ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ

- somdi - ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ
- Untitled design - ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ

ການແກ້ໄຂໜີ້ 3 ​ແຈ ທີ່ປະກອບມີ​ລັດຖະບານ, ທະນາຄານ ແລະ ນັກ​ທຸລະ​ກິດ​ໃນບັນດາ​ໂຄງການ​ລົງທຶນ​ຕ່າງ​ໆ​ຂອງ​ລັດຖະບານ, ໄດ້ຮັບການຊັກຖາມຫລາຍຈາກສະມາ​ຊິກ​ສະພາແຫ່ງຊາດ, ຊຶ່ງ​ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນໄດ້ຊີ້ແຈງວ່າ: ສໍາລັບການແກ້ໄຂບັນຫາດັ່ງກ່າວ, ຕ້ອງດໍາເນີນ​ໄປ​ຕາມ​ຂັ້ນ​ຕ້ອນ, ຕາມ​ເງື່ອນ​ໄຂ ແລະ ​ກົນ​ໄກ​ການອວ່າຍ​ໜີ້ໃນລະບົບດັ່ງກ່າວ ແລະ ເພື່ອ​ເຮັດ​ໃຫ້​ຫົວໜ່ວຍທຸລະ​ກິດ ​ແລະ​ທະ​ນາຄາ​ນມີ​ສະພາບ​ຄ່ອງ,​ ທັງ​ເປັນ​ການ​ກະ​ຕຸ້ນ​ເສດຖະກິດ​ໃຫ້​ສືບ​ຕໍ່​ຂະຫຍາຍຕົວຢ່າງ​ຕໍ່​ເນື່ອງ .ຜ່ານ​ການສັງ​ລວມໜີ້​ສິນ​ທີ່​ສອດຄ່ອງ​ກັບ​ເງື່ອນ​ໄຂ​ດັ່ງກ່າວ​ໃນ​ທົ່ວ​ປະ​ເທດຈາກ​ກະຊວງ​ແຜນການ​ ແລະ ​ການ​ລົງທຶນ ​ແລະ ​ທະນາຄານ​ແຫ່ງ​ສປປ ລາວ ​ມີທັງ​ໝົດ 3.250 ​ຕື້​ກີບ, ປັດຈຸບັນ​ ໄດ້​ມີ​ບໍລິສັດທີ່​ໄດ້​ປະຕິບັດ​ມອບ​ພັນ​ທະ​ອາກອນ ​ແລະ ​ປະ​ກອບ​ເອກະສານ​ຄົບ​ຖ້ວນ​ຕາມ​ເງື່ອນ​ໄຂ ​ເພື່ອ​ຂໍ​ຊຳລະ​ລວມທັງ​ໝົດ 3.169 ກວ່າຕື້​ກີບ​ເທົ່າ​ກັບ 97,54% ຂອງ​ແຜນການ. ​ໃນ​ນີ້ ​ໄດ້​ມອບ​ພັນທະບັດ​ສຳ​ເລັດ​ແລ້ວ​ລວມເປັນ​ເງິນ​ທັງ​ໝົດ 2.817 ກວ່າຕື້​ກີບ​ແລະ ​ຍັງ​ບໍ່​ສາມາດ​ອອກ​ພັນທະບັດຍ້ອຍ​ໃຫ້​ທະນາຄານ​ທຸລະ​ກິດຈໍານນໜຶ່ງ ເປັນຕົ້ນແມ່ນທະນາຄານພົງ​ສະຫວັນ, ລາວ-​ຫວຽດ ​ແລະ ​ຮ່ວມ​ພັດທະນາ ຍັງ​ບໍ່​ຍິນ​ຍອມຮັບ​ພັນທະບັດຈຳນວນ 352 ກວ່າຕື້​ກີບ, ສ່ວນ​ບັນດາ​ບໍລິສັດ​ທີ່​ຍັງ​ບໍ່​ທັນ​ປະກອບ​ເອກ​ກະສາ​ນຊຳລະມີ 79 ກວ່າຕື້​ກີບ, ນອກ​ນີ້​ຍັງ​ມີ​ບັນດາ​ໂຄງການ​ທີ່​ຂໍ​ສະ​ເໜີ​ອວ່າຍ​ໜີ້ 3 ​​​ແຈ ​ແຕ່​ບໍ່​ໄດ້​ຮັບ​ການ​ພິຈາລະນາ​ແມ່ນ​ຕິດ​ພັນ​ກັບຫລາຍ​ບັນຫາ ​ເປັນ​ຕົ້ນ:​ ໂຄງການ​ທີ່​ບໍ່​ສອດຄ່ອງ​ກັບ​ເງື່ອນ​ໄຂ​ ແລະ ​ປະກ​ອບ​ເອກະ​ສານ​ເຖິງ​ກະຊວງ​ແຜນການ​ ແລະ ​ການ​ລົງ​ທຶນ ​ບໍ່ທັນ​ຕາມ​ກຳນົດ​ແວ​ລາ.

​ທ່ານລັດຖະມົນຕີກະຊວງການເງິນ ໃຫ້ຮູ້ວ່າ: ສໍາລັບ​ທິດ​ທາງ​ແກ້​ໄຂ​ໃນຕໍ່ໜ້ານີ້, ສະ​ເໜີ​ໃຫ້​ມີ​ມາດ​ຕະການ​​ແກ້​ໄຂ​ຢ່າງ​ຮັດກຸມ​ຕາມ​ໜ້າ​ທີ່​ຄວາມ​ຮັບຜິດຊອບ​ແລະ ​ພາລະ​ບົດ​ບາດ ​ຄື: ​ໃຫ້​ກະຊວງ​​ແຜນການ ​​ແລະ ​ການ​ລົງທຶນ​ເປັນ​ເຈົ້າ​ການຈັດ​ສັນ​ຂອບ​ແຜນ​ງົບປະມານ​ລົງທຶນ​ປະຈຳ​ 5 ປີ​ໃຫ້​ບັນດາ​ຂະ​ແໜງ​ການ​ແລະ ​ທ້​ອງຖິ່ນ ບົນ​ພື້ນຖານ​ຂອບ​ງົບປະມານ​ແຫ່ງ​ລັດ 5 ​ປີທີ່​ສະພາ​ແຫ່ງ​ຊາດ​ໄດ້​ຮັບຮອງ​ຕາມ​ຂອບ​ແຜນ​ງົບປະມານ​ຂອງ​ຕົນ ແລະ ທະນາຄານ​ແຫ່ງ​ສປປ ລາວ ​ເປັນ​ເຈົ້າ​ການ​ຕິດຕາມ ​ແລະ ​ປະ​ເມີນ​ປະສິດ​ທິຜົນ​ໃນ​ການ​ປະກອບ​ສິນ​ເຊື່ອ​ຂອງ​ບັນດາ​ທະນາຄານ​ເພື່ອ​ບໍ່​ໃຫ້​​ເກີ​ດມີໜີ້​ເສຍ.

- Wave100S AD to Website 2020 0 - ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ
- WhatsApp Image 2020 05 27 at 5 - ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ
- WhatsApp Image 2020 05 27 at 5 - ລັດຍອມຮັບການ​ແກ້​ໄຂ​ໜີ້ 3 ​ແຈ ​ຍັງ​ມີຄວາມ​ຫຍຸ້ງ​ຍາກ
error: Alert: ເນື້ອຫາຂ່າວມີລິຂະສິດ !!