ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ

- Textile Show - ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ
- Untitled design - ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ

​    ໃນ​ວັນ​ທີ 6 ສິງຫາ ນີ້, ​ກົມ​ພັດທະນາ ​ແລະ ສົ່ງ​ເສີມ​ການທ່ອງທ່ຽວ, ກະຊວງ​ຖະ​ແຫລ​ງຂ່າວ​ວັດທະນະທຳ ​ແລະ ທ່ອງ​ທ່ຽວ ຮ່ວມ​ກັບ​ໂຄງການ​ນັກ​ອອກ​ແບບ​ຜູ້ໜຸ່ມນ້ອຍ​ຂອງ​ລາວ ​ໄດ້ເປີດ​ງານ​ວາງສະ​ແດງ​ແຜ່ນ​ແພທ້ອງ​ຖິ່ນ​ສູ່​ແຟຊັນ ປະຈຳ​ປີ 2018 ຂຶ້ນ, ​ທີ່​ສູນ​ການ​ຄ້າວຽງຈັນ​ເຊັນ​ເຕີ ​‘ພື່ອ​’ນ​ໃສ່​ສົ່ງ​ເສີມ​ປີ​ທ່ອງ​ທ່ຽວລາວ ​ໂດຍ​ຈະ​ດຳ​ເນີນ​ໄປ​ເປັນ​ເວລາ 4 ວັນ, ຈຸດປະສົງ​ແມ່ນ​ເພື່ອ​ສົ່ງ​ເສີມ​ການທ່ອງທ່ຽວລາວ ​ປີ 2018, ​ໂດຍ​ສະ​ເພາະ​ແມ່ນ​ໄດ້​ນຳ​ເອົາ​ແຜ່​ແພ​ແຕ່ລະ​ທ້ອງ​ຖິ່ນ ທັງໝົດ 17 ​ແຂວງ ຂອງ​ລາວ​ມາ​ວາງສະ​ແດງ ​ແລະ ​ເປີດ​ໃຫ້​ມວນ​ຊົມ​ໄດ້​ຊົມ, ພ້ອມ​ດຽວກັນ​ນັ້ນ ກໍ​ຍັງ​ມີ​ການຈັດ​ເດີນ​ແບບ​ຊຸດ​ແຜ່ນ​ແພ​ລາວ ທີ່​ບັນດາ​ນັກ​ອອກ​ແບບ​ນຸ່ມໜ້ອຍ​ໄດ້​ປະດິດ​ຂຶ້ນ, ​ແລະ ​ເພື່ອ​ເປັນ​ການ​ຄັດ​ເລືອກ​ໄປ​ຮ່ວມ​ງານ​ວາງສະ​ແດງ​ແຟຊັນສາ​ກົນ ​ໃນ​ທ້າຍ​ປີນີ້, ເພື່ອ​ນຳ​ສະ​ເຫ​ນີ​ໃຫ້​ຊາວ​ໂລກ ​ໄດ້​ເຫັນ​ວັດທະນະທຳ, ການ​ນຸ່ງ​ຖື​ທີ່​ເປັນ​ເອກະລັກ ​ແລະ ຂອງ​ລາວ.

ກະຊວງ ຖະ​ແຫລ​ງຂ່າວ, ວັດທະນະທຳ ​ແລະ ທ່ອງທ່ຽວ ​ໃຫ້​ຮູ້​ວ່າ: ໃນ 6 ເດືອນຕົ້ນປີ 2018 ມີນັກທ່ອງທ່ຽວເຂົ້າມາທ່ຽວລາວ​ເຮົາຫລາຍ​ກ່ວາ 2,12 ລ້ານ​ເທື່ອ​ຄົນ ຫຼື ເພີ່ມຂຶ້ນ 6% ເມື່ອທຽບໃສ່ໄລຍະດຽວກັນປີ 2017 ເຊິ່ງມີຫຼາຍກຸ່ມຕະຫຼາດການທ່ອງທ່ຽວເພີ່ມຂຶ້ນຢ່າງໂດດເດັ່ນເຊັ່ນ:ກຸ່ມຕະຫຼາດອາເມຣິກາ ເພີ່ມຂຶ້ນ 16% ກຸ່ມຕະຫຼາດອາຊີປາຊີຟຣິກ ເພີ່ມຂຶ້ນ 6% ກຸ່ມ,ຕະຫຼາດອາຊຽນ​ເປັນ​ກຸ່ມຕະຫຼາດຕະຫລາດ​ສ່ວນ​ໃຫຍ່ເຖິງ 66% ​ແລະ ໃນກຸ່ມນີ້ຕະຫຼາດສໍາຄັນແມ່ນຕະຫຼາດໄທກວມເອົາ 44% ຫວຽດນາມກວມເອົາ 19% ແລະ ຕະຫຼາດອື່ນໆ 37% ນອກຈາກນີ້ແລ້ວກຸ່ມຕະຫຼາດມາເລເຊຍເພີ່ມຂຶ້ນ 90% ສິງກະໂປ 31%, ຟີລິບປິນ 5% ແລະ ກຸ່ມຕະຫຼາດບໍ່ແມ່ນອາຊຽນເພີ່ມຂຶ້ນ 40%

- Wave100S AD to Website 2020 0 - ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ
- WhatsApp Image 2020 05 27 at 5 - ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ
- WhatsApp Image 2020 05 27 at 5 - ເປີດງານ​ວາງສະ​ແດງ​ແຜ່​ນແພທ້ອງ​ຖິ່ນ​ສົ່ງ​ເສີມ​ການທ່ອງທ່ຽວລາວ
error: Alert: ເນື້ອຫາຂ່າວມີລິຂະສິດ !!