ຈີນເພີ່ມມາດຕະການເຂັ້ມງວດ ກວດຊີ້ນໝູ່-ລົດຍົນອາເມລິກາ
ສຳນັກຂ່າວຕ່າງປະເທດລາຍງານໃນວັນທີ 17 ພຶດສະພາວ່າ: ສຳນັກງານພາສີອາກອນ (GACC) ລາຍງານໃນວັນທີ 16 ພຶດສະພາ ເລື່ອງການເພີ່ມຄວາມເຂັ້ມງວດໃນການກວດສອບຄຸນນະພາບຊີ້ນໝູ່ທີ່ສົ່ງອອກຈາກອາເມລິກາ, ຫລັງໄດ້ຮັບການຮ້ອງຮຽນຈາກຫລາຍຝ່າຍ ໂດຍຂະບວນການກວດສອບ “ເປັນໄປຕາມມາດຕະຖານສາກົນ” ແລະ ບໍ່ມີການເປີດເຜີຍຂໍ້ມູນເພີ່ມຕື່ມໃນເລື່ອງນີ້, ແຕ່ລະບຸອີກວ່າ: ນອກຈາກຊີ້ນໝູແລ້ວ ເຈົ້າໜ້າທີ່ຍັງເພີ່ມຄວາມເຂັ້ມງວດຕໍ່ການກວດສອບຄຸນນະພາບລົດຍົນທີ່ສົ່ງອອກມາຈາກອາເມລິການຳອີກ.
Last year America sold China 496,000 tonnes of pork worth $1.1bn. Farmers expect to lose most of this business https://t.co/iY3xSyz4it
— The Economist (@TheEconomist) May 16, 2018
ທັງນີ້, ລາຍງານຂອງ GACC ເປີດເຜີຍອີກວ່າ: ໃນໄລຍະ 4 ເດືອນທຳອິດຂອງປີນີ້ ມີລົດຍົນຂອງອາເມລິກາທັງໝົດ 4.360 ຄັນ ບໍ່ຜ່ານການກວດສອບຄຸນນະພາບ ຄິດເປັນມູນຄ່າປະມານ 312,5 ລ້ານໂດລາສະຫະລັດ ທ່າມກາງລາຍງານຫລາຍກະແສທີ່ອ້າງຂໍ້ມູນຈາກແຫລ່ງຂ່າວວ່າ: ສິນຄ້າທີ່ໄດ້ຮັບຜົນກະທົບສ່ວນຫລາຍເປັນລົດຍົນທີ່ຫຍໍ້ຟອດ. ສຳນັກງານໃຫຍ່ຂອງບໍລິສັດຟອດ ມໍເຕີ ໃນລັດມິຊິແກນ ສະແດງທ່າທີພຽງວ່າ: “ກຳລັງຕິດຕາມສະຖານະການຢ່າງໃກ້ຊິດ”.
ຂະນະດຽວກັນ, GACC ຍັງປະກາດເພີ່ມຄວາມເຂັ້ມງວດຕໍ່ການກວດສອບຄຸນນະພາບຂອງສິນຄ້າເອເລັກໂຕຣນິກຈາກອາເມລິການຳອີກ ເລີ່ມແຕ່ວັນທີ 3 ພຶດສະພາຜ່ານມາ ເນື່ອງຈາກໄດ້ຮັບຮ້ອງຮຽນວ່າສິນຄ້າດັ່ງກ່າວຂອງອາເມລິກາ “ບໍ່ໄດ້ມາດຕະຖານ” ເຊິ່ງອາດສົ່ງຜົນກະທົບຕໍ່ສິ່ງແວດລ້ອມ ແລະ ຄຸນນະພາບຊີວິດຂອງຊາວຈີນ.
