“ການພັດທະນາ ທີ່ມີສ່ວນຮ່ວມ” ມີດີແນວໃດ ?

“ການພັດທະນາ ທີ່ມີສ່ວນຮ່ວມ” ມີດີແນວໃດ ? - 30429887 611262055891885 1853006764 n - “ການພັດທະນາ ທີ່ມີສ່ວນຮ່ວມ” ມີດີແນວໃດ ?
“ການພັດທະນາ ທີ່ມີສ່ວນຮ່ວມ” ມີດີແນວໃດ ? - Untitled design - “ການພັດທະນາ ທີ່ມີສ່ວນຮ່ວມ” ມີດີແນວໃດ ?

​ໂດຍ : ມຶກບໍ່ແຫ້ງ

 

ພວກເຮົາຮູ້ຄຳສຸພາສິດລາວທີ່ວ່າ “ໄຫໃຫຍ່ລົ້ນ ໄຫນ້ອຍບໍ່ເຕັມ” ເຊິ່ງມັນກໍຍັງຄົງໃຊ້ໄດ້ດີກັບຍຸກ ທີ່ພວກເຮົາຮຽກ ວ່າ “ພັດທະນາ” ດ້ວຍຄວາມໝາຍຂອງມັນທີ່ສ່ອງແສງຢ່າງສຽດສີວ່າ ຄວາມບໍ່ສະເໝີພາບໃນສັງຄົມນັ້ນ ຍັງມີຢູ່ ແລະມີຫຼາຍຂຶ້ນນັບມື້!

ຍ້ອນວ່າບັນດາປະເທດໃນໂລກນີ້ ຮວມທັງປະເທດທີ່ພັດທະນາແລ້ວ ແລະກຳລັງພັດທະນາ ບັນຫາການຫຼຸດໂຕນກັນລະຫວ່າງຜູ້ທຸກ ແລະຜູ້ຮັ່ງນັ້ນ ມີຢ່າງຫຼວງຫຼາຍ ແລະຊ່ອງວ່າງນີ້ກໍນັບມື້ນັບ ໃຫຍ່ຂຶ້ນຊັກໃຊ້, ເມື່ອໃດຫາກ ຊ່ອງວ່າງນີ້ໃຫຍ່ຂຶ້ນເທົ່າໃດ ຄວາມຍຸຕິທຳ, ຄວາມສະຖຽນລະພາບຂອງສັງຄົມ ນັ້ນກໍຫຼຸດໜ້ອຍລົງ ແລະ ໄພວ່າງງານ ແລະການສໍ້ລາດບັງຫຼວງກໍເພີ່ມຂຶ້ນ.

ເພາະສະນັ້ນ, ຍ້ອນຄວາມໄຝ່ຝັນທີ່ວ່າ ຢາກໃຫ້ໂລກນີ້, ສັງຄົມນີ້ ມີຄວາມເທົ່າທຽມກັນ ຫຼືຫຼຸດຜ່ອນ ຊ່ອງວ່າງ ການຫຼຸດໂຕນກັນລະຫວ່າງຜູ້ທຸກ ແລະຜູ້ຮັ່ງນັ້ນ ຈຶ່ງເກີດມີແນວຄວາມຄິດທີ່ວ່າ  “ການພັດທະນາ ທີ່ມີສ່ວນຮ່ວມ”, “ເສດຖະກິດ ທີ່ມີສ່ວນຮ່ວມ”, “ການເຕີບໂຕທີ່ມີສ່ວນຮ່ວມ”  ໄດ້ກາຍເປັນຄຳສັບ ຫຼື ສຳນວນທີ່ຂ້ອນຂ້າງໃໝ່ສຳລັບພວກເຮົາ.

ເມື່ອຕົ້ນປີ 2018​ ທີ່ຜ່ານມາໄດ້ມີການເຜີຍແຜ່ ບົດລາຍງານ ວ່າດ້ວຍດັດສະນີ ການພັດທະນາທີ່ມີສ່ວນຮ່ວມ ເຊິ່ງເປັນທີ່ໜ້າສົນໃຈຢູ່ບ່ອນວ່າໃນບົດລາຍງານນີ້ ໄດ້ບົ່ງເອົາ 3​ ເສົາຄໍ້າເປັນເຄື່ອງວັດແທກ, ອັນທີ ນຶ່ງ ແມ່ນ ການເຕີບໂຕ ແລະການພັດທະນາ ເຊິ່ງບໍ່ແມ່ນເບິ່ງແຕ່ ລາຍໄດ້ລວມພາຍໃນ (GDP) ແຕ່ຍັງຮວມເອົາ ຄວາມຍືນຍາວຂອງອາຍຸໄຂ ຂອງຄົນໃນຊາດໆນັ້ນຕຶ່ມອີກ, ສອງ ແມ່ນ ການມີສ່ວນຮ່ວມ ທີ່ຮວມເອົາ ລາຍໄດ້ຄົວເຮືອນ ແລະອັດຕາຄວາມທຸກຍາກ ແລະ ສາມ ແມ່ນ ຄວາມເທົ່າທຽມ ຂອງຄົນແຕ່ລະຮຸ່ນ ໃນສັງຄົມ ເຊິ່ງໄດ້ວິເຄາະບັນດາປັດໄຈຄື ອາຍຸ ຂອງຮຸ່ນຄົນຕ່າງໆ ເຊັ່ນວ່າ ຈຳນວນຜູ້ເຮັດວຽກ ສົມທຽບກັບ ຈຳນວນຄົນໜຸ່ມ ແລະຄົນສູງອາຍຸ, ນອກນັ້ນ ຍັງມີຈຳນວນໜີ້ສິນຂອງປະເທດສະເລ່ຍໃສ່ຫົວຄົນຕຶ່ມອີກ.

“ການພັດທະນາ ທີ່ມີສ່ວນຮ່ວມ” ມີດີແນວໃດ ? - Wave100S AD to Website 2020 0 - “ການພັດທະນາ ທີ່ມີສ່ວນຮ່ວມ” ມີດີແນວໃດ ?

ຈາກການວິເຄາະຜ່ານ ສາມເສົ້າຄໍ້ານີ້ ຈຶ່ງເຫັນວ່າ ນອກແວ (Norway) ເປັນປະເທດທີ່ມີ ຊ່ອງວ່າງ ລະຫວ່າງ ຜູ້ທຸກ ແລະຜູ້ຮັ່ງໜ້ອຍທີ່ສຸດໃນໂລກ! ທະນາຄານໂລກ ກໍເວົ້າວ່າ “ຄົນນອກແວ ໄດ້ຊົມໃຊ້ ການບໍລິການທາງດ້ານ ສຸຂະພາບ ທີ່ດີເລີດ, ລັດຖະບານ ຈ່າຍເງິນຄ່າຮຽນໜັງສືໃຫ້ຄົນພາຍໃນປະເທດ ແລະຍັງມີເສດຖະກິດສີຂຽວ ຕຶ່ມອີກ”, ບໍ່ຮູ້ວ່າພວກເຂົາເຈົ້າເຮັດແນວໃດກັນເນາະ?.

ພວກເຮົາຮູ້ວ່າ ນອກແວ ເປັນປະເທດຫນຶ່ງທີ່ຮັ່ງມີທາງດ້ານຊັບພະຍາກອນ ໂດຍສະເພາະນໍ້າມັນ, ລັດຖະບານ ນອກແວ ເອົາລາຍຮັບຈາກການຂາຍນໍ້າມັນມາປົວແປງການບໍລິການສາທາລະນະ ຢ່າງມີປະສິດທິຜົນ ແລະ ຍັງ ພັດທະນາພະລັງງານທົດແທນຊົມໃຊ້ໃນປະເທດ ມາຮອດປັດຈຸບັນ ລັດຖະບານນອກແວ ເວົ້າວ່າ 98% ຂອງພະລັງທີ່ຊົມໃຊ້ພາຍໃນປະເທດ ແມ່ນພະລັງງານທົດແທນ.

ບົດຮຽນທີ່ພວກເຮົາຄວນຮຽນນຳລັດຖະບານນອກແວ ກໍຄື ການນຳໃຊ້ລາຍໄດ້ຈາກການຂາຍຊັບພະຍາກອນ ຢ່າງສະຫຼາດຫຼັກແຫຼມເພື່ອອະນາຄົດ, ແລະຄວາມສຳເລັດຂອງນອກແວ ແມ່ນບໍ່ໄດ້ຢູ່ໃນຂອບເຂດ ການຊີ້ບອກ ແບບຢ່າງເສດຖະກິດທີ່ເຊື່ອກັນມາດົນນານ ຄືການ ຍົກເອົາ ລາຍໄດ້ລວມພາຍໃນ (GDP) ມາເປັນເຄື່ອງວັດແທກ ເພາະສະນັ້ນ ຈຶ່ງເປັນເຫດຜົນວ່າ ນອກແວ ມີການພັດທະນາ ທີ່ມີສ່ວນຮ່ວມຫຼາຍທີ່ສຸດໃນໂລກ ເລີຍເຮັດໃຫ້ ຄວາມບໍ່ເທົ່າທຽມກັນໃນສັງຄົມເຂົາເຈົ້ານັ້ນມີໜ້ອຍທີ່ສຸດ.

ຫຼາຍປະເທດໃນໂລກ ທີ່ມີຊັບພະຍາກອນອັນອຸດົມສົມບູນ, ມີເສດຖະກິດທີ່ເຕີບໂຕດີ (ຜ່ານການວັດແທກ ຂອງ ລາຍໄດ້ລວມພາຍໃນ) ຍັງສັບສົນຢູ່ວ່າ ຈະເຮັດໃຫ້ປະຊາຊົນ ໄດ້ຊົມໃຊ້ການບໍລິການສາທາລະນະທີ່ດີ ມີຄຸນນະພາບແນວໃດ? ແບບຢ່າງການ ພັດທະນາ ທີ່ມີສ່ວນຮ່ວມ ແລະຜົນສຳເລັດຂອງ ປະເທດນອກແວ ກໍເປັນທາງເລືອກຫນຶ່ງໃນການສຶກສາ ເພື່ອຕອບໂຈດນີ້!

“ການພັດທະນາ ທີ່ມີສ່ວນຮ່ວມ” ມີດີແນວໃດ ? - WhatsApp Image 2020 05 27 at 5 - “ການພັດທະນາ ທີ່ມີສ່ວນຮ່ວມ” ມີດີແນວໃດ ?
“ການພັດທະນາ ທີ່ມີສ່ວນຮ່ວມ” ມີດີແນວໃດ ? - WhatsApp Image 2020 05 27 at 5 - “ການພັດທະນາ ທີ່ມີສ່ວນຮ່ວມ” ມີດີແນວໃດ ?
error: Alert: ເນື້ອຫາຂ່າວມີລິຂະສິດ !!