ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018

- woment - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018
- AGL banner - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018

ສູນກາງສະຫະພັນແມ່ຍິງລາວ ໄດ້ຈັດກອງປະຊຸມປະເມີນຜົນກາງສະໄໝການປະຕິບັດວຽກງານຂອງຕົນ ແລະ ປຶກສາຫາລືວຽກຈຸດສຸມ ປີ 2018, ຂຶ້ນໃນລະຫວ່າງວັນທີ 21-25 ພຶດສະພາ ນີ້, ທີ່ນະຄອນຫຼວງວຽງຈັນ, ໂດຍການເປັນປະທານຂອງທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີບັນດາຮອງປະທານ, ຄະນະບໍລິຫານງານ, ປະທານສະຫະພັນແມ່ຍິງ ຈາກບັນດາກະຊວງແຂວງ ແລະ ນະຄອນຫຼວງວຽງຈັນ, ລັດວິສາຫະກິດຝ້າຍລາວ ເຂົ້າຮ່ວມນໍາດ້ວຍ.

ໃນກອງປະຊຸມ ຊຶ່ງມີຫຼາຍຫົວຂໍ້ທີ່ໄດ້ປຶກສາຫາລືໃຫ້ເປັນເອກະພາບ ໂດຍສະເພາະແມ່ນວຽກງານພັດທະນາແມ່ຍິງ ປະເມີນຜົນການຈັດຕັ້ງປະຕິບັດແຜນພັດທະນາແມ່ຍິງລາວ ຄັ້ງທີ VII, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII, ແຜນດໍາເນີງານແຫ່ງຊາດກ່ຽວກັບບົດບາດຍິງ-ຊາຍ, ຕ້ານການໃຊ້ຄວາມຮຸນແຮງ ແລະ ພັດທະນາກາງສະໄໝ (2016-4/2018) ແລະ ວາງແຜນຈັດຕັ້ງປະຕິບັດທ້າຍສະໄໝ (6/2016-2020) ຄຽງຄູ່ກັນນັ້ນ, ເພື່ອເປັນການກະກຽມໃຫ້ແກ່ການສ້າງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ IX, ແຜນພັດທະນາແມ່ຍິງ 5 ປີ ຄັ້ງທີ  VIII, ແຜນດໍາເນີນງານແຫ່ງຊາດກ່ຽວກັບບົດບາດຍິງ-ຊາຍ, ຕ້ານການໃຊ້ຄວາມຮຸນແຮງ ແລະ ພັດທະນາເດັກ ( 2021-2025) ໃຫ້ສອດຄ່ອງກັບໜ້າທີ່ການເມືອງຂອງພັກໃນໄລຍະໃໝ່ ແລະ ຄາດໝາຍ SDGs (ເປົ້າໝາຍພັດທະນາແບບຢືນຢົງ) ປີ 2030 ແຕ່ລະໄລຍະ ຜູ້ແທນກອງປະຊຸມໄດ້ຄົ້ນຄວ້າປະກອບຄໍາເຫັນຕໍ່ວຽກງານດັ່ງກ່າວຢ່າງກົງໄປກົງມາ, ພ້ອມກັນນັ້ນ, ຍັງໄດ້ຮັບຟັງການສະຫຼຸບຂະບວນການລົງຊຸກຍູ້ການກະກຽມບຸກຄະລາກອນເພດຍິງເຂົ້າປະຊຸມອົງຄະນະພັກ ແລະ ສະຫະພັນແມ່ຍິງ 3 ຂັ້ນ; ປຶກສາຫາລືໃນການປັບປຸງກົງຈັກ  ຕາມຄໍາສັ່ງວ່າດ້ວຍການປັບປຸງຄຸນນະພາບການເຄື່ອນໄຫວຂອງກົງຈັກ ແລະ ການປັບປຸງລັດຖະກອນໃໝ່ ສະບັບເລກທີ 03/ນຍ; ກະກຽມກອງປະຊຸມຄົບຄະນະບໍລິຫານງານສູນກາງສະຫະພັນແມ່ຍິງລາວ ຄັ້ງທີ 4 ສະໄໝທີ VII ແລະ ແຜນວຽກຈຸດສຸມ 2018; ກະກຽມຂະບວນຄາລາວານ ສູ່ເມືອງວຽງໄຊ ແຂວງຫົວພັນ. ນອກນັ້ນ, ຜ່ານຮ່າງ ໂຄງຮ່າງລາຍງານການເມືອງ ແລະ ທິດທາງແຜນການ 5 ປີ (2021-2025) ຂອງສະຫະພັນແມ່ຍິງລາວ ເພື່ອກະກຽມລາຍງານຕໍ່ກອງປະຊຸມໃຫຍ່ຜູ້ແທນແມ່ຍິງລາວທົ່ວປະເທດ ຄັ້ງທີ VIII, ຮັບຟັງການສະຫຼຸບຖອດຖອນບົດຮຽນວຽກງານກວດກາສະຫະພັນແມ່ຍິງລາວ ແລະ ທິດທາງຕໍ່ໜ້າ, ຖອດຖອນບົດຮຽນວຽກງານສ້າງຄອບຄົວ ແລະ ບ້ານແມ່ຍິງ 3 ດີ ຕິດພັນກັບການສ້າງບ້ານພັດທະນາຕາມທິດ 3 ສ້າງ, ການປະເມີນແຜນດໍາເນີນງານແຫ່ງຊາດກ່ຽວກັບບົດບາດຍິງ-ຊາຍ, ຕ້ານການໃຊ້ຄວາມຮຸນແຮງ ແລະ ພັດທະນາເດັກ ແລະ ທິດທາງຕໍ່ໜ້າ, ພ້ອມກັນນີ້ ຍັງໄດ້ສະຫຼຸບຖອດຖອນບົດຮຽນ ແລະ ວາງແຜນຕໍ່ໜ້າ ໃນການຈັດຕັ້ງປະຕິບັດໂຄງການ “ຈໍາປາຄໍາຮ່ວມໃຈພັດທະນາແມ່ຍິງ” ແລະ ວຽກອື່ນໆ.

- Wave100S AD to Website 2020 0 - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018
- lattana banner 1 - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018
-    AD conten website - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018
- lattana banner - ກອງປະຊຸມປະເມີນຜົນກາງສະໄໝວຽກງານພັດທະນາແມ່ຍິງ ແລະ ປຶກສາຫາລືວຽກຈຸຸດສຸມ ປີ 2018
error: Alert: ເນື້ອຫາຂ່າວມີລິຂະສິດ !!