ຫລາຍປະເທດກຳລັງຜະເຊີນ ໄພພິບັດທາງທຳມະຊາດ

- advert banner 728 90 728x90 - ຫລາຍປະເທດກຳລັງຜະເຊີນ ໄພພິບັດທາງທຳມະຊາດ

ປັດຈຸບັນຫລາຍ​ປະ​ເທດ​ກຳລັງ​ຜະ​ເຊີນ​ກັບ​ໄພພິບັດ​ທາງ​ທຳ​ມະ​ຊາດ​ຢ່າງ​ໜັກ ທັງ​ຝົນຕົກ​ໜັກ, ນ້ຳຖ້ວມ ຫລື ​ໄຟ​ໄໝ້​ປ່າ​ຮຸນ​ແຮງ ທີ່​ຍັງ​ບໍ່​ສາມາດ​ຄວບ​ຄຸມ​ສະຖານະ​ການ​ໄດ້.

- w644 - ຫລາຍປະເທດກຳລັງຜະເຊີນ ໄພພິບັດທາງທຳມະຊາດ

​ໄຕ້​ຝຸ່ນ​ຊົງ​ດາຣີກຳລັງ​ພັດ​ຖະຫລົ່ມ​ເຂດ​ຄິວ​ຊູ​ທາງ​ຕາ​ເວັນ​ຕົກ​ສຽງ​ໃຕ້​ຂອງ​ຍີ່ປຸ່ນ​ຫລັງ​ພັດ​ຂຶ້ນຝັ່ງ​ຮອບ​ສອງ​ໃນ​ແຂວງ​ຟຸກຸ​ໂອະ​ໃນ​ເຊົ້າວັນ​ທີ 29 ກໍລະກົດ ​ແລະ ປັດຈຸບັນ​ພາຍຸ​ກຳລັງ​ເຄື່ອນ​ທີ່​ລົງ​ໄປ​ທາງ​ພາກ​ໃຕ້​ ​ເຮັດ​ໃຫ້​ຫລາຍພື້ນທີ່​ມີ​ຝົນຕົກ​ໜັກ​ຕໍ່​ໄປຈົນ​ເຖິງ​ວັນ​ທີ 31 ກໍລະກົດ. ທາງ​ການ​ມີ​ຄຳ​ເຕືອນ​ໃຫ້​ປະຊາຊົນ​ກຽມພ້ອມ​ຮັບ​ມື​ກັບ​ສະຖານະ​ການ​ດິນ​ເຈື່ອນ, ນ້ຳລົ້ນຕາ​ຝັ່ງ ​ແລະ ນ້ຳຖ້ວມ​ໃນ​ພື້ນທີ່​ຕໍ່າ ລວມທັງ​ກະ​ແສ​ຄື້ນລົມ​ແຮງ ​ແລະ ຄື້ນສູງ​ພັດ​ແຄ​ມຝັ່ງ, ຈາກ​ນັ້ນຄາດ​ວ່າ​ພາຍຸ​ຈະ​ອ່ອນ​ກຳລັງ​ລົງ ​ແລະ ສະຫລາຍ​ຕົວ​ນອກ​ຊາຍ​ຝັ່ງ​ເກາະ​ຄິວ​ຊູ.

ສ່ວນ​ຢູ່​ມຽນມາ​ເວລາ​ນີ້​ຫລາຍ​ພື້ນທີ່​ທົ່ວ​ປະ​ເທດ​ມີ​ຝົນຕົກ​ໜັກ​ຕິດ​ຕໍ່​ກັນ​ຫລາຍ​ວັນ ​ເຮັດ​ໃຫ້​ເກີດ​ນ້ຳຖ້ວມ​ເປັນ​ບໍລິ​ເວນ​ກວ້າງ ​ແລະ ມີ​ຜູ້​ເສຍ​ຊີວິດ​ແລ້ວ​ຢ່າງ​ໜ້ອຍ 10 ຄົນ. ​ໄພພິບັດ​ໃນ​ຄັ້ງນີ້​ມີ​ປະຊາຊົນ​ໄດ້​ຮັບ​ຄວາມ​ເດືອດຮ້ອນ​ຫລາຍ​ກວ່າ 54.000 ຄົນ ບາງ​ຈຸດ​ມີນ້ຳຖ້ວມ​ສູງ​ຈົນ​ເຖິງ​ຫລັງຄາ​ເຮືອນ, ​ເນື້ອທີ່​ກະສິກຳ​ຕ້ອງ​ຈົມ​ຢູ່​ໃຕ້​ນ້ຳ, ທາງ​ການ​ໄດ້​ເປີດ​ສູນ​ພັກ​ຊົ່ວ​ຄາວ​ 163 ​ແຫ່ງ​ທົ່ວ​ປະ​ເທດ ​ເພື່ອ​ໃຫ້ການ​ຊ່ວຍ​ເຫລືອຜູ້​ປະສົບ​ໄພ.

- lattana 1 - ຫລາຍປະເທດກຳລັງຜະເຊີນ ໄພພິບັດທາງທຳມະຊາດ
- 1 1 - ຫລາຍປະເທດກຳລັງຜະເຊີນ ໄພພິບັດທາງທຳມະຊາດ

- 180727 gma carr hpMain 16x9 992 - ຫລາຍປະເທດກຳລັງຜະເຊີນ ໄພພິບັດທາງທຳມະຊາດ

ຂະນະ​ດຽວ​ກັນຢູ່​ລັດ​ແຄ​ລິ​ຟໍ​ເນຍຕອນ​ເໜືອ​ຂອງ​ອາ​ເມ​ລິ​ກາ​ ກຳລັງ​ຜະ​ເຊີນ​ກັບ​ສະຖານະ​ການ​ໄຟ​ໄໝ້​ປ່າ​ຄັ້ງຮຸນ​ແຮງ, ຫລ້າ​ສຸດ​ມີ​ຜູ້​ເສຍ​ຊີວິດ​ແລ້ວ 6 ຄົນ, ບ້ານ​ເຮືອນ​ຖືກ​ໄຟ​ໄໝ້ 500 ກວ່າ​ຫລັງ, ຫລັງ​ຈາກ​ໄຟ​ໄໝ້​ປ່າ​ໄດ້​ເລີ່​ມຂຶ້ນ​ໃນ​ວັນ​ທີ 23 ກໍລະກົດ ມີ​ເນື້ອທີ່​ຖືກ​ໄຟ​ໄໝ້​ແລ້ວ​ຫລາຍ​ກວ່າ 2 ​ແສນ 2 ໝື່ນ​ໄລ່. ຈົນ​ເຖິງ​ປັດຈຸບັນ​ຍັງ​ບໍ່​ສາມາດ​ຄວບ​ຄຸມ​ໄຟ​ໄໝ້​ປ່າ​ໄດ້, ປະທານາທິບໍດີ ​ໂດ​ນັລ ທຣຳ ຕ້ອງ​ປະກາດ​ສະຖານະ​ການ​ສຸກ​ເສີນ ​ເພື່ອ​ໃຫ້ການ​ຈັດ​ສັນ​ງົບປະມານ​ເປັນ​ໄປ​ຢ່າງ​ທ່ວງທັນ.

ສ່ວນ​ເຫດ​ໄຟ​ໄໝ້​ປ່າ​ທີ່​ເກີດ​ຂຶ້ນບໍລິ​ເວນ​ພື້ນທີ່​​ແຄມ​ຝ່ັ່ງ​ເບື້ອງຕາ​ເວັນ​ອອກ​ຂອງ​ນະຄອນຫລວງ​ເອ​ເທ​ນ ​ໄລຍະ 6 ວັນ​ຜ່ານ​ມາ ​ເພີ່ມ​ຂຶ້ນ​ເປັນ 91 ຄົນ​ແລ້ວ, ສູນ​ຫາຍ​ອີກ 25 ຄົນ ຖື​ເປັນ​ເຫດ​ໄຟ​ໄໝ້​ປ່າ​ຄັ້ງຮຸນ​ແຮງ​ທີ່​ສຸດ​ຂອງ​ເກຣັກ​ໃນ​ຮອບ 100 ກວ່າ​ປີ. ຂະນະ​ທີ່​ຜູ້ນຳ​ເກຣັກລະບຸ​ກ່ອນ​ໜ້າ​ນີ້​ວ່າ: ​ໄຟ​ໄໝ້​ປ່າ​ທີ່​ເກີດ​ຂຶ້ນ​ເປັນ​ການວາງ​ໄຟ ​ແລະ ຈະ​ຫາ​ທາງ​ປ້ອງ​ກັນ​ບໍ່​ໃຫ້​ເກີດ​ເຫດ​ຊ້ຳຮອຍ​ຂຶ້ນອີກ.

error: Content is protected !!