ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ

- Fig3 Sohae Upd 18 0723 AIR - ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ
- Untitled design - ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ

ພາບ​ຖ່າຍ​ດາວ​ທຽມຊຸດ​ຫລ້າ​ສຸດ​ເປີດ​ເຜີຍ​ໃຫ້​ເຫັນ​ການ​ເຄື່ອນ​ໄຫວ​ທີ່​ສູນ​ປ່ອຍ​ຈະ​ຫລວດ​ໂຊ​ແຮ​ຂອງ ສປປ ​ເກົາຫລີ ວ່າ​​ເລີ່​ມມີ​ການ​ຮື້ຖອນ ​ແລະ ທຳລາຍ​ສິ່ງ​ປຸກ​ສ້າງ​ທີ່ຢູ​ພາຍ​ໃນ​ບໍລິ​ເວນ​ນັ້ນ​ແລ້ວ.

- Wave100S AD to Website 2020 0 - ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ​ເວັບ​ໄຊ 38north.org ​ເປີດ​ເຜີຍ​ພາບ​ຖ່າຍ​ດາວ​ທຽມ​ລະບຸ​ວັນ​ທີ 22 ກໍລະກົດ​ວ່າ: ສປປ ​ເກົາຫລີ ​ເລີ່​ມດຳ​ເນີນ​ການ​ຮື້ຖອນ ​ແລະ ທຳລາຍ​ສິ່ງ​ປຸກ​ສ້າງ​ພາຍ​ໃນ​ສະຖານີ​ອະວະກາດ​ໂຊ​ແຮ ທີ່​ຕັ້ງຢູ່​ທາງ​ຕາ​ເວັນ​ຕົກ​ສຽງ​ເໜືອ​ຂອງ​ປະ​ເທດ ​ໂດຍ​ນັບ​ແຕ່​ສູນ​ໂຊ​ແຮ​ເປີດ​ດຳ​ເນີນ​ການ​ໃນ​ປີ 2012 ລັດຖະບານ​ພຽງ​ຢາງ​ໃຊ້​ສະຖານ​ທີ່​ແຫ່ງ​ນີ້​ທົດ​ລອງ​ເຄື່ອງ​ຈັກ​ຈະ​ຫລວດ, ພັດທະນາ​ເຊື້ອ​ໄຟ​ເຫ​ລວສຳລັບ​ເຄື່ອງ​ຈັກ​ຈະ​ຫລວດ ​ແລະ ​ໃຊ້​ເປັນ​ຖານ​ປ່ອຍ​ຈະ​ຫລວດ​ສູ່​ຊັ້ນບັນຍາກາດ​ໂລກ​ມາ​ແລ້ວ​ຫລາຍ​ຄັ້ງ.

ຖ້າ​ການ​ເຄື່ອນ​ໄຫວ​ດັ່ງກ່າວ​ເປັນຄວາມ​ຈິງ ຈະ​ຖື​ເປັນ​ອີກ​ໜຶ່ງການ​ພັດທະນາ​ສຳຄັນ​ຂອງ ສປປ ​ເກົາຫລີ ​ໃນ​ການ​ເຂົ້າສູ່​ຂະ​ບວນການ​ປົດ​ອາວຸດ​ນິວ​ເຄຼຍ ​ເຊິ່ງ​ເປັນ​ການ​ຕໍ່​ຍອດ​ຈາກ​ກອງ​ປະຊຸມ​ຮ່ວມ​ກັນ​ລະຫວ່າງ ທ່ານ ກິມ ຈ໋ອງອຸນ ຜູ້ນຳ​ສູງ​ສຸດ​ຄົນ​ປັດຈຸບັນ ກັບ​ປະທານາທິບໍດີ ​ໂດນ​ັລ ທຣຳ ຜູ້ນຳ​ອາ​ເມ​ລິ​ກາ ທີ່​ປະ​ເທດ​ສິງກະ​ໂປ ​ໃນ​ວັນ​ທີ 12 ມິຖຸນາ​ຜ່ານ​ມາ.

​ໃນ​ເວລາ​ດຽວ​ກັນ, ກະຊວງ​ປ້ອງ​ກັນ​ຄວາມ​ສະຫງົບ ສ.​ເກົາຫລີ ​ຍື່ນ​ລາຍ​ງານ​ຕໍ່​ຄະນະ​ກຳ​ມາ​ທິການ​ປ້ອງ​ກັນ​ຄວາມ​ສະຫງົບ​ຂອງ​ສະພາ​ນິຕິບັນຍັດ​ແຫ່ງ​ຊາດ ສະ​ເໜີ​ຮ່າງ​ແຜນການ​ຖອນ​ກຳລັງ​ເຈົ້າໜ້າ​ທີ່ ​ແລະ ສັບ​ພາ​ວຸດ​ບາງ​ສ່ວນ​ອອກ​ຈາກ​ຖານ​ປະຈຳການ​ຕາມ​ເຂດ​ປອດ​ທະຫານ (DMC), ​ເຖິງ​ວ່າ​ແຜນການ​ດັ່ງກ່າວ​ຍັງ​ຖື​ເປັນ “ການ​ທົດ​ລອງ” ​ແຕ່​ສາມາດ​ນຳ​ໄປ​ສູ່​ການ​ຖອນ​ກຳລັງ “ຢ່າງ​ເຕັມ​ລະບົບ” ​ໄດ້​ໃນ​ອະນາຄົດ ​ເພື່ອ​ໃຫ້​​ເປ​ັນ​ໄປ​ຕາມ​ແນວທາງ​ຂອງ​ປະລິນຍາ​ປານ​ມູນ​ຈອມ ​ເຊິ່ງປະທານາທິບໍດີ ມຸນ ​ແຈ​ອິນ ຜູ້ນຳ ສ.​ເກົາຫລີ ​ແລະ ທ່ານ ກິມ ຈ໋ອງອຸນ ລົງ​ນາມ​ຮ່ວມ​ກັນ ​ໃນ​ວັນ​ທີ 27 ​ເມສາ​ຜ່ານ​ມາວ່າ: ຕ້ອງການ​ປ່ຽນ​ສະພາບ DMC ​ໃຫ້​ເປັນ “​ເຂດ​ສັນຕິພາບ”.

- WhatsApp Image 2020 05 27 at 5 - ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ
- WhatsApp Image 2020 05 27 at 5 - ສປປ ເກົາຫລີ ເລີ່ມຮື້ຖອນສິ່ງປຸກສ້າງ ໃນສູນອະວະກາດໂຊແຮ
error: Alert: ເນື້ອຫາຂ່າວມີລິຂະສິດ !!