ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື

- 38164231 849615508582357 1553442821459935232 n - ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື
- Untitled design - ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື

​       ນໍ້າໃຈນັກເຕະຍັງບໍ່ເຫືອດແຫ້ງ ສະໂມສອນລາວ​​ໂຕ​ໂຢຕ້າ ​ລະດົມ​ທຶນ​ຊ່ວຍ​ເຫລືອ​ອັດ​ຕະປື ໃນ​ວັນ​ທີ 31 ກໍລະ​ກົດ​ຜ່ານ​ມາ ທີ່​ສູນ​ການຄ້າ​ວຽງ​ຈັນ ​ເຊັນ​ເຕີ ສະ​ໂມ​ສອນ ລາວ​ໂຕ​ໂຢຕ້າ ​ເອັຟຊີ ​ແຊ້ມລາວ​ພຣີ​ເມຍ​ລີກ 2018 ​ ນໍາ​ໂດຍ ທ່ານ ​ໂພ​ແກ້ວ ພິລາ​ພັນ​ເດຊ ຜູ້​ຈັດການ​ທີ​ມສະ​ໂມ​ສອນ​ ພ້ອມ​ດ້ວຍ​ນັກ​ກິ​ລາ​ທັງໝົດ​ເຂົ້າຮ່ວມ.

ສະ​ໂມ​ສອນ​ລາວ​​ໂຕ​​ໂຢຕ້າ ຖືວ່າ​ເປັນສະ​ໂມ​ສອນ​ໜຶ່ງ​ທີ່​ເປັນ​ແບບຢ່າງ​ໃນ​ວົງ​ການ​ກິລາ​ບານ​ເຕະ ​ເຊິ່ງ​ໄດ້​ຈັດ​ກິດຈະ​ກໍາ​ດີໆ​ເພື່ອ​ຊ່ວຍ​ເຫລືອ​ຜູ້​ປະສົບ​ໄພພິບັດນໍ້າ​ຖ້ວມ ທີ່​ແຂວງ​ອັດ​ຕະປື ​ເຊິ່ງກິດຈະ​ກໍາ​ຄັ້ງ​ນີ້​ມີ​ຫລາກ​ຫລາຍ​ລາຍການ​ ​ເພື່ອ​ໃຫ້​ຜູ້​ເຂົ້າມາ​ທ່ຽວ​ຊົມ​ວຽງ​ຈັນ​ເຊັນ​ເຕີ​ໄດ້​ມີ​ສ່ວນ​ຮ່ວມ​ໃນ​ກາ​ນຊ່ວຍ​ເຫລືອ​ພີ່ນ້ອງ​ລາວທີ່​ກໍາລັງ​ປະສົບ​ໄພ​ດັ່ງກ່າວ. ສໍາລັບ​ການ​ລະດົມ​ທຶນ​ຄັ້ງ​ນີ້​ຍອດ​ລວມທັງ​ໝົດ 2 ລ້ານ​ກວ່າ​ກີບ​ ​ເຊິ່ງລາຍ​ໄດ້​ທັງ​ໝົດ​ຈະ​ສົ່ງ​ໄປ​ມອບ​ໃຫ້​ແກ່​ຜູ້​ປະສົບ​ໄພ.

ນອກຈາກ​ນັ້ນ, ທ້າວ ຄາ​ຊູ ​ໂຮມ​ມະ ​ນັກ​ເຕະ​ສະ​ໂມ​ສອນ ​ລາວ​​ໂຕ​ໂຢຕ້າ ​ເອັຟຊີ ຍັງ​ໄດ້​ປະມູນ​ເສື້ອ​ຂອງ​ຕົນ​ເອງ​ທີ່​ໃຊ້​ລົງ​ແຂ່ງຂັນ​​ເປ​ບຊີ​ລາວ ພຣີ​ເມ​ຍລີກ 2018 ​ແຕ່​ລະ​ຄັ້ງ ​ເພື່ອ​ນໍາ​ລາຍ​ໄດ້​ສົມທົບຊ່ວຍ​ຜູ້​ປະສົບ​ໄພ​ພິບັດ​ນໍ້າ​ຖ້ວມ ​ເຊິ່ງລາຄາ​​ເລີ່​ມຕົ້ນ 150.000 ກີບ ​ໂດຍ​ເລີ່​ມປະມູນ​ແຕ່​ວັນ​ທີ 29 ກໍລະກົດ​ຜ່ານ​ມາ ​ແລະ ຈະ​ປິດ​ປະມູນ​ໃນ​ວັນ​ທີ 4 ສິງຫານີ້. ດັ່ງ​ນັ້ນ ​ຖ້າ​ທ່ານ​ໃດສົນ​ໃຈ​ການ​ປະມູນ​ດັ່ງກ່າວ ສາມາດ​ຕິດຕາມ​ໄດ້​ໃນ​ເພສ LAO TOYOTA FC.

- Wave100S AD to Website 2020 0 - ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື
- WhatsApp Image 2020 05 27 at 5 - ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື
- WhatsApp Image 2020 05 27 at 5 - ນໍ້າໃຈນັກເຕະຍັງບໍ່ເຫືອດແຫ້ງ ລາວໂຕໂຢຕ້າ ລະດົມທຶນຊ່ວຍເຫລືອອັດຕະປື
error: Alert: ເນື້ອຫາຂ່າວມີລິຂະສິດ !!