ມາສເຕີພີສ ກຽມຕີຕະຫລາດລາວ

ມາສເຕີພີສ ກຽມຕີຕະຫລາດລາວ - master piece - ມາສເຕີພີສ ກຽມຕີຕະຫລາດລາວ
ມາສເຕີພີສ ກຽມຕີຕະຫລາດລາວ - Untitled design - ມາສເຕີພີສ ກຽມຕີຕະຫລາດລາວ

ມາສເຕີພີສ ກຽມຕີຕະຫລາດລາວ - master piece - ມາສເຕີພີສ ກຽມຕີຕະຫລາດລາວ

ເມື່ອບໍ່ດົນມານີ້, ປະທານຜູ້ບໍລິຫານບໍລິສັດ ມາສເຕີພີສ ແຫ່ງປະເທດໄທ ທ່ານ ກຣິດ ສິວະລົມ ແລະ ທ່ານນາງ ອໍລະດີ ທີລະກູນ ຫົວໜ້າບໍລິສັດຕົວ ແທນຈໍາໜ່າຍຜະລິດຕະພັນອາຫານເສີມເພື່ອບໍາລຸງສຸຂະພາບຂອງບໍລິສັດ ມາສເຕີພີສ ໄດ້ຮ່ວມກັນຖະແຫລ່ງຂ່າວຕໍ່ສື່ມວນຊົນລາວເພື່ອນໍາສະເໜີຜະລິດຕະພັນອາຫານເສີມ ແລະ ບໍາລຸງສຸຂະພາບຫລາຍກວ່າ 20 ຊະນິດຂອງບໍລິສັດດັ່ງກ່າວ, ຫລັງຈາກຜະລິດຕະພັນສີນຄ້າທັງໝົດໄດ້ຮັບໃບອະນຸຍາດດໍາເນີນທຸລະກິດຈາກກະຊວງອຸດສາຫະກໍາ ແລະ ການຄ້າ ແລະ ໃບຢັ້ງຢືນຈາກກົມອາ ຫານ ແລະ ຢາ ກະຊວງສາທາລະນະສຸກຂອງລາວເປັນທີ່ຮຽບຮ້ອຍ.

ມາສເຕີພີສ ກຽມຕີຕະຫລາດລາວ - evens - ມາສເຕີພີສ ກຽມຕີຕະຫລາດລາວ

ທ່ານ ກຣິດ ສິວະລົມ ກ່າວວ່າ: ກ່ອນໜ້ານີ້, ຜະລິດຕະພັນສີນຄ້າຂອງພວກເຮົາໄດ້ມີການທົດລອງຈໍາໜ່າຍຢູ່ລາວແລ້ວແຕ່ບໍ່ທັນກວ້າງຂວາງ ໂດຍການນໍາເຂົ້າຈາກປະເທດ ແລະ ພາຍຫລັງເຫັນວ່າໄດ້ມີລູກຄ້າຢູ່ລາວນັບມື້ຫລາຍຂຶ້ນ ຍ້ອນຄົນສ່ວນຫລາຍໄດ້ເອົາໃຈໃສ່ເບິ່ງສຸຂະພາບຂອງຕົນເອງຫລາຍຂຶ້ນ, ພວກເຮົາຈຶ່ງຕັດສີນໃຈດໍາເນີນຂັ້ນຕອນຕ່າງໆໃຫ້ຖືດຕ້ອງຕາມລະບຽບກົດໝາຍເພື່ອສາມາດເປີດບໍລິສັດຕົວແທນຈໍາໜ່າຍໃນ ສປປ ລາວຢ່າງເປັນທາງການ ແລະ ເປີດຮັບຕົວແທນຈໍາໜ່າຍພາຍໃນປະເທດໂດຍບໍ່ເສຍຄ່າສະໝັກ, ພ້ອມທັງຕັ້ງເປົ້າຍອດຂາຍໃຫ້ບັນລຸ 12 ຕື້ກີບໃນປີນີ້.

ທ່ານ ກຣິດ ກ່າວວ່າ: ບໍລິສັດຂອງພວກເຮົາດໍາເນີນທຸລະກິດມາໄດ້ 5 ປີ ແລະ ໄດ້ຄົ້ນຄວ້າຜະລິດສີນຄ້າທີ່ມີຄຸນນະພາບລະດັບໂລກ ແລະ ມາດຕະຖານດຽວກັບຢາກວ່າ 20 ຊະນິດ ແລະ ມີບາງຊະນິດຖືກຕີພີມລົງໃນໜັງສື PRD ທີ່ບຸກຄະລາກອນທາງການແພດທົ່ວສະຫະລັດອາເມລິກາໃຊ້ອ້າງອິງໃນການຈ່າຍຢາ. ນອກນີ້, ສ້າງໂອກາດໃນການດໍາເນີນທຸລະກິດແລ້ວ ບໍລິສັດຍັງກຽມເປີດໂຄງສົ່ງຕໍ່ຄວາມຮັກ (Pass The Love Forward) ເພື່ອສະໜັບສະໜູນມູນນິທິຕ່າງໆ ທີ່ສ້າງປະໂຫຍດໃຫ້ກັບເດັກນ້ອຍໃນ ສປປ ລາວ ອີກດ້ວຍ.

ທ່ານນາງ ອໍລະດີ ທີລະກູນ ກ່າວວ່າ: ຂ້າພະເຈົ້າຮູ້ສຶກເປັນກຽດທີ່ບໍລິສັດໄດ້ໃຫ້ຄວາມເຊື້ອໝັ້ນໃນການເປັນຕົວແທນບໍລິສັດຢູ່ລາວຢ່າງຖືກຕ້ອງຕາມລະບຽບກົດໝາຍ ເພາະໃນໄລຍະຜ່ານມາມີຫລາຍຜະລິດຕະພັນທີ່ຈໍາໜ່າຍຢູ່ລາວ ຍັງມີການນໍາເຂົ້າມາຂາຍແບບບໍ່ຖືກຕ້ອງ ແລະ ເກີດຜົນເສຍຫາຍຕໍ່ຜູ້ຊົມໃຊ້ ແລະ ຫວັງວ່າຜະລິດຕະພັນອາຫານເສີມ ແລະ ບໍາລຸງສຸຂະພາບຂອງພວກເຮົາຈະໄດ້ຮັບການຕອບຮັບຈາກສັງຄົມເປັນຢ່າງດີ ແລະ ປະສົບຜົນສໍາເລັດແນ່ນອນ.

ມາສເຕີພີສ ກຽມຕີຕະຫລາດລາວ - Wave100S AD to Website 2020 0 - ມາສເຕີພີສ ກຽມຕີຕະຫລາດລາວ

ທ່ານໃດສົນໃຈເປັນຕົວແທນຈໍາໜ່າຍສາມາດສອບຖາມຂໍ້ມູນເພີ່ມເຕີມທີ່ Facebook: Masterpiece Life Vision Laos.

 

 

ມາສເຕີພີສ ກຽມຕີຕະຫລາດລາວ - WhatsApp Image 2020 05 27 at 5 - ມາສເຕີພີສ ກຽມຕີຕະຫລາດລາວ
ມາສເຕີພີສ ກຽມຕີຕະຫລາດລາວ - WhatsApp Image 2020 05 27 at 5 - ມາສເຕີພີສ ກຽມຕີຕະຫລາດລາວ
error: Alert: ເນື້ອຫາຂ່າວມີລິຂະສິດ !!