ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່

- 1528088262354 960x0 - ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່
- Untitled design - ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່

ສປປ ​ເກົາຫລີ ປົດ​ທະຫານ​ລະດັບ​ສູງ 3 ທ່ານ​ຈາກ​ຕຳ​ແໜ່​ງ. ນັກວິ​ເຄາະ​ເບິ່ງ​ວ່າ​ເປັນ​ການ​ເປີດ​ທາງ​ໃຫ້​ທະຫານ​ຮຸ່ນ​ໃໝ່​ເຂົ້າມາ​ແທນ ​ເພື່ອ​ເດີນ​ໜ້າ​ນະ​ໂຍບາຍ​ຂອງ​ທ່ານ ກິມ ຈ໋ອງອຸນ ​ເລື່ອງ​ພັດທະນາ​ເສດຖະກິດ ​ແລະ ​ເປີດ​ສູ່​ປະຊາ​ຄົມ​ໂລກ.

ສຳນັກ​ຂ່າວ​ຢອນ​ຮັບ​ຂອງ ສ ​ເກົາຫລີ ລາຍ​ງານ​ວ່າ: ພົນ​ເອກ ​ໂນ ຄວາ​ງ​ເຊ ອາຍຸ 38 ປີ ລັດຖະມົນຕີ​ຊ່ວຍ​ຄົນທີ​ໜຶ່ງກະຊວງ​ກອງທັບ​ປະຊາຊົນ​ຂຶ້ນ​ເປັນ​ລັດຖະມົນຕີ​ກະຊວງ​ກອງທັບ​ປະຊາຊົນ​ແທນ​ ນາຍ​ພົນ ປັກ ຢອງ​ຊິກ ອາຍຸ 68 ປີ, ພົນ​ເອກ ຣີຢົງ​ກິ ອາຍຸ 66 ປີ ຮອງ​ຫົວໜ້າ​ຄະນະ​ເສນາ​ທິການ​ທະຫານ ກັບ​ມາ​ຮັບ​ຕຳ​ແໜ່​ງຫົວໜ້າ​ຄະນະ​ເສນາ​ທິການ​ທະຫານ​ແທນ​ ຮອງ​ຈອມພົນ ຣີ ມອງ​ຊູ ອາຍຸ 84 ປີ. ກ່ອນໜ້າ​ນີ້ ສື່​ທາງ​ການ ສປປ ​ເກົາຫລີ ລາຍ​ງານ​ວ່າ: ພົນ​ເອກ ກິມ ຊູ​ກິ ​ເລຂາທິການ​ໃຫຍ່​ຄະນະ​ກຳມະການ​ພັກ​ແຮງ​ງານ​ພຽງ​ຢາງ ​ໄດ້​ຂຶ້ນ​ເປັນ​ຜູ້ອຳນວຍການ​ສຳນັກງານ​ການ​ເມືອງ​ກອງທັບ​ ​ແທນ​ ນາຍ​ພົນ ກິມ ຈົງ​ກັກ ອາຍຸ 77 ປີ.

ນັກວິ​ເຄາະ​ເບິ່ງ​ວ່າ: ການ​ປ່ຽນ​ນາຍ​ທະຫານ​ລະດັບ​ສູງ​ເປີດ​ທາງ​ໃຫ້​ທ່ານ ກິມ ຈ໋ອງອຸນ ​ແລະ ພັກ​ແຮງ​ງານ ​ເພີ່ມ​ການ​ຄວບ​ຄຸມ​ກອງທັບ​ປະຊາຊົນ​​ເກົາຫລີ ​ໃນ​ໄລຍະ​ຫົວລ້ຽວຫົວ​ຕໍ່​ສຳຄັນ​ຂອງ​ການ​ພັດທະນາ​ປະ​ເທດ ​ແລະ ຕິດ​ຕໍ່​ກັບ​ປະຊາ​ຄົມ​ໂລກ. ນາຍ​ທະຫານ​ທີ່​ໄດ້​ຮັບ​ການ​ປັບ​ຕຳ​ແໜ່​ງ​ໃຫ້​ສູງ​ຂຶ້ນລ້ວນ​ແຕ່​ເປັນ​ຄົນ​ທີ່​ທ່ານ ກິມ ຈ໋ອງອຸນ ​ໄວ້​ວາງ​ໃຈ ​ເພາະ​ກອງທັບ​ມີ​ບົດບາດ​ສຳຄັນ​ຕໍ່​ໂຄງການ​ນິວ​ເຄຼຍ ​ແລະ ລູກ​ສອນ​ໄຟ ບວກ​ກັບ​ທ່ານ ກິມ ຈ໋ອງອຸນ ຕ້ອງການ​ເພີ່ມ​ບົດບາດ​ກອງທັບ​ໃນ​ການ​ດຳ​ເນີນ​ໂຄງການ​ໂຄງ​ລ່າງ​ພື້ນຖານ​ຂອງ​ປະ​ເທດ ​ເພາະ​ທ່ານ​ຄາດ​ວ່າ​ຈະ​ໄດ້​ຮັບ​ການ​ຊ່ວຍ​ເຫລືອ ​ແລະ ການ​ລົງທຶນ​ຈາກ​ປະຊາ​ຄົມ​ໂລກ​ຫລາ​ຍຂຶ້ນ​ໃນລະຫວ່າງ​ການ​ເຈລະຈາ​ເລື່ອງ​ປົດ​ນິວ​ເຄຼຍ ຈຶ່ງ​ຕ້ອງ​ມີ​ການ​ສະກັດ​ການ​ສຸ​ຈະລິດ​ທີ່​ເຄີຍ​ກັດ​ກິນ​ໂຄງການ​ໃນ​ອະດີດ​ມາ​ກ່ອນ​.

- Wave100S AD to Website 2020 0 - ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່
- WhatsApp Image 2020 05 27 at 5 - ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່
- WhatsApp Image 2020 05 27 at 5 - ສປປ ເກົາຫລີ ປົດທະຫານລະດັບສູງ 3 ທ່ານ ຄາດຈະເປີດທາງໃຫ້ທະຫານຮຸ່ນໃໝ່
error: Alert: ເນື້ອຫາຂ່າວມີລິຂະສິດ !!