ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ

- Malaysia Election Guide 33246 - ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ
- Untitled design - ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ

ການ​ເລືອກ​ຕັ້ງທົ່ວ​ໄປ​ຄັ້ງທີ 14 ຂອງ​ມາ​ເລ​ເຊຍ ​ໃນ​ວັນ​ທີ 9 ພຶດສະພາ​ນີ້ ​ໄດ້​ຮັບ​ການ​ຂະໜານ​ນາມ​ວ່າ “ມານ​ດາ​ແຫ່ງ​ການ​ເລືອກ​ຕັ້ງທັງ​ປວງ” (Mother of All Elections) ​ເພາະ​ການ​ກັບ​ເຂົ້າມາ​ມີ​ບົດບາດ​ຜູ້ນຳ​ຝ່າຍ​ຄ້ານ​ຂອງ​ທ່ານ ມະຫາ​ເທ ​ໂມ​ຮຳ​ໝັດ ອາຍຸ 92 ປີ ອະດີດ​ນາຍົກລັດຖະມົນຕີ ທີ່​ຄອງ​ອຳນາດ​ຍາວ​ນານ​ກວ່າ​ທົດ​ສະ​ວັດ ​ແລະ ຫົວໜ້າ​ພັກ​ແກນ​ນຳ​ລັດຖະບານ​ອຳ​ໂນ (United Malays National Organisation – UMNO) ປະກາດ​ຊີງ​ຕຳ​ແໜ່​ງນາຍົກລັດຖະມົນຕີຈາກທ່ານ ນາ​ຈິບ ຣາຊັກ ຮັກສາ​ການ​ນາຍົກລັດຖະມົນຕີ ​ແລະ ຫົວໜ້າ​ພັກ​ອຳ​ໂນ​ຄົນ​ປັດຈຸບັນ.

- 920x920 - ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ

ບັນຫາ​ໃຫຍ່​ຂອງ​ທັງ​ສອງ​ຝ່າຍ​ຄື​ການ​ຊ່ວງ​ຊີງ​ສຽງ​ຂອງ​ຜູ້​ມີ​ສິດ​ອອກສຽງ​ກຸ່ມ “ພູມີ​ບຸດ” ຫລື “ບຸດ​ຂອງ​ແຜ່ນດິນ” ປະຊາກອນ​ສ່ວນ​ຫລາຍ​ຂອງ​ປະ​ເທດ​ ​ເຊິ່ງສ່ວນ​ຫລາຍ​ເປັນ​ຊາວ​ມາ​ເລ​ເຊຍ​ເຊື້ອສາຍ​ມາລາ​ຢູນັບຖື​ສາສະໜາ​ອິສລາມ ​ໂດຍ​ຕົວ​ເລກ​ຈາກ​ສຳນັກງານ​ສະຖິຕິ​ແຫ່ງ​ຊາດ​ມາ​ເລ​ເຊຍ​ປີ 2018 ລະບຸ​ວ່າ: ປະຊາກອນ​ກຸ່ມ​ນີ້​ມີ​ອັດຕາ​ສ່ວນ​ສູງ​ເຖິງ 68,8% ຂອງ​ພົນລະ​ເມືອງ​ທັງ​ໝົດ 28,7 ລ້ານ​ຄົນ.

ຜົນສຳ​ຫລວດ​ຄວາມ​ເຫັນ​ຂອງ​ປະຊາຊົນ​ຈາກ​ອົງການ​ທັງ​ໃນ ​ແລະ ນອກ​ປະ​ເທດ ສະຫລຸບ​ຜົນ​ການ​ເລືອກ​ຕັ້ງ​ໄປ​ໃນ​ທາງ​ດຽວ​ກັນ​ວ່າ: ຝ່າຍ​ຄ້ານ​ນຳ​ໂດຍ​ທ່ານ ມະ​ຫາ​ເທ ມີ​ທ່າ​ອ່ຽງຈະ​ຊະນະ​ຄະ​ແນນ​ສຽງ popular vote ຫລາຍ​ຂຶ້ນ, ​ແຕ່​ທ່ານ ນາ​ຈິບ ຣາຊັກ ​ແລະ ​ແນວ​ຮ່ວມ​ພັກ​ລັດຖະບານ​ຈະ​ຍັງ​ໄດ້​ບ່ອນ​ນັ່ງ​ສ່ວນ​ຫລາຍ​ໃນ​ລັດຖະສະພາ​ຢູ່.

ລາຍ​ງານ​ການ​ສຳ​ຫລວດ​ຂອງ​ຫລາຍ​ກຸ່ມ​ຊີ້​ວ່າ: ການ​ຊະນະ​ເລືອກ​ຕັ້ງຈົນຕັ້ງລັດຖະບານ​ໄດ້​ຂອງ​ຝ່າຍ​ຄ້ານ​ຈະ​ເປັນ​ຈິງ​ກໍ​ຕໍ່​ເມື່ອ​ມີ​ສິ່ງ​ມະຫັດສະຈັນ​ເກີດ​ຂຶ້ນ, ​ແຕ່​ບໍ່​ວ່າ​ຜົນ​ການ​ເລືອກ​ຕັ້ງຈະ​ເປັນ​ແນວ​ໃດ ການ​ເລືອກ​ຕັ້ງທົ່ວ​ໄປ​ຄັ້ງທີ 14 ຂອງ​ມາ​ເລ​ເຊຍ​ຄັ້ງນີ້​ເປັນ​ກໍລະນີ​ສຶກສາ​ທີ່​ດີ​ສຳລັບ​ປະ​ເທດ​ເພື່ອນ​ມິດ ​ໃນ​ການ​ສ້າງ​ຄວາມ​ເຂົ້າ​ໃຈ​ຂໍ້​ດີ​ຂໍ້​ບົກ​ຜ່ອງ​ຂອງ​ການ​ຕໍ່ສູ້​ທາງ​ການ​ເມືອງ​ໃນ​ລະບົບ​ພັກ​ການ​ເມືອງ​ທີ່​ມີ​ພັດທະນາ​ການ​ຢ່າງ​ຕໍ່​ເນື່ອງ ​ແລະ ສຳຄັນ​ທີ່​ສຸດ ຄື​​ເປີດ​ໂອກາດ​ໃຫ້​ສ້າງ​ຄວາມ​ເຂົ້າ​ໃຈ​ຕໍ່​ທັດສະນະ​ຄະຕິ​ກ່ຽວ​ກັບ​ປະຊາທິປະ​ໄຕ​ຂອງ​ປະຊາຊົນ​ໃນ​ສັງຄົມ​ມາ​ເລ​ເຊຍ​ນຳ​ອີກ.

- WhatsApp Image 2020 05 27 at 5 - ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ
- WhatsApp Image 2020 05 27 at 5 - ເລືອກຕັ້ງມາເລເຊຍ 2018 : ມານດາແຫ່ງການເລືອກຕັ້ງທັງປວງ
error: Alert: ເນື້ອຫາຂ່າວມີລິຂະສິດ !!