ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ

ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ - longmati 1 - ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ
ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ - Untitled design - ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ

ໃນວັນທີ 23-26 ເມສານີ້, ສະພາ​ແຫ່ງ​ຊາດ​ໄດ້ດໍາເນີນກອງປະຊຸມ​ສຳ​ມະ​ນາ ເພື່ອລະດົມຄວາມຄິດເຫັນຂອງສະມາຊິກສະພາແຫ່ງຊາດ (ສສຊ) ແລະ ຈາກພາກສ່ວນກ່ຽວຂ້ອງຕ່າງໆ ໃສ່​ຮ່າງແຜນແມ່ບົດການຈັດສັນທີ່ດິນແຫ່ງຊາດ ແລະ ຮ່າງກົດໝາຍວ່າດ້ວຍການຂັດແຍ່ງທາງດ້ານເສດຖະກິດ (ສະບັບ​ປັບປຸງ), ທີ່ຈະໄດ້ນໍາ​ເຂົ້າ​ພິຈາລະນາ​ໃນ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 5 ຂອງ​ສະພາ​ແຫ່ງ​ຊາດຊຸດ​ທີ VIII ທີ່ຈະມີຂຶ້ນໃນມໍ່ໆນີ້.

ກອງປະຊຸມຄັ້ງນີ້, ພາຍໃຕ້ການເປັນປະທານຂອງທ່ານ ສົມພັນ ແພງຄໍາມີ ຮອງປະທານສະພາແຫ່ງຊາດ ແລະ ໃນໂອກາດນີ້, ທ່ານລັດຖະມົນຕີກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ສົມມາດ ພົນເສນາ ໄດ້ຍົກໃຫ້ເຫັນຄວາມຈໍາເປັນ ແລະ ຄວາມສໍາຄັນຂອງຮ່າງແຜນແມ່ບົດການຈັດສັນທີ່ດິນແຫ່ງຊາດວ່າ: ​ກອງ​ປະຊຸມ​ຄົບ​ຄະນະ​ບໍລິຫານ​ງານ​ສູນ​ກາງ​ພັກຄັ້ງ​ທີ 5 ສະ​ໄໝ​ທີ IV ທີ່​ຈັດ​ຂຶ້ນ​ໃນ​ເດືອນ​ພະຈິກ 1988​ ​ໄດ້​ກຳນົດ​ໄວ້​ວ່າ: ​ການ​ພັດທະນາ​ປະ​ເທດ​ຊາດແມ່ນ​ມີ​ຄວາມ​ຈຳ​ເປັນ​ຕ້ອງ​ໄດ້​ຈັດ​ສັນ​ທີ່​ດິນ, ​ໂດຍ​ອີງ​ຕາມ​ສະພາບ​ຈຸດພິ​ເສດ​ທາງ​ດ້ານ​ພູມ​ສັນຖານ​ຂອງ​ປະ​ເທດ​ເຮົາ ​ແນ​ໃສ່​ຮັບປະກັນການຈັດ​ສັນພູ​ມລຳ​ເນົາ, ບ່ອນຢູ່​ອາ​ໄສ, ​ເຂດ​ລ້ຽງ​ສັດ, ​ເຂດ​ປູກຝັງ​ທຳ​ການ​ຜະລິດ​ໃຫ້​ຖືກຕ້ອງ, ສອດຄ່ອງກັບ​ແນວທາງ​ນະ​ໂຍບາຍ​ຂອງ​ພັກ-ລັດ​ວາງ​ອອກ, ເພື່ອໃຫ້ທີ່ດິນໄດ້ຮັບການຟື້ນຟູ, ປົກປັກຮັກສາ ແລະ ສ້າງຜົນປະໂຫຍດສູງສຸດມາໃຫ້ປະຊາຊົນ ແລະ ປະເທດຊາດ. ສ່ວນຮ່າງກົດໝາຍວ່າດ້ວຍການ​ແກ້​ໄຂ​ຂໍ້​ຂັດ​ແຍ່ງ ທາງ​ດ້ານ​ເສດຖະກິດ (ສະບັບ​ປັບປຸງ) ແມ່ນສະເໜີໂດຍທ່ານລັດຖະມົນຕີກະຊວງ​ຍຸຕິ​ທຳ ໄຊສີ ສັນຕິວົງ ຊຶ່ງຍົກໃຫ້ເຫັນວ່າ: ຂໍ້​ຂັດ​ແຍ່ງ​ທາງ​ດ້ານ​ເສດຖະກິດ​ແມ່ນ​ຂໍ້​ຜິດພາດ​ທີ່​ເກີດ​ຂຶ້ນກ່ຽວ​ກັບ​ການ​ຜະລິດ ​ແລະ ການ​ດຳ​ເນີນ​ທຸລະ​ກິດ​ລະຫວ່າງ​ການຈັດຕັ້ງກັບນິຕິ​ບຸກຄົນທັງ​ພາຍ​ໃນ ​ແລະ ຕ່າງປະ​ເທດ ແລະ ຈະ​ໄດ້​ຮັບ​ການ​ແກ້​ໄຂ​ດ້ວຍ​ການ​ປານີ​ປານ​ອມກັນລະຫວ່າງ​ຄູ່​ຄວາມ, ດ້ວຍ​ການ​ໄກ່​ເກ່ຍ, ດ້ວຍ​ການ​ຕັດສິນ ​ໂດຍ​ຄະນະ​ກຳມະການ​ຕັດສິນ​ຂໍ້​ຂັດ​ແຍ່ງ​ທາງ​ດ້ານ​ເສດຖະກິດ. ດັ່ງນັ້ນກົດໝາຍ​ວ່າ​ດ້ວຍ​ການ​ແກ້​ໄຂ​ຂໍ້​ຂັດ​ແຍ່ງ​ທາງ​ດ້ານ​ເສດຖະ

ກິດ, ຈຶ່ງໄດ້ກຳນົດ​ຫລັກການ, ລະບຽບ​ການ ​ແລະ ມາດ​ຕະການ​​ແກ້​ໄຂ​ຂໍ້​ຂັດແຍ່ງໃຫ້ຮັດກຸ່ມ, ​ແນ​ໃສ່​ເຮັດ​ໃຫ້ການ​ຂັດ​ແຍ່ງ​ດັ່ງກ່າວ​ໄດ້​ຮັບ​ການ​ແກ້​ໄຂ​ຢ່າງ​ເປັນ​ທຳ, ວ່ອງ​ໄວ ​ເພື່ອ​ຊຸກຍູ້​ການ​ຜະລິດ ​ແລະ ການ​ດຳ​ເນີນ​ທຸລະ​ກິດ​ໃຫ້​ມີ​ການ​ຂະຫຍາຍຕົວ, ປະກອບສ່ວນ​ເຂົ້າ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ປະ​ເທດ​ໃຫ້​ຈະ​ເລີ​ນຮຸ່ງ​ເຮືອງ​ສີວິ​ໄລ ​ແລະ ຍຸຕິ​ທຳ.

ໃນໂອກາດນີ້, ທ່ານຮອງປະທານສະພາແຫ່ງຊາດ, ໄດ້ມີຄໍາເຫັນແນະນໍາໃຫ້ພາກສ່ວນກ່ຽວຂ້ອງນໍາເອົາຮ່າງເອກະສານສໍາຄັນດັ່ງກ່າວໄປປັບປຸງຕາມການ ປະກອບຄໍາຄິດຄໍາເຫັນຂອງສະມາຊິກສະພາ ເພື່ອຮັບປະກັນໃຫ້ມີຄວາມຮັດກຸມ, ຖືກຕ້ອງສອດຄ່ອງຕາມການຂະຫຍາຍຕົວຂອງປະເທດ, ທັງຮັບປະກັນໃຫ້ການ​ພິຈາລະນາຮັບຮອງຮ່າງເອກະສານນັ້ນ​ໃນ​ຂອງ​ກອງ​ປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດຊຸດທີ 8 ບັນລຸ​ໄດ້​ຕາມ​ລະດັບ​ຄາດໝາຍ​​ ແລະ ໄດ້​ຮັບ​ຜົນສຳ​ເລັດ.

ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ - Wave100S AD to Website 2020 0 - ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ
ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ - WhatsApp Image 2020 05 27 at 5 - ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ
ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ - WhatsApp Image 2020 05 27 at 5 - ລະດົມຄວາມຄິດເຫັນ ສສຊ ໃສ່ຮ່າງແມ່ບົດຈັດສັນທີ່ດິນ ແລະ ຮ່າງກົດໝາຍແກ້ໄຂຂໍ້ຂັດແຍ່ງທາງດ້ານເສດຖະກິດ
error: Alert: ເນື້ອຫາຂ່າວມີລິຂະສິດ !!