ລາວໂຕໂຢຕ້າ ບັນລຸເປົ້າໝາຍປ້ອງກັນ ແຊ້ມລາວພຣີເມຍລີກ ເປັນຄັ້ງທຳອິດ

- advert banner 728 90 728x90 - ລາວໂຕໂຢຕ້າ ບັນລຸເປົ້າໝາຍປ້ອງກັນ ແຊ້ມລາວພຣີເມຍລີກ ເປັນຄັ້ງທຳອິດ

​ວັນ​ທີ 4 ສິງຫາ​ຜ່ານ​ມາ ນັດສົ່ງທ້າຍ ລາວພຣີເມຍລີກ 2018 ແຊ້ມເກົ່າ ລາວໂຕໂຢຕ້າ ໄລ່ຕ້ອນເອົາຊະນະ ກະຊວງປ້ອງກັນຄວາມສະຫງົບ (ປກສ ເອັຟຊີ) 3-1 ຈາກ ສົມສະຫວາດ ສໍພາບມີໄຊ, ເກດສະດາ ສຸກສະຫວັນ ແລະ ເຟດດູຣິກ ປູດ້າ. ເກັບໄຊເປັນນັດທີ 11 ຈາກທັງຫມົດ 14 ນັດ, ສ່ວນທີ່ເຫລືອ ສະເໜີ 1 ເສຍ 2 ຍິງໄດ້ 47 ປະຕູ ເສຍ 11 ປະຕູ, ຍິງປະຕູຫລາຍກວ່າທຸກທີມ ແລະ ເສຍປະຕູໜ້ອຍກວ່າທຸກທີມໃນ ລາວພຣີເມຍລີກປີນີ້ ປ້ອງກັນແຊ້ມລາວພຣີເມຍລີກ ເປັນຄັ້ງທຳອິດ ແລະ ຄວ້າແຊ້ມເປັນສະໄຫມທີ 3 ຕໍ່ຈາກປີ 2015 ແລະ 2017 ຮັບຂັນແຊ້ມ ພ້ອມເງິນລາງວັນ 300 ລ້ານກີບ ຄວ້າສິດໄປຫລິ້ນ ເອເອັຟຊີ ຄັບ 2019 ຮອບແບ່ງກຸ່ມ ແລະ ແມ່ຂອງຄັບ 2018.

ຄາຊູໂອະ ໂຮມມະ ຫົວຫນ້າທີມ ໄວ 38 ປີ ກອງຫນ້າຊາວຍີ່ປຸ່ນ ຄວ້າລາງງວັນດາວຍິງສູງສຸດເປັນປີທີ 3 ຈາກ 4 ປີ ທີ່ມາຢູ່ກັບ ລາວໂຕໂຢຕ້າ ດ້ວຍຈຳນວນ 21 ປະຕູ (ແຕ່ລະປີຍິງບໍ່ຕໍ່າກວ່າ 20 ປະຕູ), ອັນດັບທີ 2 ເປັນຂອງ ປກສ ເອັຟຊີ ອະດີດແຊ້ມ 1 ສະໄຫມ ມີ 25 ຄະແນນ ຮັບເງິນລາງວັນ 200 ລ້ານກີບ, ອັນດັບ 3 ຫລວງພະບາງ ຢູໄນເຕັດ ນ້ອງໃຫມ່ ມີ 22 ຄະແນນ ຮັບເງິນລາງວັນ 100 ລ້ານກີບ, ທີ 4 ມາສເຕີ ເຊເວັນ ມີ 21 ຄະແນນ, ທີ 5 ສະຫວັນ ຢູໄນເຕັດ ມີ 18 ຄະແນນ, ທີ 6 ຊ້າງນ້ອຍ ເອັຟຊີ ມີ 15 ຄະແນນ, ທີ 7 ກອງທັບ ມີ 11 ຄະແນນ ຕາມລະບຽບຕ້ອງໄປເພລອັອຟກັບທີມອັນດັບທີ 2 ດີວີຊັ່ນ 1 ປີ 2018 ເພື່ອຢູ່ໃນລາວພຣີເມຍລີກຕໍ່ໄປ, ສ່ວນອັນດັບສຸດທ້າຍ ດີເຄ ເອັຟຊີ ມີພຽງ 10 ຄະແນນ ຕົກຊັ້ນຕາມລະບຽບ (ແຕ່ອາດສາມາດຢູ່ພຣີເມຍລີກໃນປີຫນ້າ ຖ້າທີມແຊ້ມດີວີຊັ່ນ 1 ຫລື ທີມອື່ນໆບໍ່ພ້ອມ).

- lattana 1 - ລາວໂຕໂຢຕ້າ ບັນລຸເປົ້າໝາຍປ້ອງກັນ ແຊ້ມລາວພຣີເມຍລີກ ເປັນຄັ້ງທຳອິດ
- 1 1 - ລາວໂຕໂຢຕ້າ ບັນລຸເປົ້າໝາຍປ້ອງກັນ ແຊ້ມລາວພຣີເມຍລີກ ເປັນຄັ້ງທຳອິດ

ທັງ​ນີ້ ທີມທີ່ຈະລົງຫລິ້ນ ເອເອັຟຊີ ຄັບ ຕ້ອງມີມາດຖານ AFC Club Licensing ປັດຈຸບັນມີ 4 ສະໂມສອນຈາກລາວຢູ່ໃນລະຫວ່າງການກວດສອບພິຈາລະນາເຊັ່ນ: ລາວໂຕໂຢຕ້າ, ຫລວງພະບາງ ຢູໄນເຕັດ, ຊ້າງນ້ອຍ ເອັຟຊີ ແລະ ດີເຄ ເອັຟຊີ. ປກສ ເອັຟຊີ ທີ 2 ຕາມຕໍາແໜ່ງໄດ້ສິດໄປຫລິ້ນ ເອເອັຟຊີ ຄັບ 2019 ຮອບເພລອັອຟ, ແຕ່ບໍ່ມີ Club Licensing ຕ້ອງໂຍນມາໃຫ້ທີມອັນດັບທີ 3 ຫລວງພະບາງ ຢູໄນເຕັດ.

error: Content is protected !!