FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ

- AAy2U05 - FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ
- Untitled design - FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ

ກາຍເປັນບັນຫາດັງສັ່ນຄອນເຖິງກຳມະການຕັດສິນກິລາບານເຕະໄປທົ່ວໂລກ ເມື່ອສະຫະພັນບານເຕະສາກົນ ຫລື FIFA ຕັດສິດ ຟາຮັດ ອາວເມຍດາຊີ (Fahad Al Mirdasi) ຜູ້ຕັດສິນບານເຕະລະດັບຟີຟາ ຊາວຊາອຸດິອາຣາບີ ບໍ່ໃຫ້ຕັດສິນໃນບານໂລກ 2018 ຂໍ້ຫາຮັບສິນບົນ ຊຶ່ງເນື້ອໃນສາເຫດດັ່ງກ່າວ FIFA ໄດ້ຮັບຂໍ້ມູນຈາກສະຫະພັນບານເຕະຊາອຸດິອາຣາບີ (Saudi Arabian Football Federation) ໃນກາງ​ເດືອນພຶດສະພາ 2018 ສືບພົບວ່າ: ຟາຮັດ ອາວເມຍດາຊີ ຮັບສິນບົນກ່ອນລົງຕັດສິນການແຂ່ງຂັນບານ​ເຕະຊິງຂັນເຈົ້າຊີວິດຂອງປະເທດ (King’s Cup) ຮອບຊິງຊະນະເລີດ ປະຈຳປີ 2018 ຄູ່ລະຫວ່າງ ອາວ ອິດທີຮັດ (Al Ittihad) ພົບກັບ ອາວ ໄຟຊາລີ (Al Faisaly) ໃນວັນທີ 12 ພຶດສະພາຜ່ານມາ ເຮັດໃຫ້ຄະນະຈັດການແຂ່ງຂັນສົ່ງ ມາກ ແຄັດເທັນເບີກ (Mark Clattenburg) ອະດີດຜູ້ຕັດສິນມື 1 ໃນພຣີເມຍລີກ ອັງກິດ ລົງຕັດສິນແທນ. ຕໍ່ກັບຜົນການກະທຳດັ່ງກ່າວ ສະຫະພັນບານເຕະຊາອຸດິອາຣາບີ ຕັດສິນລົງໂທດ ຟາຮັດ ອາວເມຍດາຊີ ຫ້າມຕັດສິນຕະຫລອດຊີວິດ, ສ່ວນ FIFA ຖະແຫລງການພຽງແຕ່ ຕັດສິດອອກຈາກການຕັດສິນບານໂລກ 2018 ແລະ ຟີຟາ ຈະພິຈາລະນາໃສ່ໂທດຕື່ມອີກ.

ຂະນະທີ່ 2 ຜູ້ຊ່ວຍຕັດສິນ ໂມຮຳເມັດ ອາວ-ອາບາກຣີ (Mohammed Al-Abakry) ແລະ ອັບດຸນລາ ອາວ-ຊາວໄວ (Abdulah Al-Shalwai) ກໍຖືກຕັດລາຍຊື່ອອກເຊັ່ນກັນ.

ສ່ວນຄະນະກຳມະການດ້ານກຳມະການຕັດສິນຂອງ FIFA ຍັງບໍ່ເລືອກຜູ້ຕັດສິນໃຫມ່ມາແທນ ຟາຮັດ ອາວເມຍດາຊີ ໃນບານໂລກ 2018 ແຕ່ເອີ້ນຜູ້ຊ່ວຍຜູ້ຕັດສິນ ຮາຊານ ອາວ-ມາຣີ (Hasan Al-Mahri) ຈາກສະຫະລັດອາຣັບເອມີເຣັສ ຫລື UAE ແລະ ຮິໂຣຊິ ຢາມາອູຊິ (Hiroshi Yamauchi) ຊາວຍີ່ປຸ່ນ ມາແທນ ໂດຍຈະເຮັດວຽກຮ່ວມກັບຜູ້ຕັດສິນ ໂມຮຳເມັດ ໂມຮຳເມັດ ອັບດຸນລາ (Mohammed Mohammed Abdulla) ຊາວ UAE ແລະ ຣູຈິ ຊາໂຕະ (Ryuji Sato) ຊາວຍີ່ປຸ່ນ.

ກ່ອນຫນ້ານີ້ ຟາຮັດ ອາວເມຍດາຊີ ເປັນຫນຶ່ງຜູ້ຕັດສິນ 6 ຄົນຈາກອາຊີ 63 ຄົນໃນທົ່ວໂລກ ຜ່ານການຄັດເລືອກໃຫ້ຮ່ວມຕັດສິນໃນບານໂລກ 2018 ທີ່ຣັດເຊຍ, ແຕ່ມາຖືກຕັດລາຍຊື່ອອກ ເພາະຜົນຈາກການກະທຳດັ່ງກ່າວ ກາຍເປັນກໍລະນີຕົວຢ່າງ ແລະ ເປັນບົດຮຽນກ່າວເຕືອນກຳມະການທົ່ວໂລກ ຕ້ອງຄຳນຶງເຖິງຈາລິຍະທຳ ຫລື ຈັນຍາບັນ ແລະ ລະບຽບຂອງກຳມະການຕັດສິນ.

- Wave100S AD to Website 2020 0 - FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ

ສຳລັບ ຟາຮັດ ອາວເມຍດາຊີ ອາຍຸ 32 ປີ ເປັນກຳມະການລະດັບຟີຟາແຕ່ປີ 2011 ເຄີຍຕັດສິນບານ​ເຕະຊິງແຊ້ມອາຊີ ຫລື ເອຊຽນຄັບ 2015, U20 ຊິງແຊ້ມໂລກ, ໂອແລມປິກເກມ 2016 ແລະ FIFA Confederations Cup 2017.

- WhatsApp Image 2020 05 27 at 5 - FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ
- WhatsApp Image 2020 05 27 at 5 - FIFA ຖະແຫຼງຕັດລາຍຊື່ ຟາຮັດ ອາວເມຍດາຊີ ອອກຈາກລາຍຊື່ຜູ້ຕັດສິນບານໂລກ 2018 ຂໍ້ຫາຮັບສິນບົນ
error: Alert: ເນື້ອຫາຂ່າວມີລິຂະສິດ !!