ຄາດຄະເນພັກລັດຖະບານອັງກິດຈະໄດ້ຮັບໄຊຊະນະຢ່າງຫລວງຫລາຍເລືອກຕັ້ງເດືອນໜ້າ

     ລອນດອນ 23 ເມສາ: ພັກອະນຸລັກນິຍົມຂອງນາຍົກລັດຖະມົນຕີ ເທເຣຊາ ເມ ຂອງອັງກິດ ມີທ່າອ່ຽງຈະໄດ້ ຮັບໄຊຊະນະຢ່າງຫລວງຫລາຍໃນການເລືອກຕັ້ງກ່ອນກຳນົດທີ່ຈະມີຂຶ້ນໃນວັນທີ 8 ມິຖຸນານີ້.

ຜົນສຳຫລວດຫລາຍແຫ່ງທີ່ເຜີຍແຜ່ໃນວັນທີ 22 ເມສານີ້ຊີ້ວ່າ: ພັກອະນຸລັກນິຍົມມີຄະແນນສະໜັບສະໜູນ 45-50% ຫລາຍກວ່າພັກແຮງງານທີ່ເປັນຝ່າຍຄ້ານເຖິງ 2 ເທົ່າ. ສຳນັກສຳຫລວດຄອມເຣສລະບຸວ່າ: ເປັນຄະ ແນນນິຍົມສູງສຸດຂອງພັກນັບແຕ່ສິ້ນສຸດຍຸກນາຍົກລັດຖະມົນຕີ ມາກາເຣດ ແທດເຊີ ຜູ້ນຳຍິງເຫລັກ. ຂະນະທີ່ ສຳນັນສຳຫລວດໂອພິນຽມເບິ່ງວ່າ: ການປະກາດຈັດການເລືອກຕັ້ງກ່ອນກຳນົດ ເຊິ່ງຈະຕ້ອງມີຂຶ້ນໃນປີ 2020 ບົ່ງບອກຈະແຈ້ງວ່າ: ພັກອະນຸລັກນິຍົມຕ້ອງການກວາດສຽງຜູ້ມີສິດເລືອກຕັ້ງ. ເຖິງຢ່າງໃດກໍດີ ນາຍົກລັດຖະມົນ ຕີ ເມ ເຕືອນສະມາຊິກພັກວ່າຢ່າຟ້າວດີໃຈ. ນັກວິເຄາະຂອງຄອມເຣນຊີ້ວ່າ: ເຖິງວ່າພັກອະນຸລັກນິຍົມເປັນພັກ ທຳອິດທີ່ຢູ່ໃນລະດັບ 50% ຂອງຄຣິສສະຕະວັດນີ້, ແຕ່ຂ່າວຄວາມນິຍົມອາດກາຍເປັນມີດສອງຄົມ ເພາະຜູ້ມີສິດ ເລືອກຕັ້ງທີ່ເປັນຖານສຽງຂອງພັກອາດບໍ່ໄປໃຊ້ສິດ ເພາະເຊື່ອໝັ້ນວ່າຈະຊະນະຢ່າງແນ່ນອນ.

ສ່ວນໜັງສືພິມຊັນເດທາມຄາດວ່າ: ນາຍົກລັດຖະມົນຕີ ເມ ຈະຍົກນະໂຍບາຍຫາສຽງທີ່ອ່ຽງໄປທາງຝ່າຍຊ້າຍ ຫລາຍຂຶ້ນເຊັ່ນ: ປົກປ້ອງສິດຄົນເຮັດວຽກ, ຈຳກັດເພດານລາຄາພະລັງງານ ເພື່ອແບ່ງເບົາພາລະຄົນເຮັດວຽກທີ່ ຖືກກະທົບຈາກເງິນເຟີ້ສູງຂຶ້ນແຕ່ຄ່າຈ້າງບໍ່ປັບຂຶ້ນ. ທາມຍັງຄາດອີກວ່າ: ພັກອະນຸລັກນິຍົມຈະໄດ້ບ່ອນນັ່ງໃນສະ ພາສະກອດແລນ 12 ບ່ອນນັ່ງ ຈາກປັດຈຸບັນທີ່ມີພຽງ 1 ບ່ອນນັ່ງຈາກທັງໝົດ 59 ບ່ອນນັ່ງ ແລະ ຈະແຊງພັກ ແຮງງານພົ້ນຈາກຖານສຽງແຫ່ງນີ້, ສ່ວນພັກແຫ່ງຊາດສະກອດທິບ (SNP) ທີ່ຕ້ອງການຈັດລົງປະຊາມະຕິແຍກ ສະກອດແລນຈາກສະຫະລາຊະອານາຈັກເທື່ອໃໝ່ ປັດຈຸບັນຄອງສຽງໃນສະພາສະກອດແລນເຖິງ 54 ບ່ອນນັ່ງ.