ນັກຕົ້ມຕຸນຕົວອັນຕະລາຍຖືກສານຕັດສິນ​ຈຳ​ຄຸກເກືອບ 4 ປີ

- advert banner 728 90 728x90 - ນັກຕົ້ມຕຸນຕົວອັນຕະລາຍຖືກສານຕັດສິນ​ຈຳ​ຄຸກເກືອບ 4 ປີ

​  ທ້າວ ວິ​ໂຄຈອນ ອາຍຸ 35 ປີອະດີດ​ພະນັກງານ​ລັດ, ຢູ່​ບ້ານ​ດົງ​ນາ​ທອງ ​ເມືອງ​ສີ​ໂຄດ​ຕະບອງນະຄອນຫລວງ​ວຽງ​ຈັນ, ຖືກສານປະຊາຊົນນະຄອນຫລວງວຽງຈັນຕັດສີນລົງໂທດຈໍາຄຸກເປັນເວລາ 3 ປີ 9 ​ເດືອນ, ພ້ອມປັບ​ໄໝ 4 ລ້ານ​ກີບ ແລະ ໃຊ້​ເງິນ​ຄືນ​ໂຈດທາງ​ແພ່ງ​ທີ່​ສໍ້​ໂກງ​ມາ, ໃນຂໍ້ຫາສໍ້ໂກງຊັບພົນລະເມືອງດ້ວຍການແອບອ້າງແລ່ນເອົາຄົນເຂົ້າເຮັດວຽກນໍາອົງການລັດ, ເຊິ່ງໄດ້ ມີຜູ້ຕົກເປັນເຫຍື່ອຫລາຍສີບລາຍ.

- lattana 1 - ນັກຕົ້ມຕຸນຕົວອັນຕະລາຍຖືກສານຕັດສິນ​ຈຳ​ຄຸກເກືອບ 4 ປີ

ເຈົ້າໜ້າທີ່ ໃຫ້ຮູ້ວ່າ: ​ໃນໄລຍະ​ປີ 2012 ທ້າວ ວິ​ໂຄຈອນ ເປັນພະນັກງານ​ຢູ່​ອົງການ​ຄຸ້ມ​ຄອງ​ທີ່​ດິນ ແລະ ​ໄດ້​ຮູ້ຈັກ​ກັບ​ທ້າວ ສຸກ​ສາຄອນ ເປັນພະນັກງານ​​ຢູ່​ອົງການ​ຈັດຕັ້ງພັກ-ລັດ, ໂດຍບອກ​​ໃຫ້ທ້າວ ວິ​ໂຄຈອນ ຊອກ​ຄົນ​ຢາກມາ​ເຮັດ​ວຽກນໍາອົງການລັດ, ໂດຍຈະເປັນ​ຄົນ​ແລ່ນ​ເອກະສານ​ທັງ​ໝົດ, ພ້ອມທັງ​ອ້າງ​​ວ່າ ຮູ້ຈັກ​ກັບ​ລັດຖະມົນຕີ​ທີ່​ສາມາດ​ຮັບປະກັນ​ການ​ແລ່ນ​ເຂົ້າ​ເຮັດ​ວຽກ​ນໍາລັດໄດ້ໃນ​ລາຄາ 120.000-150.000 ບາດ (ສະກຸນເງິນໄທ) ​ໂດຍ​​ໃຫ້​ກ່ອນ​ເຄິ່ງໜຶ່ງ, ສ່ວນ​ທີ່​​ເຫລືອ​ແມ່ນ​ຈ່າຍ​ພາຍຫລັງ​​ໄດ້​ເຂົ້າ​ເປັນ​ພະນັກງານ​​ແລ້ວ. ຈາກນັ້ນ, ທ້າວ ວິ​ໂຄຈອນ ກໍໄດ້ໄປບອກໃຫ້ຄົນທີ່ຮູ້ຈັກຊ່ວຍຕິດຕໍ່ຊອກຄົນມາເຮັດວຽກ ແລະ ​ໃນ​ສົກ​ປີ 2015-2016 ໄດ້ມີທ້າວ ຕາ​ມົນ ສາມາດ​ຕິດ​ຕໍ່​ມາ​ໄດ້ 27 ຄົນ, ພ້ອມທັງໄດ້ຈ່າຍ​​ມັດ​ຈຳ​ແຕ່ 30.000-50.000 ບາດຕໍ່, ລວມ​ເປັນ​ເງິນທັງໝົດ 973.000 ບາດ,​ ​ໂດຍທ້າວ ວິ​ໂຄຈອນ ​ໄດ້​ເປີ​ເຊັນ 50.000 ບາດ, ພາຍຫລັງ​ໄດ້​ຮັບ​ເງິນທ້າວ ສຸກ​ສາຄອນ ​ໄດ້​ເອົາ​ປະຫວັດ​ລັດຖະກອນ​ໃຫ້​ຜູ້​ທີ່​ຈະ​ເຂົ້າ​ເຮັດ​ວຽກ​ປະກອບ​ໃສ່​ເອກະສານ​ໃຫ້​ຄົບ, ພ້ອມ​ໄດ້​ຕົກລົງນໍາກັນ​ວ່າ​ຖ້າ​ບໍ່ສາມາດເອົາເຂົ້າລັດ​ໄດ້ແມ່ນ​ສົ່ງ​ເງິນ​ຄືນ​ໃຫ້​ຄົບ​ຕາມ​ຈຳນວນ​​ທີ່ໄດ້ຈ່າຍໄປ​ນັ້ນ ແລະ ​ເມື່ອ​ເຫັນວ່າບໍ່ີມຄວາມຄືບໜ້າ, ທ້າວ ວິໂຄຈອນ ​ຈຶ່ງໄດ້​ໄປ​ພົວພັນ​ຢູ່​ກົມກອງທີ່​ທ້າວ ສຸກ​ສາຄອນ ສັງກັດ ແລະ ພົບວ່າບໍ່​ມີ​ຊື່ທ້າວ ສຸກສາຄອນ ​ໃນ​ສັງກັດ​ເປັນ​ພະນັກງານ​ລັດ, ທ້າວ ວິໂຄຈອນ ​ຈຶ່ງ​ຮັບ​ໃຊ້​ເງິນ​ຄືນ​ຈຳນວນ 200.000 ບາດ ​ແລະ ຍັງ​ຄ້າງ 273.000 ບາດ ແລະ ​ໃນ​ໄລຍະ​ດຽວກັນ, ທ້າວ ວິ​ໂຄຈອນ ຍັງ​ໄດ້ເຄື່ອນໄຫວ​ຕົວະຍົວະໃນລັກສະນະດຽວກັນຈົນມີຜູ້ຕົກເປັນເຫຍື່ອອີກ 24 ລາຍ ແລະ ໄດ້ເງິນໄປຫລາຍແສນບາດ, ຈົນມາຮອດທ້າຍປີ 2016 ຈຶ່ງຖືກ​ເຈົ້າໜ້າ​ທີ່​ຈັບ​ຕົວ​ມາ​ດຳ​ເນີນ​ຄະດີ ແລະ ຖືກສານຕັດສີນລົງໂທດດັ່ງກ່າວ.

- Tiger Head 728x90 - ນັກຕົ້ມຕຸນຕົວອັນຕະລາຍຖືກສານຕັດສິນ​ຈຳ​ຄຸກເກືອບ 4 ປີ
- 1 1 - ນັກຕົ້ມຕຸນຕົວອັນຕະລາຍຖືກສານຕັດສິນ​ຈຳ​ຄຸກເກືອບ 4 ປີ
error: Content is protected !!