ນິທັດສະການປື້ມອ່ານມີມວນຊົນເຂົ້າຊົມຈໍານວນຫລາຍ

- advert banner 728 90 728x90 - ນິທັດສະການປື້ມອ່ານມີມວນຊົນເຂົ້າຊົມຈໍານວນຫລາຍ

ງານນິທັດສະການປື້ມທີ່ຈັດຂື້ນໃນວັນທີ 23-24 ມີນານີ້ຢູ່ຫໍສະມຸດແຫ່ງຊາດ ເພື່ອແນໃສ່ສົ່ງເສີມການອ່ານ, ສາມາດດຶງດູດເອົານ້ອງນັກຮຽນ, ນັກອ່ານ, ນັກຂີດຂຽນ, ນັກແຕ້ມ​ແລະ ​ມວນ​ຊົນເຂົ້າຮ່ວມຊົມເປັນຈໍານວນຫລາຍ, ອັນໄດ້ຊ່ວຍໃຫ້ເຂົາເຈົ້າໄດ້ຮຽນຮູ້ສິ່ງໃໝ່ໆໃນປື້ມອ່ານ, ພ້ອມທັງມີໂອກາດແລກປ່ຽນບົດຮຽນ ແລະ ປະສົບການຈາກນັກຂີດຂຽນ, ນັກແຕ້ມ, ນັກປະພັນຮຸ່ນອາວຸໂສນໍາດ້ວຍ.

- lattana 1 - ນິທັດສະການປື້ມອ່ານມີມວນຊົນເຂົ້າຊົມຈໍານວນຫລາຍ

​ເຂົ້າຮ່ວມງານ​ດັ່ງກ່າວ​ມີ​ທ່ານ ບົວ​ເງິນ ​ຊາ​ພູ​ວົງ ຮອງລັດຖະມົນຕີກະຊວງ​ຖະ​ແຫລ​ງຂ່າວ, ​ວັດ​ທະນະ​ທຳ​ ແລະ ​ທ່ອງ​ທ່ຽວ, ທ່ານນາງ ​ຂັນ​ທະ​ລີ ຍັງ​ນຸວົງ ອຳນວຍ​ການ​ກໍ​ສະໝຸດ​ແຫ່ງ​ຊາດ ​ແລະ ​ບັນຄູ​ອາຈານ, ພ້ອມດ້ວຍພາກສ່ວນກ່ຽວຂ້ອງຕ່າງໆ​ເຂົ້າ​ຮ່ວມ.

ໂຄງການສົ່ງ​ເສີມ​ກາ​ນອ່ານ, ​ແມ່ນ​ເພື່ອ​ໃຫ້​​ເດັກນ້ອຍ​ມີ​ຄວາມ​ສົນ​ໃຈໃນການ​ອ່ານ ແລະ ເຫັນ​ຄວາມສໍາຄັນ​ຂອງ​ການ​ອ່ານ, ເພື່ອສ້າງຄວາມ​ເພີດ​ເພີນ​ໃນ​ການ​​ອ່ານ, ​ເກີດ​ຄວາມ​ມຸ້ງ​ໝັ້ນ​ທີ່​ຈະ​ອ່ານ ​​ແລະ ​ອ່ານ​ໃຫ້​ເປັນນິ​ໄສ. ປະ​ໂຫຍ​ດຂອງກິດຈະກຳ​ສົ່ງ​ເສີມ​ການ​ອ່ານທີ່​ໄດ້​ແມ່ນ​ສ້າງ​ແຮງ​ບັນ​ດານ​ໃຈຄວາມຢາກ​ອ່ານ ​ເພື່ອ​ຈະ​ໄດ້​ຮູ້​ເລື່ອງ​ຕ່າງໆ, ​ເພື່ອ​​ເປີດ​ໂລກ​ຄວາມ​ຄິດ​ທີ່​ກວ້າງ​ໄກ​ຈາກ​ການ​ອ່ານ​ຂອງ​​ເຂົາ​ເຈົ້າ, ທັງ​ຊ່ວຍ​ໃຫ້​ເຂົາ​ເຈົ້າ​ກ້າ​ສະ​ແດງ​ອອກ​ໃນ​ການສະ​ແດງ​ຕ່າງໆ.

ທ່ານ​ຮອງ​ລັດ​ຖະມົນຕີ ​ກ່າວ​ວ່າ: ນີ້​ເປັນ​ກິດຈະກຳ​ທີ່​ດີທີ່​ຈະ​ຊ່ວຍ​ເສີມ​ສ້າງ​ຄວາມ​ຮູ້​ໃຫ້​ແກ່​ຄົນ​ລາວ, ​ໂດຍ​ສະ​ເພາະ​ນັກຮຽນ-​ນັກ​ສຶກສາ, ຊາວ​ໝຸ່ມ-​ເຍົາວະ​ຊົນ ສາມາດ​ເຂົ້າ​​ເຖິງແຫລ່ງຄວາມ​ຮູ້​ຈາກ​ປື້​ມ ​ແລະ ​ຮຽນ​ຮູ້​ປະສົບ​ການ​ໃໝ່ໆ ​ເຮັດ​ໃຫ້​ມີ​ແນວ​ຄິດ​ແຕກ​ສານ​ກວ້າງ​​​ໄກ ກາຍ​ເປັນ​ຄົນ​ທີ່​ເກັ່ງ​ ແລະ ມີ​ສະຕິ​ປັນຍາດີ​ ແລະ ກາຍເປັນຊັບພະຍາກອນມະນຸດທີ່ດີເພື່ອພັດທະນາປະເທດໃນຕໍ່ໜ້າ.

- 1 1 - ນິທັດສະການປື້ມອ່ານມີມວນຊົນເຂົ້າຊົມຈໍານວນຫລາຍ