ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

- advert banner 728 90 728x90 - ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

ເມື່ອທ້າຍອາທິດຜ່ານ ມາ, ທີ່ສູນການຄ້າລາວ- ໄອ ເຕັກ, ສຶກສາທິການ ແລະ ກິລາ ນະຄອນຫຼວງວຽງຈັນ, ໄດ້ມີພິທີສະຫຼຸບຜົນການ ສອບເສັງຈົບຊັ້ນມັດທະຍົມສຶກສາຕອນຕົ້ນ (ມ4), ຕອນປາຍ (ມ7) ແລະ ຜົນການສອບເສັງນັກຮຽນ ເກັ່ງລະດັບຊາດ ທົ່ວນະຄອນ ຫຼວງວຽງຈັນ ປະຈຳສົກ ຮຽນ 2017-2018, ໂດຍ ການເຂົ້າຮ່ວມຂອງ ທ່ານ ສີຫຸນ ສິດທິລືໄຊ ຮອງເຈົ້າ ຄອງນະຄອນຫຼວງວຽງຈັນ, ມີທ່ານຫົວໜ້າກົມສາມັນ ສຶກສາ, ຫົວໜ້າພະແນກ ສຶກສາທິການ ແລະ ກິລາ ນະຄອນຫຼວງວຽງຈັນ, ພ້ອມ ດ້ວຍຄູ-ອາຈານ ແລະ ນ້ອງ ນັກຮຽນເຂົ້າຮ່ວມເປັນຈໍາ ນວນຫຼາຍ.

- new3 - ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

 

- 85221 - ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

 

ແຂວງວຽງຈັນ ຈັດສອບເສັງຈົບຊັ້ນ ມ7

ສຶກສາແຂວງອຸດົມໄຊກຽມສອບເສັງພາກຮຽນທີ 2 ສຳລັບສາຍສາມັນສຶກສາ

ໃນໂອກາດນີ້, ທ່ານ ຊົມພູ ແກ້ວປັນຍາ ຫົວໜ້າ ພະແນກ ສຶກສາທິການ ແລະ ກິລາ ນະຄອນຫຼວງວຽງຈັນ ກ່າວວ່າ: ທົ່ວນະຄອນຫຼວງ ວຽງຈັນມີໂຮງຮຽນມັດທະ ຍົມຕອນຕົ້ນ ແລະ ຕອນ ປາຍທັງໝົດ 165 ແຫ່ງ, ພາກເອກະຊົນມີ 63 ແຫ່ງ, ມີນັກຮຽນ 79.662 ຄົນ, ຍິງ 40.380 ຄົນ, ໃນນັ້ນ ນັກຮຽນ ມ4 ມີ 10.403 ຄົນ, ຍິງ 5.255 ຄົນ, ມີໜ້າ ສອບເສັງຕົວຈິງ 10.363 ຄົນ, ຍິງ 5.252 ຄົນ, ແບ່ງ ເປັນ 28 ສູນສອບເສັງ, ເຊິ່ງ ສອບ ເສັງໃນ 6 ວິຊາຄື: ວິຊາ ຄະນິດສາດ, ພາສາລາວ- ວັນນະຄະດີ, ວິທະຍາສາດ ທຳມະຊາດ, ວິທະຍາສາດ ສັງຄົມ, ສຶກສາພົນລະເມືອງ ແລະ ພາສາອັງກິດ. ເຊິ່ງໄດ້ ຈັດການສອບ ເສັງຂຶ້ນໃນ ລະຫວ່າງວັນທີ 12-14 ມິຖຸ ນາ 2018 ແລະ ສອບເສັງ ຄືນໃຫ້ນັກຮຽນທີ່ຂາດມີ ເຫດ ຜົນໃນວັນ ທີ 19-20 ມິຖຸນາ 2018, ສາມາດບັນລຸໄດ້ 98,95%, ໃນນັ້ນເກັ່ງຮອບ ດ້ານມີ 498 ຄົນ ເທົ່າກັບ 4,81% ແລະ ເສັງໄດ້ປະກາ ສະນິຍະບັດແດງ ຈຳນວນ 2 ຄົນ, ຍິງ 1, ຊາຍ 1, ໂຮງ ຮຽນທີ່ເສັງໄດ້100% ມີ 129 ແຫ່ງທຽບໃສ່ປີຜ່ານ ມາເພີ່ມຂຶ້ນ 29 ແຫ່ງ.

- lattana 1 - ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

ສ່ວນຊັ້ນ ມ7 ມີ 10.619 ຄົນ, ຍິງ 5.396 ຄົນ, ມີໜ້າສອບເສັງຕົວຈິງ 10.605 ຄົນ, ຍິງ 5.378 ຄົນ, ແບ່ງເປັນ 22 ສູນສອບ ເສັງ, ໃນ 4 ວິຊາຄື: ວິຊາ ຄະນິດສາດ, ຊິວະສາດ, ພາສາລາວ-ວັນນະຄະດີ ແລະ ສຶກສາພົນລະເມືອງ, ໂດຍ ໄດ້ຈັດຂຶ້ນໃນລະຫວ່າງ ວັນທີ 19-20 ມິຖຸນາ 2018 ເສັງໄດ້ 98,08%, ໃນນັ້ນ, ເສັງໄດ້ຄະແນນ 7 ທຸກວິຊາຂຶ້ນໄປມີ 89 ຄົນ, ຍິງ 32 ຄົນ ແລະ ສອບເສັງ ໄດ້ ຄະແນນ 7 ຂຶ້ນໄປທຸກ ວິຊາ ມີ 839 ຄົນ, ຍິງ 534 ຄົນເທົ່າກັບ 7,91%, ເສັງ ໄດ້ປະກາສະນິຍະບັດແດງ ມີ 4 ຄົນເປັນຍິງໝົດ, ໂຮງ ຮຽນທີ່ເສັງໄດ້ 100% ມີ 68 ແຫ່ງທຽບໃສ່ປີຜ່ານ ມາເພີ່ມຂຶ້ນ 4 ແຫ່ງ.

ໃນໂອກາດດຽວກັນ, ພະ ແນກສຶກສາທິການ ແລະ ກິລານະຄອນຫຼວງວຽງຈັນ ຍັງໄດ້ມອບລາງວັນໃຫ້ແກ່ ນ້ອງນັກຮຽນເກັ່ງລະດັບຊາດ ທີ່ເຂົ້າຮ່ວມແຂ່ງຂັນນັກຮຽນ ເກັ່ງທົ່ວປະເທດຈຳນວນ 8 ຄົນ ທີ່ສາມາດຍາດໄດ້ລາງ ວັນຊະນະເລີດຄື: ຂັ້ນ ມ4 ອັນດັບ 1 ຈຳນວນ 2 ຄົນຄື: ວິຊາຟີຊິກສາດ ແລະ ເຄມີ ສາດ; ຂັ້ນ ມ7 ລາງວັນຊະ ນະເລີດ ອັນດັບ 1 ໄດ້ແກ່ ວິ ຊາເຄມີສາດ, ອັນດັບ 2 ຈຳ ນວນ 1 ນ້ອງ ໄດ້ແກ່ວິຊາພາ ສາລາວ-ວັນນະຄະດີ ແລະ ອັນດັບ 3 ຈຳນວນ 1 ນ້ອງ ໄດ້ແກ້ວິຊາຄະນິດສາດ, ດັ່ງ ນັ້ນພະແນກສຶກສາທິການ ແລະ ກິລາ ຈິ່ງໄດ້ມອບໃບ ຍ້ອງຍໍ ແລະ ລາງວັນ ພ້ອມ ທຶນການສຶກສາ 3 ລ້ານກີບ, 2 ລ້ານກີບ ແລະ 1 ລ້ານກີບ ຕາມລໍາດັບ.

ໃນໂອກາດນີ້, ທ່ານ ສີຫຸນ ສິດທິລືໄຊ ໄດ້ສະແດງ ຍ້ອງຍໍຊົມເຊີຍມາຍັງຂະ ແໜງການສຶກສາຕະຫຼອດ ເຖິງຜູ້ປົກຄອງນັກຮຽນທີ່ໄດ້ໃຫ້ການສະໜັບສະໝູນຊ່ວຍເຫຼືອ ແລະ ຄູ-ອາຈານ ແລະ ນັກຮຽນທຸກຄົນທີ່ໄດ້ຕັ້ງ ໜ້າປະຕິບັດໜ້າທີ່ຂອງຕົນ ດ້ວຍຄວາມຮັບຜິດຊອບ ແລະ ປະສົບຜົນສຳເລັດເປັນ ຢ່າງດີ.

- 6511 - ສຶກສາ-ກິລານະຄອນຫລວງສະຫລຸບບັ້ນສອບເສັງ ຈົບຊັ້ນ ມ4-ມ7

error: Content is protected !!