ເຫັນນະຄອນຫລວງພະບາງ ຄັ້ງທຳອິດໃນຊີວິດ

- 30715209 420000245091475 1975936877466746880 n - ເຫັນນະຄອນຫລວງພະບາງ ຄັ້ງທຳອິດໃນຊີວິດ
- AGL banner - ເຫັນນະຄອນຫລວງພະບາງ ຄັ້ງທຳອິດໃນຊີວິດ

 

ຈານແຫຍ່ເກີດ, ໃຫຍ່ ແລະ ກ້າວຂາເຂົ້າປະຕູບຳ ນານຕາມອາຍຸສັງຂານແຕ່ ຫາກໍມີໂອກາດໄດ້ເຫັນນະ ຄອນຫລວງພະບາງເປັນຄັ້ງທຳອິດໃນຊີວິດ.

 

ກຳເນີດ 3 ນະຄອນຢ້ອນຍຸກລາວຈະເລີນ

ປະກາດເມືອງ ໄກສອນ ພົມວິຫານ ເປັນນະຄອນ, ຫລັງນະຄອນຫລວງພະບາງ

ໝູ່ຄູ່ໄດ້ຍິນແລ້ວບໍ່ເຊື່ອ, ເພາະຈານແຫຍ່ສ້າງຄອບຄົວ ກັບຍິງຫລວງພະບາງ ແລະ ມີລູກຊອດນຳກັນຫລາຍຄົນ. ສຸດທ້າຍ ຈຶ່ງໄດ້ຢືມມຸກຊຽງ ໝ້ຽງມາຕອບໝູ່ຄູ່ວ່າ: ຕອນ ນັ້ນມັນແມ່ນ “ເມືອງຫລວງ ພະບາງ”, ບໍ່ແມ່ນ “ນະຄອນ ຫລວງພະບາງ”. ຫລວງພະ ບາງຫາກໍປະກາດເປັນນະ ຄອນ ໃນວັນທີ 15 ເດືອນ ເມ ສາປີນີ້ເອງ. ໄປຫລວງພະ ບາງໃນອາທິດທີສາມເດືອນ ພຶດສະພາຜ່ານມານີ້, ຈານ ແຫຍ່ ໄດ້ສວມວິນຍານນັກ ທ່ອງທ່ຽວ 100% ຄືຈ້າງພັກ ຢູ່ໂຮງແຮມ, ຍ່າງເລາະທຸກ ຈອກທຸກແຈ, ນຸ່ງໂສ້ງຍີນມືຖື ຂວດນ້ຳຫົວເສືອ ໃສ່ໝວກ ແງ໋ບຂຽນວ່າ “Singapore” (ເພາະຊື້ມາແຕ່ປະ ເທດສິງກະໂປ). ສິ່ງທີ່ກິນໃຈ ທຳອິດກໍແມ່ນມີຜູ້ຂັບລົດຕັກ ຊີ, ຕຸກຕຸກ ແລະ ເຮືອທ່ອງ ທ່ຽວມາຖາມ ຈານແຫຍ່ ເປັນ ພາສາອັງກິດ “Taxi Sir?” Tuk-Tuk sir? Boat sir? “ເອົາແທ໋ກຊີ, ຕຸກຕຸກ, ເຮືອ ທ່ອງທ່ຽວບໍ່ທ່ານ?” ຈານ ແຫຍ່ ກໍເລຍຕອບເປັນອັງ ກິດໄປເພື່ອຝຶກລິ້ນທີ່ຄ້າງມາ ເຫິງແລ້ວ.

ນີ້ຄືການທົດສອບຂອງ ຈານແຫຍ່ ເພື່ອຮູ້ກ່ຽວກັບ ຄວາມສາມາດດ້ານພາສາ ອັງກິດ ຂອງນັກປະກອບການ ຢູ່ຫລວງພະບາງ. ເປັນອັນ ວ່າບໍ່ຜິດຫວັງ ຢູ່ຫລວງພະ ບາງ 3 ວັນມີຄົນມາທັກທາຍ ເປັນພາສາອັງກິດກັບ ຈານ ແຫຍ່ຫລາຍກວ່າຜູ້ເວົ້າພາ ສາລາວອີກຊ້ຳ.

- Wave100S AD to Website 2020 0 - ເຫັນນະຄອນຫລວງພະບາງ ຄັ້ງທຳອິດໃນຊີວິດ

ຫລວງພະບາງວັນນີ້ຕ່າງ ກັບເມື່ອສາມປີຫລັງທີ່ໄດ້ ມາເຫັນ. ຖະໜົນຫົນທາງສະ ອາດສະອ້ານ, ເຮືອນສ່ວນ ຕົວເກືອບທຸກຫລັງມີລາຍ ການບໍລິການແຂກ, ຮອຍຍິ້ມ ປູ່ເຍີ-ຍ່າເຍີ ຫ້ອຍໂອ້ນໂຕ້ນ ຢູ່ ຮິມສົບຂອງພໍ່ຄ້າ-ແມ່ຂາຍ, ເຈົ້າຂອງກິດຈະການຕະ ຫລອດເວລາ.

ຫລວງພະບາງເບິ່ງໄປ ເບິ່ງມາເປັນຄືກົ້ນອູ່ ຊຶ່ງຂອບ ດ້ວຍສັນ ແລະ ເປີ້ນພູຂຽວ ອຸ່ມທຸ່ມ. ໃນປີ 1969 ອາຈານ ເຊິ່ງເປັນຄົນອາເມກາຂອງ ຈານແຫຍ່ ຊື່ດອກເຕີຊິບພະ ລາ (Dr. Shipla) ເວົ້າວ່າ “ຫລວງພະບາງເປັນເມືອງ ງາມທີ່ສຸດໃນໂລກທີ່ຂ້າພະ ເຈົ້າໄດ້ ເຫັນມາ” ຕອນນັ້ນ ຈານແຫຍ່ ຟັງຫູໄວ້ຫູ ເພາະ ຄິດວ່າ ຄົງ “ຍໍ” ເກີນໄປ. ແຕ່ ພໍໄດ້ຜ່ານການຢ້ຽມຢາມຢູ່ ແຫລ່ງທ່ອງທ່ຽວທີ່ລືຊື່ໃນ ໂລກກວ້າງເຊັ່ນ ເມືອງບາ ຫລີ(ອິນໂດເນເຊຍ), ເມືອງ ບູຮານ “ບາບີລອນ” ຢູ່ອີຣັກ, ອັງກໍວັດ (ກຳປູເຈຍ), ຕາດ ສະມາຮານ (ອິນເດຍ), ກຳ ແພງໃຫຍ່ (ສປ ຈີນ), ອ່າວ ຮາລອງ(ຫວຽດນາມ) ຄຸ້ມ ລະບຽງມໍລະດົກໂລກທີ່ລິມ ມາ, ເປຣູ ແລະ ອີກຫລາຍສິບ ແຫ່ງໃນໂລກ, ຈານແຫຍ່ ຈຶ່ງ ຄິດພໍ້ຄຳເວົ້າຂອງ ດຣ. ຊິບ ພະລາ ແລະ ເຫັນວ່າ ມັນບໍ່ໄດ້ ໂຍກຈັກດີ້.

ນອກຈາກໄດ້ພັກຜ່ອນ ເຕັມອີ່ມແລ້ວ, ຈານແຫຍ່ຍັງ ໄດ້ມີໂອກາດຖາມນ້ອງນຸ່ງ ທີ່ເຮັດ ທຸລະກິດທ່ອງທ່ຽວ ກ່ຽວກັບສະເໜ່ຂອງຫລວງ ພະບາງໃນການດຶງດູດຄົນ ຕ່າງປະເທດ.

ຄຳຕອບມີດັ່ງນີ້: ຫລວງ ພະບາງມີແຫລ່ງທ່ອງທ່ຽວທີ່ຢູ່ເປັນຈຸ້ມ, ແຕ່ລະບ່ອນໃກ້ໆ ກັນໝົດ, ສະດວກ ແລະ ຮັບ ປະກັນການປະຕິບັດຕາຕະ ລາງທ່ອງທ່ຽວ-ແຂກໄປ ທ່ຽວຫລວງພະບາງພຽງ 2 ວັນ ກໍຈະໄປເຫັນຄົບທຸກບ່ອນ. ຕົວຢ່າງຖ້າແຂກໄປ ຮອດ ຫລວງພະບາງໃນຕອນບ່າຍມື້ນີ້ ກໍຈະສາມາດທ່ຽວ ລາຊະ ວັງເກົ່າ, ພູສີ, ວັດຊຽງທອງ ແລະ ຕະຫລາດມືດ, ມື້ຕໍ່ໄປ ຈະທ່ຽວຖ້ຳຕິ່ງ ບ້ານຊ່າງໄຫ, ນ້ຳຕົກຕາດ ບ້ານຜານົມ, ເລາະຕະຫລາດຫລືໄປເບິ່ງຊີວິດປະຊາຊົນຢູ່ບ້ານຊົນເຜົ່າ…ຖ້າເປັນແຂວງອື່ນແນ່ນອນ ການໄປແຫລ່ງທ່ອງທ່ຽວແຕ່ ລະບ່ອນຍ່ອມໃຊ້ເວລາດົນ, ບໍ່ຫລຸດ ເຄິ່ງມື້.ຫລວງພະບາງ ເປັນເມືອງມໍລະດົກໂລກ, ພຽງ ແຕ່ຈຸດດຽວນີ້ກໍເປັນ ພະລັງແມ່ ເຫລັກດຶງດູດນັກທ່ອງທ່ຽວ ໄດ້ແລ້ວ.

ຈານແຫຍ່ເຫັນພ້ອມແຕ່ກໍເບິ່ງອີກແງ່ໜຶ່ງຄືເປົ້າໝາຍສຳຄັນທີ່ສຸດຂອງການດຶງ ດູດລູກຄ້າການທ່ອງທ່ຽວນັ້ນ ຄືຕ້ອງໃຫ້ໄດ້ນັກທ່ອງທ່ຽວ ຄຸນນະພາບ, ດຶງນັກທ່ອງ ທ່ຽວໃຫ້ ຢູ່ດົນ ແລະ ມາທ່ຽວ ຊ້ຳອີກຫລາຍເທື່ອແບບເບື່ອ ບໍ່ເປັນ.
ດັ່ງນັ້ນຫລວງພະບາງ ຄວນມີວິທີດຶງດູດໃຫ້ນັກທ່ອງທ່ຽວຢູ່ດົນ ແລະ ມາຊ້ຳອີກ ບໍ່ແມ່ນມາເທື່ອດຽວແລ້ວບໍ່ ຕ້ອງການມາອີກເພາະ “ເຫັນ ໝົດແລ້ວ”. ເລື່ອງຈະເຮັດ ແນວ ໃດນັ້ນ ຈານແຫຍ່ ກໍພໍ ແນມເຫັນໜໍ່ແໜງແລ້ວເຊັ່ນ ການພັດທະນາສວນທຳມະ ຊາດ, ການບຸກເບີກແຫລ່ງ ທ່ອງທ່ຽວຕາມລຳນ້ຳຂອງ-ນ້ຳຄານ, ການທ່ອງທ່ຽວເພື່ອ ສຶກສາຊີວິດການເປັນຢູ່ຂອງ ຊາວຊົນນະບົດ ແລະ ອື່ນໆ.
ກ່ອນຈົບບົດນີ້ ຈານແຫຍ່ ເຫັນບາງຈຸດທີ່ຕ້ອງໄດ້ປັບ ປຸງເພື່ອເພີ່ມມົນສະເໜ່ການ ທ່ອງທ່ຽວຢູ່ນະຄອນຫລວງ ພະບາງຄື:
1. ປັບປຸງ ຢ່າໃຫ້ລາຄາ ຄ່າບໍລິການ ສຳລັບນັກທ່ອງ ທ່ຽວຕ່າງປະເທດກັບຄົນລາວ ຫລຸດໂຕນກັນໂພດ, ດີທີ່ສຸດ ຕ້ອງເກັບລາຄາດຽວ, ເພາະ ຖ້າເກັບນຳຄົນຕ່າງປະເທດ ແພງກວ່າ, ພວກເຂົາກໍຈະ ເຫັນວ່າ ບໍ່ຍຸຕິທຳ.
2. ຜູ້ຂັບລົດແທ໋ກຊີ, ຕຸກຕຸກ ແລະ ຜູ້ບໍລິການເຮືອ ທ່ອງທ່ຽວຄວນມີເຄື່ອງແບບສະເພາະ.
3. ຄົນນະຄອນຕ້ອງ ເຄັ່ງຄັດລະບຽບກົດໝາຍ ຈານແຫຍ່ ສັງເກດເຫັນວ່າ ຄົນຂັບລົດ ຈັກສ່ວນໃຫຍ່ຍັງ ບໍ່ໃສ່ໝວກກັນກະທົບ. ຕະ ຫລອດ 3 ວັນ ຈານແຫຍ່ ເຫັນ ຄົນຂັບລົດຈັກແບບຊິ້ງ 1 ຄັ້ງ. ເຖິງຈະໜ້ອຍກວ່າຢູ່ວຽງຈັນແຕ່ຢູ່ ຫລວງພະບາງມັນມີ ຄວາມສ່ຽງສູງເພາະນັກທ່ອງທ່ຽວສ່ວນໃຫຍ່ຍ່າງ. ຄວາມ ງາມ, ສະເໜ່ກັບລະບຽບກົດ ໝາຍນັ້ນຕ້ອງສົມຄູູ່ກັນ.
ການໄປນະຄອນຫລວງພະບາງຄັ້ງນີ້ ບໍ່ເສຍຖ້ຽວ, ທັງ ໄດ້ພັກຜ່ອນທັງມີຂໍ້ຄິດໃໝ່ໆ ຢາກໃຫ້ປະເທດພວກເຮົາ ເປັນອັນຍາມະນີແຫ່ງແມ່ນ້ຳຂອງນີ້ແທ້ຈິງສຳລັບນັກ ທ່ອງທ່ຽວ./.

- 30715209 420000245091475 1975936877466746880 n - ເຫັນນະຄອນຫລວງພະບາງ ຄັ້ງທຳອິດໃນຊີວິດ
(ພາບປະກອບ)
- lattana banner 1 - ເຫັນນະຄອນຫລວງພະບາງ ຄັ້ງທຳອິດໃນຊີວິດ
- lattana banner - ເຫັນນະຄອນຫລວງພະບາງ ຄັ້ງທຳອິດໃນຊີວິດ
-    AD conten website - ເຫັນນະຄອນຫລວງພະບາງ ຄັ້ງທຳອິດໃນຊີວິດ
error: Alert: ເນື້ອຫາຂ່າວມີລິຂະສິດ !!