຄັ່ງຄຽດຂຶ້ນມາກ່ອນ ເຊິ່ງຄວາມຈິງແລ້ວຄວາມເຄັ່ງຄຽດລະດັບຕໍ່າໆອາດຈະເປັນຜົນດີໃນການຊຸກຍູ້ການເຮັດວຽກໃຫ້ປະສົບຄວາມສຳເລັດບາງຢ່າງໄດ້ດີ, ແຕ່ຖ້າເຄັ່ງຄຽດຫລາຍກໍຈະມີຜົນກະທົບຕໍ່ຮ່າງກາຍ ເຊັ່ນ : ເຈັບຫົວ, ປວດຂໍ້, ລະບົບການຍ່ອຍອາຫານຜິດປົກກະຕິ, ຫົວໃຈເຮັດວຽກບໍ່ປົກກະຕິ, ພູມຕ້ານທານຕໍ່າລົງ, ເຈັບປ່ວຍງ່າຍ, ພຶດຕິກຳປ່ຽນແປງໄປ ຈາກເດັກລ່າເລີງແຈ່ມໃສກໍກາຍເປັນຄົນຫງຸດຫງິດງ່າຍ, ຊຶມເສົ້າ, ຜົນການຮຽນອ່ອນ, ບໍ່ມີສະມາທິ, ບໍ່ຄ່ອຍສົນໃຈກັບຄົນອ້ອມຂ້າງຄືເກົ່າ. ບໍ່ພຽງແຕ່ໄວໜຸ່ມເທົ່ານັ້ນທີ່ເຄັ່ງຄຽດເປັນ ມີການປະເມີນວ່າເດັກນ້ອຍເກີດໃໝ່ກໍສາມາດເຄັ່ງຄຽດເປັນແລ້ວ ຄຳແນະນຳໃນການລ້ຽງລູກທີ່ທຸກຄົນຕ້ອງເວົ້າເຖິງກໍຄື ການໃຫ້ຄວາມອົບອຸ່ນ, ໃຫ້ຄວາມຮັກ ແລະ ການໂອບກອກລູກຫລາຍທີ່ສຸດເທົ່າທີ່ ຈະເຮັດໄດ້ຍ້ອນລູກຈະເກີດຄວາມໄວ້ວາງໃຈ, ຜ່ອນຄາຍ, ປອດໄພ ກໍຈະບໍ່ເກີດຄວາມເຄັ່ງຄຽດຂຶ້ນ.

ເລີ່ມປູກຝັງຄວາມຄິດບວກໃຫ້ລູກຕັ້ງແຕ່ມື້ນີ້ :

- Wave100S AD to Website 2020 0 - 6 ວິທີສອນລູກໃຫ້ເປັນຄົນຄິດບວກ
  1. ເຂົ້າໃຈພັດທະນາການຕາມໄວຂອງລູກ : ຂໍ້ນີ້ສຳຄັນຫລາຍ ບໍ່ວ່າພໍ່ແມ່ຈະຢາກສົ່ງເສີມລູກໃນເລື່ອງໃດກໍຕາມ ຖ້າເຂົ້າໃຈພັດທະນາການ ແລະ ລັກສະນະສະເພາະໂຕຂອງລູກ ກໍຈະເຂົ້າໃຈພຶດຕິກຳ ແລະ ຫລີກເວັ້ນການໃຊ້ຄວາມຮຸນແຮງກັບລູກໄດ້ ຖ້າລູກມີການເຮັດຜິດກໍໃຊ້ວິທີການລົງໂທດຢ່າງສ້າງສັນ ເຊັ່ນ : ໃຊ້ວິທີໝົດເວລາ, ຫັກຄະແນນຄວາມດີ ຫລື ງົດໃຫ້ສິ່ງຂອງບາງຢ່າງທີ່ລູກຄວນຈະໄດ້ ເປັນຕົ້ນ.
  2. ເນັ້ນໃຫ້ລູກຍອມຮັບຄວາມແຕກຕ່າງ ແລະ ສິ່ງທີ່ເກີດຂຶ້ນ : ກໍຄື ສອນໃນເລື່ອງທຳມະຊາດຂອງການມີຊີວິດຢູ່ ເມື່ອລູກຮູ້ຈັກຍອມຮັບຄວາມຈິງທີ່ເກີດຂຶ້ນ ບໍ່ມີອັກຄະຕິ ເມື່ອຕ້ອງພົບກັບສິ່ງທີ່ຜິດຫວັງ ຄວາມຄິດໃນດ້ານລົບບໍ່ເກີດຂຶ້ນ ກໍບໍ່ເປັນໂຕຂັດຂວາງຂອງຄວາມຄິດສ້າງສັນ.
  3. ສອນໃຫ້ລູກຮູ້ຈັກສະແດງຄວາມຄິດເຫັນ : ໄວນີ້ເປັນໄວແຫ່ງການສໍ້ຖາມ ຕ້ອງເປີດໂອກາດໃຫ້ລູກເປັນເດັກຊ່າງສົງໄສ ໃຫ້ຫລາຍທີ່ສຸດຈົນກາຍເປັນນິໄສ ແລະ ບໍ່ຈຳເປັນທີ່ພໍ່ແມ່ຕ້ອງຕອບຄຳຖາມລູກໄດ້ໝົດທຸກຂໍໍ້ ເຮົາສາມາດຕອບວ່າບໍ່ຮູ້ ແລ້ວມາຊ່ວຍກັນຫາຄຳຕອບໄດ້ ເປີດໂອກາດໃຫ້ລູກຫາຄຳຕອບເອງ ໂດຍມີພໍ່ແມ່ຄອຍຖາມນຳ ສົ່ງເສີມຊ່ວຍເຫລືອ ແລະ ສິ່ງສຳຄັນຕ້ອງເປີດໃຈກັບຄຳຖາມ, ຄຳຕອບ ແລະ ເຫດຜົນຂອງລູກ ເພາະຄຳຕອບບໍ່ໄດ້ມີພຽງຄຳຕອບດຽວ, ແຕ່ພໍ່ແມ່ກໍຕ້ອງສອດແຊກຄວາມຄິດເຫັນຂອງໂຕເອງນຳຄືກັນ ຫລື ອະທິບາຍໃນສິ່ງທີ່ຖືກຕ້ອງຕາມຫລັກຄຸນນະທຳ ດ້ວຍວິທີການນີ້ຈະເຮັດໃຫ້ລູກຮູ້ຈັກຄິດ ແລະ ຄົ້ນຫາຄຳຕອບໃນຊີວິດຂອງຕົນເອງຕໍ່ໄປ ຜົນດີທີ່ໄດ້ເພີ່ມຂຶ້ນແມ່ນລູກຮູ້ຈັກສະແດງຄວາມຄິດເຫັນທີ່ແຕກຕ່າງ ໂດຍໃຊ້ເຫດຜົນ ບໍ່ໃຊ້ອາລົມ ແລະ ຮູ້ຈັກຮັບຟັງເຫດຜົນຂອງຄົນອື່ນຄືກັນ.
  4. ບໍ່ປິດກັ້ນຈິດຕະນາການລູກ : ເລີ່ມງ່າຍໆຈາກການອ່ານໜັງສືນິທານໃຫ້ລູກຟັງ ເມື່ອມີຄວາມຄິດຫຍັງແປກໆພໍ່ແມ່ຕ້ອງຮັບຟັງ ແລະ ເວົ້າກັບລູກ ສອນໃຫ້ລູກຮັກການອ່ານ ເມື່ອລູກຕ້ອງການຮູ້ສິ່ງໃດກໍສອນການຄົ້ນຫາຄວາມຮູ້ ບໍ່ວ່າຈະອ່ານຈາກໜັງສື, ອອກໄປເຫັນຄວາມຈິງ, ຖາມຈາກຜູ້ອື່ນ ເປັນການສະສົມຂໍ້ມູນໃນສະໝອງລູກ ເມື່ອໃຫ້ຂຶ້ນມາຕ້ອງສອດແຊກການຄິດວິເຄາະ, ຄວາມເປັນຈິງເພື່ອນຳໄປສູ່ຄວາມຄິດທີ່ແຕກຂະແໜງຕໍ່ໄປ.
  5. ຢ່າປົກປ້ອງລູກຫລາຍຈົນເກີນໄປ : ຕ້ອງໃຫ້ລູກພະເຊີນກັບບັນຫາແດ່ບາງເທື່ອ ຢ່າຢ້ານວ່າຈະເຫັນລູກຜິດຫວັງ ຫລື ລົ້ມ ເຫລວ ເພາະບົດຮຽນນ້ອຍໆເຫລົ່ານີ້ຈະເປັນປະໂຫຍດຫລາຍເມື່ອລູກໃຫຍ່ຂຶ້ນ, ແຕ່ສິ່ງສຳຄັນພໍ່ແມ່ຕ້ອງຢູ່ໃກ້ໆໃຫ້ຄຳແນະນຳ ສິ່ງ ທີ່ສຳຄັນແມ່ນໃຫ້ລູກເຊື່ອໝັ້ນໃນໂຕເອງ.
  6. ເພີ່ມແຮງຈູງໃຈ : ການສອນໃຫ້ລູກຮູ້ຈັກສ້າງແຮງຈູງໃຈໃຫ້ໂຕເອງ ໃຫ້ຮຽນຮູ້ເຖິງຄວາມຮູ້ສຶກດີໆເມື່ອເຮັດວຽກຢ່າງໃດ ຢ່າງໜຶ່ງສຳເລັດ ເຊັ່ນ : ຕັ້ງເປົ້າໝາຍນ້ອຍໆໃຫ້ລູກທີ່ບໍ່ຍາກເກີນໄປ (ຕາມໄວ) ເມື່ອລູກເຮັດສຳເລັດກໍໍໄດ້ຮັບການກອດການຫອມຈາກພໍ່ແມ່ ແລ້ວກໍຄ່ອຍໆຕັ້ງເປົ້າໝາຍໃໝ່ ຈະເຮັດໃຫ້ລູກຮູ້ສຶກດີເຖິງສິ່ງທີ່ໄດ້ເຮັດໄປ.

 

- WhatsApp Image 2020 05 27 at 5 - 6 ວິທີສອນລູກໃຫ້ເປັນຄົນຄິດບວກ
- WhatsApp Image 2020 05 27 at 5 - 6 ວິທີສອນລູກໃຫ້ເປັນຄົນຄິດບວກ
error: Alert: ເນື້ອຫາຂ່າວມີລິຂະສິດ !!