ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງ

- Untitled design - ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງ

 

- Crown Plaza 300x169 - ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງພິທີເປີດໂຮງແຮມລະດັບ 5 ຄຣາວພລາຊາວຽງຈັນ (CROWNE PLAZA VIENTIANE) ຢ່າງເປັນທາງການໄດ້ມີຂຶ້ນໃນວັນທີ 27 ເມສານີ້, ໂດຍການໃຫ້ກຽດເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ແລະ ທ່ານ ຫງວຽນ ຊວນ ຟຸກ ນາຍົກລັດຖະມົນຕີແຫ່ງ ສສ ຫວຽດນາມ, ມີບັນດາລັດຖະມົນຕີ, ຄະນະຜູ້ບໍລິຫານບໍລິສັດລົງທຶນກໍ່ສ້າງໂຮງແຮມ ແລະ ແຂກຖືກເຊີນເຂົ້າຮ່ວມເປັນຈໍານວນຫລາຍ.

ທ່ານ ດວ່ານ ກວັກ ຫຽດ (Doan Quoc Huy) ຜູ້ຕາງໜ້າບໍລິສັດ ບີມກລຸບ ກ່າວວ່າ: ໂຮງແຮມ ຄຣາວພລາຊາວຽງຈັນຕັ້ງຢູ່ໃຈກາງນະຄອນຫລວງວຽງຈັນໃກ້ກັບສວນສາທາລະນະເຈົ້າຟ້າງຸ່ມ, ເປັນໂຮງແຮມລະດັບ 5 ດາວຂອງກຸ່ມໂຮງແຮມອິນເຕີຄອນທິເນັນໂທລໂຮເທວ (IHG) ແຫ່ງທຳອິດລາວທີ່ມີຄຸນນະພາບ ແລະ ມີສິ່ງອຳນວຍຄວາມສະດວກຄົບວົງຈອນ ເພື່ອຕອບສະໜອງຄວາມຕ້ອງການຂອງບັນດານັກທຸລະກິດ ແລະ ນັກທ່ອງທ່ຽວທີ່ມາທ່ອງທ່ຽວພັກຜ່ອນ, ເຄື່ອນໄຫວວຽກງານ ແລະ ດໍາເນີນທຸລະກິດຢູ່ລາວ.

ໂຮງແຮມແຫ່ງນີ້ມີມູນຄ່າກໍ່ສ້າງຫລາຍ 78 ລ້ານໂດລາສະຫະລັດ, ສູງ 13 ຊັ້ນ, ມີ 200 ຫ້ງພັກທີ່ຫລູຫລາ ແລະ ມີຄວາມເໝາະສົມແກ່ການຈັດງານປະຊຸມ ຫລື ງານກິດຈະກຳຕ່າງໆດ້ວຍຫ້ອງປະຊຸມທີ່ທັນສະໄໝຂະໜາດໃຫຍ່ ແລະ ຫ້ອງຈັດປະຊຸມສຳມະນາທີ່ມີອຸປະກອນຄົບຊຸດຈໍານວນ 6 ຫ້ອງທີ່ສາມາດປັບແຕ່ງໃຫ້ເໝາະສົມກັບຄວາມຕ້ອງການຂອງປະເພດງານ.

- Wave100S AD to Website 2020 0 - ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງ

ທ່ານ ລີນ ຮາວູດ (Leanne Harwood) ຮອງປະທານຝ່າຍປະຕິບັດການ IHG ເອເຊຍຕາເວັນອອກສຽງໃຕ້ ແລະ ສ.ເກົາຫລີ ກ່າວວ່າ: ພວກເຮົາມີຄວາມຍິນດີທີ່ໄດ້ສະເຫລີມສະຫລອງການເປີດໂຮງແຮມແຫ່ງນີ້ຢູ່ປະເທດທີ່ພວມມີການເຕີບໃຫຍ່ຢ່າງວ່ອງໄວດ້ານເສດຖະກິດໃນພາກພື້ນ, ລາວມີການພັດທະນາຫລາຍດ້ານ ເຊັ່ນການກໍ່ສ້າງປັບປຸງໂຄງລ່າງພື້ນຖານ, ການສົ່ງເສີມການທ່ອງທ່ຽວ ແລະ ດຶງດູດການລົງທຶນຈາກຕ່າງປະເທດເຂົ້າປະເທດໄດ້ເປັນຢ່າງດີ.

ທ່ານ ໂອລີເວີ ຮອນ (Oliver Horn) ຜູ້ຈັດການໃຫຍ່ໂຮງແຮມຄຣາວພລາຊາວຽງຈັນ ກ່າວວ່າ: ສປປ ລາວ ໄດ້ຮັບການຈັບຕາເບິ່ງຫລາຍທີ່ສຸດໃນຖານະຜູ້ນຳພາຈຸດເປົ້າໝາຍດ້ານການທ່ອງທ່ຽວ ແລະ ໂຮງແຮມແຫ່ງນີ້ເປັນໜຶ່ງໃນເຄື່ອງໝາຍການຄ້າດ້ານໂຮງແຮມທີ່ຈະເລີນເຕີບໃຫຍ່ໄວ ແລະ ມີຄວາມໜ້າເຊື່ອຖືໃນທົ່ວໂລກ. ພວກເຮົາໝັ້ນໃຈວ່າປະສົບການທີ່ດີທີ່ສຸດຜ່ານມາຈະສາມາດເຊື່ອມໂຍງລູກຄ້າ ແລະ ແຂກຈາກທົ່ວໂລກມາໃຊ້ບໍລິການກັບພວກເຮົານະຄອນຫລວງວຽງຈັນດິນແດນອັນສວຍງາມແຫ່ງນີ້.

- WhatsApp Image 2020 05 27 at 5 - ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງ
- WhatsApp Image 2020 05 27 at 5 - ເປີດໂຮງແຮມລະດັບ 5 ດາວ ຄລາວພລາຊາວຽງຈັນຢ່າງເປັນທາງ
error: Alert: ເນື້ອຫາຂ່າວມີລິຂະສິດ !!