ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ

- 33693854 783663081844267 4723963936787922944 n - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ
- AGL banner - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ

ນັກ​ກິລາ​ຍິງ​ປືນ​ໄອ​ພີ​ເອັສຊີ​ທີ​ມຊາດ​ລາວ ຍາດ​ໄດ້ອັນ​ດັບ​ທີ 3 ​ປະ​ເພດ​ປືນ​ສະ​​ແຕນດາດ ​ໃນ​ການ​ແຂ່ງຂັນຍິງປືນໄອພີເອັສຊີ ຊີງ​ແຊ້ມທົ່ວ​ປະ​ເທດ​ໄທ ຫລື ລາຍການ ​ເພັດ​​ບູຣີ ​ໄອ​ພີ​ເອັສຊີ ​ເຮັນກັນ 2018 (Petchaburi IPSC Mini Rifle Championship 2018) ຈັດຂຶ້ນລະຫວ່າງວັນທີ 26-27 ພຶດສະພານີ້ ​ເຊິ່ງມີ​ນັກ​ກິລາ​ຈາກ​ທະວີບເອີຣົບ, ອາຊີ, ອາ​ຊຽນ ​​ແລະ ບັນດາ​ສະ​ໂມ​ສອນທົ່ວຣາຊະອານາຈັກ​ໄທເຂົ້າ​ຮ່ວມ 180 ຄົນ.

ທ່ານ ອາ​ໂນ​ໄທ ​ເມືອງ​ມະນີ ​ໃຫ້​ສຳພາດ​ວ່າ: ​ການ​ເຂົ້າ​ຮ່ວມ​ແຂ່ງຂັນ​ຍິງ​ປືນ​ ​ໄອ​ພີ​ເອັສຊີ ປະ​ເພດ​ປືນ​ສະ​ແຕນ​ດາດ ທີ່​ປະ​ເທດ​​ໄທ ເພື່ອ​ຍົກ​ລະດັບ​ຄວາມ​ສາມາດ​ໃຫ້​ແກ່ຕົນ​ເອງ​ໄດ້​ມີ​ການ​ພັດທະນາ​ແບບ​ຕໍ່​ເນື່ອງ ​​ແນ​ໃສ່​ສ້າງ​ຜົນງານ​ໃຫ້​ແກ່​ວົງ​ການ​ກິລາ​ຍິງ​ປືນ​ໄອ​ພີ​ເອັສຊີ​ລາວກ້າ​ວສູ່​ລະດັບ​ສາກົນ. ອີກ​ດ້ານ​ໜຶ່ງ​ກໍຍັງ​ເປັນ​ການ​ກຽມ​ຄວາມ​ພ້ອມ​ໃຫ້​​ແກ່​ການເຂົ້າ​ຮ່ວມ​​ແຂ່ງຂັນຄັດ​ເລືອກ​ນັກ​ກິລາ​ຍິງ​ປືນ​ໄອ​ພີ​ເອັສຊີ​ທີ​ມຊາດ​ລາວຂອງ​ສະ​ໂມ​ສອນ​ຍິງ​ປືນ​ໄອ​ພີ​ເອັສຊີ​ລາວ ສະຫະພັນ​ຍິງ​ປືນ​ແຫ່ງ​ຊາດ​ລາວ ຈະ​ຈັດ​ຂຶ້ນ​ໃນມໍ່ໆນີ້ ​ເພື່ອສົ່ງ​​ເຂົ້າ​ຮ່ວມ​ແຂ່ງຂັນຍິງ​ປືນ​ຊີງ​ແຊ້ມ​ລະດັບ​ພາກ​ພື້ນ ​ແລະ ສາກົນ​ໃນ​ອະນາ​ຄົດ ​ໂດຍ​ສະ​ເພາະການແຂ່ງຂັນ​ຍິງ​ປືນ​ຊີງ​ແຊ້ມນາໆ​ຊາດ ​ເລ​ໂວ 3 ທີ່​ ສປປ ລາວ ຮັບ​ກຽດ​ເປັນ​ເຈົ້າພາບ ​ໃນ​ເດືອນ​ຕຸລາ 2018 ​ທີ່​ສະໜາມ​ຍິງ​ປືນ 5 ​ເມສາ ​ເມືອງ​ໄຊ​ເສ​ດຖາ ນະຄອນຫລວງ​ວຽງ​ຈັນ. ​ດັ່ງ​ນັ້ນ, ​​ໃນ​ຮອບ​ປີ 2018 ຫລື ​ໃນ​​ໄລຍະ​ເດືອນ​ມິຖຸນາຫາ​ເດືອນ​ກັນຍາ ກໍໄດ້ຕັ້ງ​ເປົ້າ​ໝາຍ​ໄວ້​ຈະ​ພະຍາຍາມ​ເ​ຂົ້າຮ່ວມ​ແຂ່ງຂັນ​ຍິງ​ປືນ​ໄອ​ພີ​ເອັສຊີ​ໃຫ້​ໄດ້ຫຼາຍ​ທີ່​ສຸດຕາມ​ເງື່ອນ​ໄຂ​ທີ່​ຕັ້ງ​ໄວ້.

ສໍາລັບການເຂົ້າຮ່ວມແຂ່ງຂັນຍິງປືນໄອພີເອັສຊີ ຊີງ​ແຊ້ມທົ່ວ​ປະ​ເທດ​ໄທ ຫລື ລາຍການ ​ເພັດ​​ບູຣີ ​ໄອ​ພີ​ເອັສຊີ ​ເຮັນກັນ 2018 (Petchaburi IPSC Mini Rifle Championship 2018) ຕົນເອງສາມາດຍາດໄດ້ອັນ​ດັບ​ທີ 3. ​ນອກຈາກນັ້ນ ຍັງສາມາດ​ສ້າງ​ຜົນງານຍາດໄດ້ຫລຽນ​ຄຳ ຍິງ​ປືນ​ສະ​ແຕນ​ດາດ ດິວິ​ຊັນ ຄາດຢູ ລາຍການ ໄອ​ພີ​ເອັສຊີ ຊີງ​ແຊ້ມນາໆ​ຊາດ ທີ່​​ແຂວງ​ຊຽງ​ລາຍ ປະ​ເທດ​ໄທ ເມື່ອ​ເດືອນ​ກຸມພາຜ່ານ​ມາ ​ແລະ ຄວ້າຫລຽນ​ຄຳຍິງປືນສະ​ແຕນ​ດາດ ​ໄອ​ພີ​ເອັສຊີ ​ເລ​ໂວ 2 ຊີງ​ຫລຽນ​ຄຳ ປະທານ​ສະ​ໂມ​ສອນ​ຍິງ​ປືນ​​ໄອ​ພີ​ເອັສຊີລາວ ປະຈຳ​ປີ 2018.

- Wave100S AD to Website 2020 0 - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ
- lattana banner - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ
- lattana banner 1 - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ
-    AD conten website - ນັັກກິລາຍິງປືນລາວຍາດໄດ້ອັນດັບທີ 3 ທີ່ປະເທດໄທ
error: Alert: ເນື້ອຫາຂ່າວມີລິຂະສິດ !!