ຮອງນາຍົກ ສອນໄຊ ສີພັນດອນ ພົບປະໂອ້ລົມຄົນເຊື້ອຊາດລາວ ແລະ ນັກສຶກສາຢູ່ປະເທດຍີ່ປຸ່ນ.

- advert banner 728 90 728x90 - ຮອງນາຍົກ ສອນໄຊ ສີພັນດອນ ພົບປະໂອ້ລົມຄົນເຊື້ອຊາດລາວ ແລະ ນັກສຶກສາຢູ່ປະເທດຍີ່ປຸ່ນ.

ໃນໂອກາດໄ- 161 300x200 - ຮອງນາຍົກ ສອນໄຊ ສີພັນດອນ ພົບປະໂອ້ລົມຄົນເຊື້ອຊາດລາວ ແລະ ນັກສຶກສາຢູ່ປະເທດຍີ່ປຸ່ນ.ປຢ້ຽມຢາມປະເທດຍີ່ປຸ່ນຢ່າງເປັນທາງການຂອງທ່ານຮອງນາຍົກລັດຖະມົນຕີແຫ່ງ ສປປ ລາວ ສອນໄຊ ສີພັນດອນໃນລະຫວ່າງວັນທີ 5-10 ມີນານີ້, ຊຶ່ງທ່ານໄດ້ພົບປະໂອ້ລົມພີ່ນ້ອງຄົນເຊື້ອຊາດລາວ ແລະ ນັກສຶກສາລາວຢູ່ປະເທດດັ່ງກ່າວຫລາຍກວ່າ 50 ຄົນ, ໂດຍໄດ້ແຈ້ງເຫດການສຳຄັນພົ້ນເດັ່ນຢູ່ລາວໃນປີ 2016 ຜ່ານມາ ເປັນຕົ້ນ: ຜົນສຳເລັດກອງປະຊຸມໃຫຍ່

- new3 - ຮອງນາຍົກ ສອນໄຊ ສີພັນດອນ ພົບປະໂອ້ລົມຄົນເຊື້ອຊາດລາວ ແລະ ນັກສຶກສາຢູ່ປະເທດຍີ່ປຸ່ນ.

ຄັ້ງທີ X ຂອງພັກປະຊາຊົນປະຕິວັດລາວ, ຜົນການເລືອກຕັ້ງສະມາຊິກສະພາຊຸດທີ VIII, ການຈັດຕັ້ງຄະນະລັດຖະບານລາວຊຸດທີ VIII ແລະ ຜົນສຳເລັດການເປັນປະທານໝູນວຽນອາຊຽນຄັ້ງທີ 2 ຂອງ ສປປ ລາວ, ພ້ອມທັງຍົກໃຫ້ເຫັນສະພາບການປັບປຸງການບໍລິຫານປະເທດຂອງຄະນະລັດຖະບານຊຸດທີ VIII ເປັນຕົ້ນ: ການແກ້ໄຂບັນຫາສໍ້ລາດບັງຫລວງ, ອອກດຳລັດ 15 ກ່ຽວກັບການຫ້າມຕັດໄມ້ ແລະ ສົ່ງໄມ້ທ່ອນອອກປະເທດ, ບັນຫາທີ່ດິນ, ການດັດປັບລາຄາໄຟຟ້າຈາກ 3 ເປັນ 6 ລະດັບ, ຮັດກຸມການນຳເຂົ້ານ້ຳມັນເຊື້ອໄຟ ແລະ ການແກ້ໄຂປະກົດການຫຍໍ້ທໍ້ຕ່າງໆໃນສັງຄົມ, ເຊິ່ງລັດຖະບານໄດ້ອອກກົດໝາຍຄຸ້ມຄອງສື່ອອນລາຍ, ໂດຍຖືໂອກາດນີ້ແຈ້ງເຕືອນພີ່ນ້ອງຄົນເຊື້ອຊາດ

ລາວ ແລະ ນັກສຶກສາລາວຢູ່ປະເທດຍີ່ປຸ່ນໃຫ້ມີສະຕິລະວັງຕົວ ເພື່ອຮັບເອົາຂໍ້ມູນຂ່າວສານທີ່ຖືກຕ້ອງ. ປັດຈຸບັນ ລັດຖະບານພວມເອົາໃຈໃສ່ໃນການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 8 ເພື່ອນຳພາປະເທດຊາດໃຫ້ຫລຸດພົ້ນອອກຈາກສະຖານະພາບປະເທດດ້ອຍພັດທະນາໃນປີ 2020.

ນອກນັ້ນ, ທ່ານຮອງນາຍົກຍັງໄດ້ຍົກໃຫ້ເຫັນເຖິງສະພາບການພົວພັນຮ່ວມມືສອງຝ່າຍລາວ-ຍີ່ປຸ່ນ ທີ່ເປັນການພົວພັນທີ່ດີມາກວ່າ 6 ທົດສະວັດ, ໂດຍການນຳຂັ້ນສູງ ແລະ ຂະແໜງການຕ່າງໆໄດ້ສືບຕໍ່ແລກປ່ຽນການຢ້ຽມຢາມເຊິ່ງກັນ ແລະ ກັນຢ່າງເປັນປະຈຳ. ພິເສດຜູ້ນຳສອງປະເທດໄດ້ຕົກລົງຍົກລະດັບການພົວພັນຮ່ວມມືແບບຮອບດ້ານເປັນຄູ່ຮ່ວມຍຸດທະສາດ, ສອງປະເທດສະເຫລີມສະຫລອງວັນສ້າງຕັ້ງສາຍພົວພັນການທູດຄົບຮອບ 60 ປີໃນປີ 2015, ການພົວພັນທາງດ້ານເສດຖະກິດລາວ-ຍີ່ປຸ່ນກໍໄດ້ມີການຂະຫຍາຍຕົວຂຶ້ນ.

ປັດຈຸບັນມີນັກທຸລະກິດຍີ່ປຸ່ນເຂົ້າມາລົງທຶນຢູ່ ສປປ ລາວເປັນຈໍານວນຫລາຍຢູ່ໃນອັນດັບ 8 ຂອງການລົງທຶນຕ່າງປະເທດຢູ່ລາວ ແລະ ທີ່ສຳຄັນ ຍີ່ປຸ່ນເປັນປະເທດທີ່ໃຫ້ການຊ່ວຍເຫລືອລ້າ (ODA) ແກ່ລາວເປັນອັນດັບໜຶ່ງ.

ພ້ອມດຽວກັນນັ້ນ, ທ່ານຮອງນາຍົກ ສອນໄຊ ສີພັນດອນ ຍັງໄດ້ຕາງໜ້າໃຫ້ພັກ ແລະ ລັດຖະບານສະແດງຄວາມຍ້ອງຍໍຊົມເຊີຍຕໍ່ພີ່ນ້ອງຄົນເຊື້ອຊາດລາວທີ່ອາໄສຢູ່ຍີ່ປຸ່ນໃນການປະກອບສ່ວນເຂົ້າໃນພັດທະນາເສດຖະກິດ-ສັງຄົມຂອງ ຊາດຕະຫລອດໄລຍະຜ່ານມາ, ໂດຍໄດ້ເນັ້ນເຖິງນະໂຍບາຍຂອງພັກ-ລັດຖະບານ ຍາມໃດກໍຖືສະເໝີວ່າພີ່ນ້ອງຄົນເຊື້ອຊາດລາວທີ່ອາໄສຢູ່ຕ່າງປະເທດແມ່ນວົງຄະນາຍາດແຫ່ງຊາດລາວ, ທັງເປັນກຳລັງແຮງໜຶ່ງໃນການປະກອບສ່ວນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນກ້າວໜ້າ, ເປັນຂົວຕໍ່ໃນການເປີດກວ້າງສາຍພົວພັນມິດຕະພາບ ແລະ ການຮ່ວມມືລະຫວ່າງສປປ ລາວ ແລະ ປະເທດອື່ນໆ.

error: Content is protected !!