6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ

6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ - 35058376 2006490366333523 5179485848919343104 o - 6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ
6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ - Untitled design - 6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ

ທ່ານພັນເອກ ຄໍາແພງ ໄຊຍະລາດ ຫົວໜ້າກົມຕໍາຫລວດສະກັດກັ້ນ ແລະ ຕ້ານຢາເສບຕິດ (ກຕສ) ກົມໃຫຍ່ຕໍາຫລວດກະຊວງປ້ອງກັນຄວາມສະຫງົບ ໃຫ້ຮູ້ວ່າ: ຢາເສບຕິດຍັງແມ່ນສາເຫດຕົ້ນຕໍພາໃຫ້ເກີດປາກົດການຫຍໍ້ທໍ້ໃນສັງຄົມ, ເຮັດໃຫ້ສັງຄົມບໍ່ມີຄວາມສະຫງົບ, ບໍ່ເປັນລະບຽບຮຽບຮ້ອຍ ເຊັ່ນ: ປຸ້ນຈີ້-ຊີງຊັບ, ລັກຊັບ, ຄາດຕະກໍາ ແລະ ອາຊະຍາກໍາອື່ນໆ ແລະ ໃນ 6 ເດືອນຕົ້ນປີນີ້, ເຈົ້າໜ້າທີ່ສາມາດມ້າງຄະດີຢາເສບຕິດໄດ້ທັງໝົດ 1.379 ເລື່ອງ, ກັກຕົວຜູ້ຖືກຫາໄດ້ 1.944 ຄົນ (ຍິງ 240 ຄົນ) ໃນນີ້, ຕ່າງປະເທດ 32 ຄົນ (ຍິງ 5 ຄົນ) ຢຶດຂອງກາງຢາເສບຕິດປະເພດຕ່າງໆໄດ້ເປັນຈໍານວນຫລາຍເຊັ່ນ: ຢາບ້າ 1,7 ລ້ານກວ່າເມັດ, ຢາໄອສ໌ 100 ກວ່າກິໂລ, ເຮໂຣອິນ 70 ກວ່າກິໂລ, ຝິ່ນ 50 ກວ່າກິໂລ, ແປ້ງຝຸ່ນປະສົມຢາເສບຕິດເກືອບ 14 ກິໂລ. ນອກນັ້ນ, ຍັງສາມາດຢຶດລົດໃຫຍ່ໄດ້ 25 ຄັນ, ລົດຈັກ 200 ກວ່າຄັນ, ປືນ 22 ກະບອກ, ລູກປືນ 200 ກວ່າລູກ ແລະ ອື່ນໆ. ພ້ອມທັງພົບເຫັນ ແລະ ຈັບຜູ້ລັກລອບຂົນສົ່ງຢາເສບຕິດທາງໄປສະນີ ແລະ ທາງບໍລິສັດຮັບສົ່ງເຄື່ອງ DHL, EMS ມີທັງສົ່ງເຂົ້າ ແລະ ສົ່ງອອກໄປປະເທດທີສາມຈໍານວນ 15 ຄັ້ງ, ໄດ້ຜູ້ຖືກຫາ ແລະ ຢາເສບຕິດຈໍານວນໜຶ່ງ, ທຽບໃສ່ 6 ເດືອນຕົ້ນປີຂອງປີຜ່ານມາເຫັນວ່າຈໍານວນຄະດີແມ່ນຫລຸດລົງ. ໃນນີ້, ມີຄະດີພົ້ນເດັ່ນຄື: ໃນວັນທີ 4 ມັງກອນ 2018 ເຈົ້າໜ້າທີ່ສາມາດມ້າງຄະດີໄດ້ 1 ເລື່ອງ ຜູ້ຖືກຫາ 2 ຄົນ, ຢຶດເຮໂຣອິນນໍ້າໜັກ 12,6 ກິໂລ, ຢາໄອສ໌ 1 ກິໂລ, ຕໍ່ມາໃນວັນທີ 9 ມັງກອນ 2018 ເຈົ້າໜ້າທີ່ແຂວງບໍລິຄໍາໄຊສາມາດມ້າງໄດ້ 1 ເລື່ອງ, ມີຜູ້ຖືກຫາ 5 ຄົນ ແລະ ສາມາດຢຶດຢາໄອສ໌ນໍ້າໜັກ 50 ກິໂລ ແລະ ໃນວັນທີ 30 ຂອງເດືອນດຽວກັນ, ເຈົ້າໜ້າທີ່ສາມາດມ້າງໄດ້ 1 ເລື່ອງ, ມີຜູ້ຖືກຫາ 3 ຄົນ (ຕ່າງປະເທດ 2 ຄົນ) ພ້ອມຂອງກາງເຮໂຣອິນນໍ້າໜັກ 1 ກິໂລ. ມາໃນວັນທີ 1 ກຸມພາ 2018 ເຈົ້າໜ້າທີ່ແຂວງບໍ່ແກ້ວ ສາມາດມ້າງໄດ້ 1 ເລື່ອງ, ມີຜູ້ຖືກຫາ 1 ຄົນ ຢຶດຢາບ້າ 3 ແສນເມັດ. ນອກນີ້, ໃນເດືອນມີນາ 2018 ຄື: ໃນວັນທີ 2 ເຈົ້າໜ້າທີ່ແຂວງບໍລິຄໍາໄຊ ມ້າງໄດ້ 1 ເລື່ອງ, ມີຜູ້ຖືກຫາ 2 ຄົນ ພ້ອມຂອງກາງຢາບ້າ 84 ພັນເມັດ, ຕໍ່ມາໃນວັນທີ 8 ເຈົ້າໜ້າທີ່ແຂວງອຸດົມໄຊ ສາມາດມ້າງໄດ້ 1 ເລື່ອງ, ມີຜູ້ຖືກຫາ 2 ຄົນ, ພ້ອມຂອງກາງຢາບ້າ 72 ພັນເມັດ, ໃນວັນທີ 12 ເຈົ້າໜ້າທີ່ແຂວງຫລວງນໍ້າທາສາມາດມ້າງໄດ້ 1 ເລື່ອງ, ມີຜູ້ຖືຫາ 1 ຄົນ, ພ້ອມຂອງກາງຢາບ້າ 1 ແສນເມັດ ແລະ ໃນວັນທີ 13 ເຈົ້າໜ້າທີ່ແຂວງຜົ້ງສາລີ ສາມາດມ້າງໄດ້ 1 ເລື່ອງມີຜູ້ຖືກຫາ 3 ຄົນ, ພ້ອມຂອງກາງຢາບ້າ 30 ພັນເມັດ ແລະ ເຮໂຣອິນ 22 ກິໂລ ​ແລະ ​ເຈົ້າໜ້າທີ່ແຂວງອຸດົມ​ໄຊມ້າງ​ໄດ້ 1 ​ເລື່ອງ, ຢຶດຂອງ​ກາງຝິ່ນ 2​3 ກິ​ໂລ, ໃນວັນທີ 19 ມີນາ 2018 ເຈົ້າໜ້າທີ່ແຂວງສາລະ​ວັນມ້າງ​ໄດ້ 1 ​ເລື່ອງ, ມີຜູ້ຖືກ​ຫາ 5 ຄົນ, ພ້ອມ​ຂອງ​ກາງຢາ​ບ້າ 50 ພັນ​ເມັດ ​ແລະ ຢາ​ໄອສ໌ 1 ກິ​ໂລ, ຕົກ​ມາ​ໃນ​ວັນ​ທີ 9 ​ເມສາ 2018 ເຈົ້າໜ້າທີ່ສາມາດມ້າງ​ໄດ້ອີກ 1 ​ເລື່ອງ, ມີ​ຜູ້​ຖື​ຫາ 1 ຄົນພ້ອມຂອງ​ກາງ​ຢາ​ບ້າ 1 ແສນ​ເມັດ.

ຕໍ່ມາ​ໃນ​ວັນ​ທີ 2 ​ເມສາ 2018 ເຈົ້າໜ້າທີ່ແຂວງຫົວພັນ ສາມາດມ້າງ​ໄດ້ 1 ​ເລື່ອງ, ມີ​ຜູ້​ຖືກ​ຫາ 1 ຄົນ, ຢຶດຂອງ​ກາງຢາ​ບ້າ 78 ພັນ​ເມັດ, ຢາ​ໄອສ໌ 40 ກິ​ໂລ ​ແລະ ​ເຮ​ໂຣອິນ 700 ກຣາມ ​ແລະ ​ໃນ​ວັນ​ທີ 25 ​ເມສາ 2018 ເຈົ້າໜ້າທີ່ແຂວງດັ່ງກ່າວກໍສາມາດມ້າງ​ໄດ້ອີກ 1 ​ເລື່ອງ, ມີ​ຜູ້​ຖືກ​ຫາ 2 ຄົນ, ພ້ອມ​ຂອງ​ກາງ​ຢາ​ເຮ​ໂຮ​ອິນ 23 ກວ່າ​ກິ​ໂລ. ນອກ​ນີ້, ​ໃນ​ວັນທີ 3 ມິຖຸນາ ເຈົ້າໜ້າທີ່ແຂວງຫົວພັນ ກໍສາມາດມ້າງ​ໄດ້ຕື່ມອີກ 1 ​ເລື່ອງ ມີ​ຜູ້​ຖືກ​ຫາ 1 ຄົນ, ພ້ອມ​ຂອງ​ກາງ​ຝິ່ນ 11 ກິ​ໂລ.

6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ - Wave100S AD to Website 2020 0 - 6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ
6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ - WhatsApp Image 2020 05 27 at 5 - 6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ
6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ - WhatsApp Image 2020 05 27 at 5 - 6 ເດືອນຕົ້ນປີ ເຈົ້າໜ້າທີ່ມ້າງຄະດີຢາເສບຕິດໄດ້ກວ່າ 1.300 ເລື່ອງ
error: Alert: ເນື້ອຫາຂ່າວມີລິຂະສິດ !!