ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ

- finance - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ
- AGL banner - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ

ໃນທ້າຍອາທິດທີ່ຜ່ານມາ, ທີ່ແຂວງສະຫວັນນະເຂດ, ທ່ານ ອາດສະພັງທອງ ສີພັນດອນ ຮອງລັດຖະມົນຕີກະຊວງການເງິນ, ພ້ອມຄະນະ, ໄດ້ເຂົ້າຮ່ວມກອງປະຊຸມ ຕີລາຄາການຈັດຕັ້ງປະຕິບັດແຜນງົບປະມານແຫ່ງລັດປີ 2018 ແລະ ສ້າງແຜນງົບ ປະມານປີ 2019 ຂອງ 4 ແຂວງພາກກາງເຊັ່ນ: ແຂວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ໂດຍການເຂົ້າຮ່ວມຂອງທ່ານຮອງເຈົ້າແຂວງ, ປະທານສະພາປະຊາຊົນແຂວງ, ຫົວໜ້າພະແນກການເງິນ 4 ແຂວງດັ່ງກ່າວເຂົ້າຮ່ວມຢ່າງພ້ອມພຽງ.

ໂອກາດນີ້, ທ່ານ ຮອງລັດຖະມົນຕີກະຊວງການເງິນ ໄດ້ມີຄຳເຫັນວ່າ: ກອງປະຊຸມດັ່ງກ່າວ ເພື່ອເປັນການປຶກສາຫາລືໃນ 4 ບັນຫາສໍາຄັນຄື: (1) ສະຫລຸບຕີລາຄາຄືນການຈັດຕັ້ງປະບັດແຜນງົບປະມານແຫ່ງລັດປີ 2017 ແລະ ຍົກໃຫ້ເຫັນດ້ານຕັ້ງໜ້າ, ຂໍ້ຄົງຄ້າງຕ່າງໆ ເພື່ອປັບປຸງແກ້ໄຂ. (2) ກວດກາຄວາມຄືບໜ້າຂອງການຈັດຕັ້ງປະຕິບັດແຜນງົບປະມານແຫ່ງລັດ 2018 ໂດຍສະເພາະໃນ 4 ເດືອນຕົ້ນປີ ແລະ ຄາດຄະເນການຈັດເກັບລາຍຮັບໃນ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2018 ເພື່ອເປັນພື້ນຖານໃຫ້ແກ່ການສູ້ຊົນຈັດເກັບລາຍຮັບ-ປະຕິບັດລາຍຈ່າຍຕາມແຜນການທີ່ສະພາແຫ່ງຊາດໄດ້ຮັບຮອງ. (3) ເພື່ອເປັນການປຶກສາຫາລືສ້າງແຜນງົບປະມານແຫ່ງລັດປະຈໍາປີ 2019, ໂດຍຜ່ານບົດຮຽນ

ຕົວຈິງໃນການຈັດຕັ້ງປະຕິບັດໃນໄລຍະຜ່ານມາ, ໂດຍສະເພາະແມ່ນການປ່ຽນສົກງົບປະມານຕາມປີປະຕິທິນ ແລະ ການສ້າງແຜນງົບປະມານລະຫວ່າງສູນກາງກັບທ້ອງຖິ່ນໃນບາງຂະແໜງການຍັງບໍ່ທັນມີຄວາມເປັນເອກະພາບ ແຕ່ພາຍໃຕ້ເງື່ອນໄຂລາຍຈ່າຍສູງແຕ່ພື້ນຖານລາຍຮັບຍັງບໍ່ສູງເທົ່າທີ່ຄວນເຮັດໃຫ້ ການສະໜອງລາຍຮັບ-ລາຍຈ່າຍຍັງບໍ່ທັນສົມດູນກັນເກີດມີຄວາມຫຍຸ້ງຍາກໃນການຈັດຕັ້ງປະຕິບັດແຜນງົບປະມານກໍ່ຄືການຮັບຮອງເອົາແຜນການຕາມມະຕິສະພາແຫ່ງຊາດຮັບຮອງເອົາ, ພ້ອມດຽວກັນນີ້, ແຕ່ລະຂະແໜງການຍັງຈະຕ້ອງໄດ້ຄົ້ນຄົ້ວປຶກສາຫາລື ໂດຍຜ່ານສະພາປະຊາ ຊົນແຂວງຮັບຮອງເອົາແຜນງົບປະມານປີ 2019 ແລ້ວສັງລວມສົ່ງໃຫ້ກະຊວງການເງິນ ເພື່ອຈະລາຍງານຕໍ່ລັດຖະບານ ແລະ ນຳເຂົ້າສູ່ກອງປະຊຸມສະພາແຫ່ງຊາດ ເພື່ອຮັບເອົາແຜນງົບປະມານແຫ່ງລັດປີ 2019; (4) ແມ່ນເຜີຍແຜ່ເນື້ອໃນຈິດໃຈທີ່ສຳຄັນຂອງກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ສະບັບເລກທີ 30/ສພຊ ທີ່ຫາກໍ່ໄດ້ຮັບການຮັບຮອງຈາກສະພາແຫ່ງຊາດໃນທ້າຍປີ 2017 ທີ່ຜ່ານມາເພື່ອເຮັດວຽກງານການຈັດຊື້-ຈັດຈ້າງດ້ວຍທຶນຂອງລັດຢ່າງມີປະສິດທິຜົນ.

- Wave100S AD to Website 2020 0 - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ

ທ່ານ ອາດສະພັງທອງ ສີພັນດອນ ເນັ້ນຕື່ມວ່າ: ໃນໄລຍະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ພັກ-ລັດຖະບານໄດ້ເອົາໃຈໃສ່ໃນການຊີ້ນໍາ-ນໍາພາຢ່າງໃກ້ຊິດ, ພ້ອມທັງຄວາມບຸກບືນເປັນເຈົ້າການ, ຄວາມຮັບຜິດຊອບຂອງບັນດາຂະແໜງການ ແລະ ທ້ອງຖິ່ນເຮັດໃຫ້ເສດຖະກິດຂະຫຍາຍຕົວຢ່າງຕໍ່ເນື່ອງໃນລະດັບ 6,9%; ເສດຖະກິດມະຫາພາກມີຄວາມໝັ້ນທ່ຽງ, ສາມາດຮັກສາອັດຕາເງິນເຟິ້ໃນລະດັບຕໍ່າກວ່າອັດຕາການເຕີບໂຕຂອງເສດຖະກິດ.

- lattana banner 1 - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ
-    AD conten website - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ
- lattana banner - ຮອງລັດຖະມົນຕີກະຊວງການເງິນເນັ້ນ 4 ແຂວງພາກກາງເອົາໃຈໃສ່ຈັດຕັ້ງປະຕິບັດແຜນງົບປະມານ 2018 ໃຫ້ບັນລຸຜົນ
error: Alert: ເນື້ອຫາຂ່າວມີລິຂະສິດ !!