ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ

ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - 2560x1920 water splash abstract - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ
ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - AGL banner - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ

 ໂດຍ: ທິດກ່ຳ  

ທິດກ່ຳ ຂໍນຳເອົາແຫລ່ງ ຂ່າວໃນສື່ອອນລາຍ ທີ່ມີເນື້ອ ໃນໃຈຄວາມວ່າ ມີນັກກິລາ ປິງປ໋ອງ 2 ຄົນຜູ້ໜຶ່ງມາຈາກ ສປປ ເກົາຫລີ ແລະ ຜູ້ໜຶ່ງ ມາຈາກ ສ ເກົາຫລີ ໄດ້ໄປ ຮ່ວມແຂ່ງຂັນກິລາປິງປ໋ອງ ທີ່ ຈັດຂຶ້ນຢູ່ປະເທດສະວີເດັນ, ແຫລ່ງຂ່າວໄດ້ລະບຸວ່າໃນ ວັນ ທີ 3 ພຶດສະພານີ້ ໃນລາຍ ການແຂ່ງຂັນກິລາປິງປ໋ອງ ຊິງແຊັມໂລກປະເພດທິມ ປະຈຳປີ 2018 (World Team Table Tennis Championships) ເຊິ່ງທິມ ສປປ ເກົາຫລີຕ້ອງໄດ້ພົບ ສ ເກົາຫລີ ໃນຮອບກ່ອນຮອງ ຊະນະເລີດ (quarter-final) ຂອງປະເພດທີມຍິງ; ຖ້າທີມໃດຊະນະກໍຈະໄດ້ຜ່ານເຂົ້າໄປແຂ່ງກັບຍີ່ປຸ່ນ, ແຕ່ວ່າ ກ່ອນເລີ່ມມີການແຂ່ງຂັນບໍ່ພໍ ເທົ່າໃດນາທີ ທຸກຄົນໃນສະ ໜາມໃຜໆກໍແປກໃຈ ແລະ ຕົກຕະລຶງ ເມື່ອມີສຽງປະ ກາດອອກມາວ່າ: ທັງສອງ ທິມເກົາຫລີໄດ້ຕັດສິນໃຈ ຮ່ວມກັນຈະບໍ່ແຂ່ງຂັນກັນ ເອງໃນຮອບນີ້, ແຕ່ຈະລວມ ທີມກັນໃນຖານະ “ເກົາຫລີ ລວມຊາດ” ເພື່ອເຂົ້າໄປແຂ່ງ ກັບຍີ່ປຸ່ນໃນວັນທີ 4 ພຶດສະພາ ທີ່ນີ້ເອງ, ຕໍ່ຄຳປະກາດດັ່ງ ກ່າວ ກໍໄດ້ຮັບສຽງ ຕົບມື ແລະ ສະແດງຄວາມຍິນດີໄປທົ່ວ ສະໜາມ, ພ້ອມກັນນັ້ນ, ທິມ ນັກກິລາທັງ 2 ເກົາຫລີ ກໍຢືນ ຮຽງກັນສະຫລັບຖ່າຍຮູບ ເພື່ອເປັນທີ່ລະນຶກແດ່ສັນຕິ ພາບທີ່ກຳລັງຈະເລີ່ມຕົ້ນຂຶ້ນ.

ນີ້ຄືພາບອັນສວຍງາມ ໃນຄວາມເປັນຊາດໜຶ່ງຊາດດຽວແຕ່ແບ່ງອອກເປັນ 2 ປະ ເທດຍ້ອນເງື່ອນໄຂປະຫວັດ ສາດທີ່ແຍກກັນຢູ່ຄົນລະມູມຄືເກົາຫລີເໜືອຢູ່ມູມແດງ ເກົາ ຫລີໃຕ້ຢູ່ມູນນ້ຳເງິນ ເຊິ່ງມັນ ບໍ່ຕ່າງຫຍັງກັບໃນເມື່ອກ່ອນມີເຢຍລະມັນຕາເວັນຕົກ, ເຢຍ ລະມັນຕາເວັນອອກ ແລະ ມີ ຫວຽດນາມເໜືອກັບຫວຽດ ນາມໃຕ້ແຕ່ສຸດທ້າຍສອງ ຊາດເລົ່ານັ້ນກໍມາລວມຕົວເອກະພາບເປັນປະເທດອັນໜຶ່ງ ອັນດຽວກັນ ແລະ ອີກປະການ ໜຶ່ງມັນກໍສະແດງໃຫ້ເຫັນເຖິງຄວາມເປັນແບບຢ່າງໃນການຮັກຊາດແພງເຊື້ອຂອງຕົນ ເອງທັງເປັນສິ່ງທີ່ຍອດຍິ່ງ ກວ່າສິງອື່ນໃດເໝືອນດັ່ງ ພວກເຮົາຮັກແກ້ວຕາ ແລະ ດວງໃຈຂອງຕົນຕາມ ທິດກ່ຳ ວິເຄາະເຫດການນີ້ແມ່ນມີຂຶ້ນພາຍຫລັງຂອງຜູ້ນຳເກົາຫລີ ເໜືອ ກິມຈອງອຸນ ແລະ ເກົາ ຫລີໃຕ້ ມຸນແຈອິນ ໄດ້ພົບປະ ກັນຂັ້ນສຸດຍອດ ໃນວັນທີ 27 ເມສາ ທີ່ຜ່ານມາ.

 

ຮັກຊາດ ແລະ ພັດທະນາ

ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - Wave100S AD to Website 2020 0 - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ

ສີໂຄດຕະບອງສ້າງຂະບວນການແຂ່ງຂັນຮັກຊາດ ແລະ ພັດທະນາ

ທິດກ່ຳ ກໍຢາກໃຫ້ເຊື້ອ ຊາດລາວ, ຄົນລາວເຮົາຮູ້ຖະ ນຸຖະໜອມ ແລະ ຮັກແພງກັນ ເໝືອນດັ່ງດາວລ້ອມເດືອນ, ປຽບດັ່ງແຄນລວມເຕົ້າ, ດັ່ງປັ້ນເຂົ້າໜຽວກ້ອນໃຫຍ່ ເປັນຫຍັງຈິ່ງວ່າແນວນັ້ນ? ຍ້ອນວ່າໃນຍຸກປັດຈຸບັນເຊື້ອຊາດລາວ, ຄົນລາວເຮົາໄດ້ຢັງ ຢາຍເຮ່ຍຮວາຍໄປຢູ່ຫລາຍ ປະເທດພາກັນຢູ່ຫລາຍບ່ອນຫລາຍທີ່ ແລະ ມີຈຳນວນບໍ່ ໜ້ອຍໄດ້ກາຍເປັນສັນຊາດ ອື່ນຍ້ອນເງື່ອນໄຂປະຫວັດ ສາດ, ການດຳລົງຊີວິດ ແລະ ສະພາບແວດລ້ອມ, ມາຮອດ ປັດຈຸບັນ, ຖ້າຈະຄິດໄລ່ຄົນ ເຊື້ອຊາດລາວທີ່ກາຍເປັນສັນຊາດອື່ນກໍມີຫລາຍສິບລ້ານ.

ໃນເດືອນກຸມພາ ຜ່ານ ມາ, ທິດກ່ຳ ໄດ້ຮັບຂໍ້ມູນຈາກ ພະນັກງານຫລັກແຫລ່ງແກນນຳທ່ານໜຶ່ງຢູ່ກົມພົວພັນຄົນລາວກະຊວງຕ່າງປະເທດ ເພິ່ນເອງໄດ້ໃຫ້ຄວາມກະຈ່າງ ແຈ້ງວ່າຄົນລາວທີ່ດຳລົງຊີ ວິດຢູ່ຕ່າງປະເທດແມ່ນມີ ຫລາຍສົມຄວນເຊ່ັນ: ຢູ່ອາ ເມລິກາປະມານ 3 ແສນກວ່າ, ຢູ່ຝຣັ່ງ 2 ແສນກວ່າ, ເຫລືອນັ້ນກໍແມ່ນການາດາ, ອົດສະຕຣາລີ, ຍີ່ປຸ່ນ ແລະ ປະ ເທດອື່ນໆ ໃນໂລກເກືອບ ຫົວ ລ້ານ, ໃນຈຳນວນຄົນເຫລົ່າ ນີ້, ສ່ວນໜຶ່ງກໍຫາກິນດ້ວຍ ຄວາມ ຊອບທຳ, ອີກຈຳນວນ ໜຶ່ງ ກໍຍັງຫາວິທີໂຄ້ນລົ້ມ, ເວົ້າວ່າ ສຽດສີໃຫ້ແກ່ການ ນຳຂອງບ້ານເມືອງ ແລະ ມີ ອີກຈຳນວນບໍ່ໜ້ອຍເຖິງວ່າ ຕົນດຳລົງຊີວິດຢູ່ຕ່າງປະເທດ ແຕ່ກໍຍັງບໍ່ລືມຊາດບ້ານ ເມືອງ ຍັງ ຮັກເຊື້ອແພງຊາດຂອງຕົນ ຢ່າງດູດດື່ມ ເຊິ່ງສະແດງ ອອກຄືພ້ອມກັນອານຸລັກຮັກສາປະເພນີວັດທະນະທຳ, ຮັກ ສາຄວາມເປັນເອກະລັກຂອງຄວາມເປັນລາວ, ຍັງພາກັນ ເປົ່າແຄນ, ກິນເຂົ້າໜຽວປາ ແດກ, ກິນລາບກ້ອຍຊອຍ ຫ່າງ, ຕາມທິດກ່ຳວ່າ, ຄົນ ລາວ, ເຊື້ອຊາດລາວທີ່ມີ ຫລາຍກວ່າໝູ່ແມ່ນຢູ່ປະເທດໄທໝົດແຖວອີ່ສານ ແລະ ແຖວອື່ນໆເທບເຊັ່ນ: ລາວຄັ່ງ, ລາວວຽງ, ລາວໂຊ່ງ, ລາວ ພວນພວກເຂົາເຈົ້າເລົ່ານັ້ນ ເຖິງວ່າຈະກາຍເປັນສັນຊາດ ໄທແຕ່ຄວາມໃນໃຈກໍວ່າກູ ແມ່ນເຊື້ອຊາດລາວ./.

ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - WhatsApp Image 2020 05 27 at 5 - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ
ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - WhatsApp Image 2020 05 27 at 5 - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ
ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - WhatsApp Image 2020 05 27 at 5 - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ
ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ - WhatsApp Image 2020 05 27 at 5 - ຮັກເຊື້ອແພງຊາດເປັນບໍ່ເກີດແຫ່ງຄວາມສາມັກຄີປອງດອງ
error: Alert: Content is protected !!