ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018

- Tad son waterfall - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018
- AGL banner - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018

​    ​ໃນ​ວັນ​ທີ 30 ພຶດສະພາ​ນີ້, ເມືອງ​ນາ​ຊາຍ​ທອງ, ນະຄອນຫຼວງ​ວຽງ​ຈັນ ​ໄດ້​ຈັດ​ພິທີ​ເປີດ​ປີ​ທ່ອງ​ທ່ຽວ 2018 ຂອງ​ຕົນ ​ທີ່​ແຫຼ່ງທ່ອງ​ທ່ຽວທຳ​ມະ​ຊາດ​ນ້ຳ​ຕົກຕາ​ດຊອນ​​ແດນ​ຫົງ​ພູ​ສູງ ສວນ​ອຸດ​ທິຍານ​ພຶກສາຊາດ ຊຸມ​ຊົນ​ສະມາຄົມ​ອາຊຽນ, ດ້ວຍ​ບັນຍາກາດ​ຟັດ​ຟື້ນ,​ ໂດຍ​ການ​ເຂົ້າ​ຮ່ວມ​ຂອງ​ທ່ານ ອຸດອນ ​ໄຊ​ມົນຕີ ຮອງ​ປະທານ​ສະພາ​ນະຄອນຫຼວງ​ວຽງ​ຈັນ​ແລະທ່ານ ຫົວໜ້າ​ພະ​ແນ​ກຖະ​ແຫຼ​ງຂ່າວ ວັດທະນະທຳ​ແລະ​ທ່ອງ​ທ່ຽວ​ນະຄອນຫຼວງ​; ທ່ານ ເຈົ້າ​ເມືອງ​ນາ​ຊາຍ​ທອງ​; ພ້ອມ​ດ້ວຍ​ທ່ານປະ​ທານ​ກຸ່ມ​ບໍລິສັດ ຄຳ​ໄພຊະນະ ກໍ່ສ້າງ​ ຈຳກັດ​​ແລະ​ມວນ​ຊົນບັນດາ​ ​ເຂົ້າ​ຮ່ວມ​ເປັນ​ຈຳນວນ​ຫຼາຍ.

ທ່ານ​ເຈົ້າ​ເມືອງ​ນາ​ຊາຍ​ທອງ​ກ່າວ​ວ່າ:ປັດຈຸບັນການ​ພັດທະນາ​ດ້ານການທ່ອງທ່ຽວ​ເມືອງ​ນາ​ຊາຍ​ທອງ​ໄດ້​ມີ​ການ​ຂະຍຕົວ​ດີ​ຂື້ນ ​ໂດຍ​ນັກ​ລົງທຶນ​ຕ່າງໆ​ເຂົ້າ​ມາ​ລົງທຶນ​ພັດ​ທະ​ນາ​ ​ເປັນຕົ້ນແມ່ນ​ສະຖານ​ທີ່​ທ່ອງ​ທ່ຽວ​ທຳ​ມະ​ຊາດ​ຕາດຊອນ, ສວນພຶກສາ, ຫິນ​ຄັນນາ, ຟາ​ມນາ​ເດຍ​ ແລະ ​ອື່ນໆ,​ ມີ​ໂ​ຮງ​ແຮມ​ແລະລີ​ສອດ 16 ແຫ່ງ, ​ເຮືອນ​ພັກ 9 ​ແຫ່ງ, ຮ້ານ​ອາຫານ-​ຮ້ານ​ກິນ​ດື່ມ 55 ​ແຫ່ງ​ແລະ​ກຳລັງ​ສຳ​ຫຼວດ​​ເພື່ອຈະ​ພັດທະນາ​ໃໝ່​ຄື: ​ໜອງ​ຕະ​ເຫຼິະ, ໜອງ​ຂະ​ໜຽງ, ພະ​ບາດ​ໂພນ​ຄ້ອງ.

ການ​ເປີດ​ງານ​ຄັ້ງ​ນີ້ ​ໄດ້​ຮັບ​ການ​ສະໜັບສະໜູນ​​ຈາກ​ຜູ້​ລົງທຶນ​ພັດທະນາ​ແຫຼ່ງ ທ່ອງ​ທ່ຽວ​ທຳ​ມະ​ຊາດ​ນ້ຳຕົກຕາ​ດຊອນ ​ໂດຍ​ມີ​​​​ຂະ​ບວນຄາວານ​ລົດ 70​ ຄັນ​ຈາກ​ນະຄອນ​ຫຼວງ​ວຽງ​ຈັນ​ຫາ​ສະຖານ​ທີ່,​ ແລ່ນ​ມິ​ນິມາລາ​ທອນ, ກິ​ດຈະ​ກຳ​ປູກ​ໄມ້​ອຸດສາຫະກຳ ​ແລະ​ ໄມ້​ໃຫ້​ໝາກຈຳນວນ1​ແສນ​ຕົ້ນ, ກິດຈະກຳ​ທ່ຽວ​ຊົມ​ສວນ​ໄມ້​ປູກ-​ໄມ້​ທຳ​ມະ​ຊາດ, ຊົມ​ດານ​ຄູຫາ, ຊົມ​ບໍ່​ນ້ຳ​ຊ້າງ​​ແກ້ວ, ຊົມ​ຖ້ຳ​ບ່ອນ​ພັກ​ເຊົາ​ຂອງ​ການ​ນຳ​ປະຕິວັດທ່ານ ສຸພາ​ນຸວົງ, ຂີ່​ສະ​ລິງ​ຍາວ​ກວ່າ 3000​ ແມັດ,​ ແລະ​ ຊົມຕະຫຼາດນັດ​ສິນຄ້າ​ຕົວ​ແບບ, ຂະ​ບວນ​ແຫ່​ຊ້າງ ​ແລະ​ ຂະ​ບວນ​ແຫ່​ເຊີ້ງບັ້ງ​ໄຟ ຢູ່​ແຫຼ່ງທ່ອງ​ທ່ຽວ​ດັ່ງກ່າວອີກ​ດ້ວຍ.

- Wave100S AD to Website 2020 0 - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018

ທ່ານຫົວໜ້າ​ພະ​ແນ​ກຖະ​ແຫຼ​ງຂ່າວ ວັດທະນະທຳ​ແລະ​ທ່ອງ​ທ່ຽວ​ນະຄອນຫຼວງມີ​ຄຳ​ເຫັນ​ໃນ​ພິທີວ່າ: ສະຖານ​ທີ່​ທ່ອງ​ທ່ຽວ​ດັ່ງກ່າວ​ແມ່ນ​ໜຶ່ງ​ໃນ​​ເປົ້າ​ໝາຍ​ສົ່ງ​​ເສີມ​ການທ່ອງທ່ຽວ2018​ຂອງ​ນະຄອນຫຼວງ​ວຽງຈັນ ​ເຊິ່ງ​ເປັນ​ແຫຼ່ງທ່ອງທ່ຽວ​ທາງ​ທຳ​ມະ​ຊາດທີ່​ມີ​ຄວາມ​ຫຼາກ​ຫຼາຍຂອງ​ຕົ້ນ​ໄມ້​​ ແລະ​ ຊີວະນາໆ​ພັນ​ທີ່​​ມີ​ຄວາມ​ໂດດ​ເດັ່ນ​ ແລະ ​ປະ​ທັບ​ໃຈ ​ແລະ​ ​ສາມາດ​ດຶງ​ດູດ​ນັກ​ທ່ອງ​ທ່ຽວ​ເຂົ້າ​ມາ​ທ່ຽວ​ຊົມ​ຫຼາຍ​ຂື້ນ​​ໃນ​ແຕ່​ລະ​​ເດືອນ,​ ໂດຍ​ຄາດ​ວ່າ​ໝົດ​ປີໝົດ​ປີ 2018​ ນີ້ ຈະ​ມີ​ນັກ​ທ່ອງ​ທ່ຽວ​ທັງ​ພາຍ​ໃນ​ແລະ​ຕ່າງປະ​ເທດ​ເຂົ້າ​ມາ​ທ່ຽວ​ຊົມ​ບໍ່​ຕ່ຳ​ກວ່າ ​2​ ລ້ານ​ເທື່ອ​ຄົນ.

-    AD conten website - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018
- lattana banner - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018
- lattana banner 1 - ເມືອງ​ນາ​ຊາຍ​ທອງ​ເປີດ​ປີ​ທ່ອງ​ທ່ຽວ 2018
error: Alert: ເນື້ອຫາຂ່າວມີລິຂະສິດ !!