ຈັບຜູ້ລັກລອບຂົນສົ່ງທາດເຄມີອັນຕະລາຍມາດໍາເນີນຄະດີ

- Untitled design - ຈັບຜູ້ລັກລອບຂົນສົ່ງທາດເຄມີອັນຕະລາຍມາດໍາເນີນຄະດີ

ໃນວັນທີ 24 ເມສານີ້ເຈົ້າໜ້າທີ່ກົມຕຳຫລວດຈະລາຈອນໄດ້ສົ່ງຕົວທ້າວ ຄຳອ້ວນ ອາຍຸ 43 ປີຢູ່ບ້ານຫ້ວຍແກ້ວ, ເມືອງຄຳເກີດ ແລະ ທ້າວ ອິນປົງ ອາຍຸ 30 ປີຢູ່ບ້ານວຽງຄຳ, ເມືອງປາກກະດິງ, ແຂວງບໍລິຄຳໄຊ ໃຫ້ເຈົ້າໜ້າທີ່ສືບສວນ-ສອບສວນກົມໃຫຍ່ຕໍາຫລວດເອົາຕົວໄປດໍາເນີນຄະດີຕາມລະບຽບກົດໝາຍ, ພາຍຫລັງຮ່ວມກັນນໍາໃຊ້ລົດກະບະວີໂກ້ ໝາຍເລກທະບຽນ ກກ 9351 ຄຳມ່ວນ ລັກລອບຂົນສົ່ງທາດຟົດສະຟໍ (ເຊິ່ງເປັນທາດເຄມີຕິດໄຟໄດ້ງ່າຍອັນຕະລາຍ) ນໍ້າໜັກ 92 ກິໂລ, ໂດຍທັງສອງໄດ້ຖືກເຈົ້າໜ້າທີ່ຈະລາຈອນທີ່ຕັ້ງດ່ານກວດຢູ່ເຂດເສັ້ນທາງເລກ 13 ໃຕ້ເຂດແຂວງບໍລິຄໍາໄຊຈັບຕົວໄດ້ໃນວັນທີ 19 ເມສາຜ່ານມາ, ພາຍຫລັງຂັບຂີ່ລົດມຸ້ງໜ້າໄປແຂວງບໍລິຄໍາໄຊແຕ່ພໍເຫັນດ່ານກວດກາຈິ່ງໄດ້ຢຸດແບບກະທັນຫັນແລ້ວລ້ຽວລົດກັບຄືນດ້ວຍຄວາມໄວ ເຈົ້າໜ້າທີ່ຈິ່ງໄດ້ໄລ່ຕິດຕາມຮອດເຂດບ້ານນ້ຳທ້ອນ, ເມືອງຫີນບູນ, ແຂວງຄຳມ່ວນ ຈຶ່ງສະກັດລົດໃຫ້ຢຸດໄດ້ ແລະ ກວດຄົ້ນພົບທາດຟົດສະຟໍຢູ່ໃນຖັງຢາງ 4 ໜ່ວຍ ແລະ ຕຸກນ້ຳດື່ມໃຫຍ່ 2 ໜ່ວຍ, ມີນ້ຳໜັກ 92 ກິໂລ, ຈຶ່ງໄດ້ຈັບຕົວ ແລະ ຢຶດທາດເຄມີດັ່ງກ່າວເປັນຂອງກາງເພື່ອດໍາເນີນຄະດີຕາມລະບຽບກົດໝາຍ.

ຜ່ານການສືບສວນ-ສອບສວນຂອງເຈົ້າໜ້າທີ່ພວກກ່ຽວຮັບສາລະພາບວ່າ:  ທາດເຄມີດັ່ງກ່າວແມ່ນຂອງທ້າວ ເສີມ ທີ່ຝາກພວກກ່ຽວໃຫ້ໄປສົ່ງຢູ່ສວນຢາງພາລາແຫ່ງໜຶ່ງເຂດເມືອງປາກກະດິງ, ປັດຈຸບັນເຈົ້າໜ້າທີ່ພວມຂະຫຍາຍຜົນຫາຜູ້ທີ່ພົວພັນກັບສານເຄມີອັນຕະລາຍດັ່ງກ່າວເພື່ອເອົາຕົວມາດໍາເນີນຄະດີຕາມລະບຽບກົດໝາຍ.

- Wave100S AD to Website 2020 0 - ຈັບຜູ້ລັກລອບຂົນສົ່ງທາດເຄມີອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ຈັບຜູ້ລັກລອບຂົນສົ່ງທາດເຄມີອັນຕະລາຍມາດໍາເນີນຄະດີ
- WhatsApp Image 2020 05 27 at 5 - ຈັບຜູ້ລັກລອບຂົນສົ່ງທາດເຄມີອັນຕະລາຍມາດໍາເນີນຄະດີ
error: Alert: ເນື້ອຫາຂ່າວມີລິຂະສິດ !!