ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ

- 5f1db96d69c24dcea1d19c0d5e5401d2 5f1db96d69c24dcea1d19c0 hd - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ
- Untitled design - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ສຳນັກງານ​ສັງ​ເກດ​ການ​ພູ​ເຂົາ​ໄຟ​ລັດ​ຮາ​ວາຍ (HWO) ລາຍ​ງານ​ໃນ​ວັນ​ທີ 8 ພຶດສະພາ​ວ່າ: ນັບ​ແຕ່​ພູ​ເຂົາ​ໄຟ​ຄິລ​າ​ເວ ຄວາມ​ສູງ 1.247 ​ແມັດ ​ເຊິ່ງຕັ້ງຢູ່​ທາງ​ຕາ​ເວັນ​ອອກສຽງ​ໃຕ້​ຂອງ​ເກາະ​ຮາ​ວາຍ ​ເກາະ​ໃຫຍ່​ທີ່​ສຸດ​ໃນ​ບັນດາ 8 ​ເກາະ​ຂອງ​ລັດ​ຮາ​ວາຍ ​ໄຫລ​ອອກ​ມາ​ຢ່າງ​ຮຸນ​ແຮງ​ນັບ​ແຕ່​ວັນ​ທີ 3 ພຶດສະພາ ​ເກີດ​ຮອຍ​ແຕກ​ເປັນ​ທາງ​ຍາວ​ ຕະຫລອດ​ຈົນ​ລາ​ວາ​ປະລິມານ​ມະຫາສານ​ໄຫລ​ອອກ​ມາ​ທຳລາຍ​ສິ່ງ​ປຸກ​ສ້າງ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜ້ອຍ 35 ​ແຫ່ງ ​ໃນ​ຈຳນວນ​ນີ້ 26 ​ແຫ່ງ ​ເປັນ​ເຮືອນ​ຊານ​ຂອງ​ປະຊາຊົນ.

- 3808fb207e553dded903309315ca8c85 690 0 N - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ

ກ່ອນ​ໜ້າ​ນີ້, ສຳນັກງານ​ປ້ອງ​ກັນ​ໄພ​ພົນລະ​ເຮືອນ​ເຂດ​ຮາ​ວາຍ​ອະນຸຍາດ​ໃຫ້​ປະຊາຊົນ​ເກືອບ 2.000 ຄົນ ຈາກ​ຊຸມ​ຊົນ​ໄລລາ​ນີ ​ແລະ ລາ​ນີປູ​ນາ ກາ​ເດນ ກັບ​ເຂົ້າ​ໄປ​ກວດ​ສອບ​ສະພາບ​ເຮືອນ ​ແລະ ຊັບ​ສິນ​ໄດ້, ​ແຕ່​ຕ້ອງ​ກັບ​ອອກ​ຈາກ​ພື້ນທີ່​ມາ​ສູນ​ອາ​ໄສ​ຊົ່ວຄາວ​ຄື​ເກົ່າ ພາຍ​ໃນ​ເວລາ 18:00 ​ໂມງ ຕາມ​ເວລາ​ທ້ອງ​ຖິ່ນ​ຂອງ​ວັນ​ທີ 9 ພຶດສະພາ ຫລັງ​ຕີ​ລາຄາ​ສະຖານະ​ການ​ແລ້ວ​ພົບ​ວ່າ​ຢູ່​ໃນ​ສະພາບ​ຊົງ​ຕົວ, ​ເຖິງ​ວ່າ​ພູ​ເຂົາ​ໄຟ​ຍັງ​ມີທ່າ​ອ່ຽງລະ​ເບີດ​ແກັສພິດ ​ແລະ ລາ​ວາ​ອອກ​ມາ. ​ເຖິງ​ຢ່າງ​ໃດ​ກໍ​ຕາມ ພາຍຫລັງ​ອອກ​ປະກາດ​ພຽງ​ບໍ່​ເທົ່າ​ໃດ​ຊົ່ວ​ໂມງ ​ເຈົ້າໜ້າ​ທີ່​ສັ່ງ​​ໃຫ້​ປະຊາຊົນ​ທັງ​ໝົດ​ໃນ​ເຂດ​ລາ​ນີປູ​ນາ ກາ​ເດນ ຕ້ອງ​ອົບ​ພະຍົບ ​ເນື່ອງ​ຈາກ​ພົບ​ຮອຍ​​ແຕກ​ເພີ່ມ​ອີກ​ເປັນ 14 ຮອຍ​ແລ້ວ.

- f kilauea a 20180509 870x500 - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ

ທັງ​ນີ້, ພູ​ເຂົາ​ໄຟ​ຄິລາ​ເວ ​ເປັນ​ພູ​ເຂົາ​ໄຟ 1 ​ໃນ 5 ໜ່ວຍ​ຕັ້ງຢູ່​ເກາະ​ຮາ​ວາຍ ​ແລະ ​ເປັນ​ພູ​ເຂົາ​ໄຟ​ເຊິ່ງຍັງ​ມີ​ພະລັງ​ຢູ່ ​ແລະ ການລະ​ເບີດ​ຂອງ​ພູ​ເຂົາ​ໄຟ​ຄິລາ​ເວ​ໃນ​ຄັ້ງນີ້​ມີ​ຄວາມ​ຮຸ​ນ​ແຮງ​ທີ່​ສຸດ​ໃນ​ຮອບ 35 ປີ ​ໂດຍ​ເປັນ​ຜົນ​ມາ​ຈາກ​ແຜ່ນດິນ​ໄຫວ​ຫລາຍ​ຮ້ອຍ​ຄັ້ງ​ໃນ​ລັດສະໝີ 5 ກິ​ໂລ​ແມັດ ອ້ອມ​ພູ​ເຂົາ​ໄຟ ​ເຊິ່ງສຳນັກງານ​ສຳ​ຫລວດ​ທໍລະນີວິທະຍາ​ອາ​ເມ​ລິ​ກາ ວັດ​ແທກ​ການ​ສັ່ນ​ສະ​ເທືອ​ນຄັ້ງຮຸນ​ແຮງ​ທີ່​ສຸດ​ໄດ້ 6,9 ​ແມ​ກນິຈູດ ​ໃນ​ວັນ​ທີ 4 ພຶດສະພາ.

- Wave100S AD to Website 2020 0 - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ

- WhatsApp Image 2020 05 27 at 5 - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ
- WhatsApp Image 2020 05 27 at 5 - ຮາວາຍອົບພະຍົບເພີ່ມອີກ ຫລັງມີຮອຍແຍກໃໝ່ ລາວາພູເຂົາໄຟໄຫລອອກມາ
error: Alert: ເນື້ອຫາຂ່າວມີລິຂະສິດ !!