ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ

- CiHZjUdJ5HPNXJ92GTKGG6isYP4ii9HMr1 - ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ
- Untitled design - ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ

ມີ​ຜູ້​ເສຍ​ຊີວິດຢ່າງ​ໜ້ອຍ 39 ຄົນ ​ແລະ ​ເປັນ​ເດັກ​ນ້ອຍ​ເຖິງ 12 ຄົນ​ຈາກ​ເຫດ​ລະ​ເບີດສາງ​ອາວຸດ​ໃນ​ແຂວງ​ອິດ​ລິບ​ຂອງ​ຊີຣີ ​ເຊິ່ງ​ເປັນ​ດິນ​ແດນ​ທີ່ຢູ່​ໃນ​ເຂດ​ອິດ​ທິພົນ​ຂອງ​ຝ່າຍ​ຕໍ່ຕ້ານ​ລັດຖະບານ.

ຈຸດ​ທີ່​ເກີດ​ເຫດ​ຢູ່​ໃນ​ເມືອງ​ຊາ​ມາດາ ​ແຂວງ​ອິດ​ລິບ ທາງ​ຕາ​ເວັນ​ຕົກ​ສຽງ​ເໜືອ​ຂອງ​ຊີຣີ. ສາງ​ອາວຸດ​ດັ່ງກ່າວ​ເປັນ​ຂອງ​ພວກ​ຄ້າ​ອາວຸດ​ທີ່ຢູ່​ກ້ອງ​ຕຶກ​ອາຄານ​ທີ່​ພັງ​ທະລາ​ຍຈາກ​ແຮງ​ລະ​ເບີດ. ນອກຈາກ​ຈະ​ມີ​ຜູ້​ເສຍ​ຊີວິດ​ເຖິງ 39 ຄົນ​ແລ້ວ ຍັງ​ມີ​ຜູ້​ສູນຫາຍ​ອີກ​ຫລາຍ​ສິບ​ຄົນ. ໜ່ວຍ​ກູ້​ໄພ​ໄດ້​ຊ່ວຍ​ເຫລືອ​ຜູ້​ທີ່​ຕິດ​ຢູ່​ພາຍ​ໃນ​ຊາກ​ອາຄານ​ຫລາຍ​ຄົນ.

ທ່ານ ຮາ​ເຕມ ອາ​ບູ ມາ​ວັນ ສະມາຊິກ​ໜ່ວຍ​ປ້ອງ​ກັນ​ໄພ​ຝ່າຍ​ພົນລະ​ເຮືອນ​ຂອງ​ແຂວງ​ອິດ​ລິບ ກ່າວ​ວ່າ: ອາຄານ​ທີ່​ພັງ​ທະລາ​ຍຈາກ​ແຮງ​ລະ​ເບີດ​ນັ້ນ ລ້ວນ​ເປັນ​ອາຄານ​ທີ່​ມີ​ພົນລະ​ເຮືອນ​ອາ​ໄສ​ຢູ່​ເປັນ​ຈຳນວນ​ຫລາຍ ສ່ວນ​ຫລາຍ​ເປັນ​ຄອບຄົວ​ຂອງ​ຝ່າຍ​ຕໍ່ຕ້ານ​ທີ່​ໜີ​ການ​ປາບ​ປາມ​ຈາກ​ຝ່າຍ​ລັດຖະບານ​ມາ​ອາ​ໄສ​ຢູ່​ໃນ​ແຂວງ​ອິດ​ລິບ. ຂະນະ​ທີ່​ກຸ່ມ​ສັງ​ເກ​ດການ​ດ້ານ​ສິດທິ​ມະນຸດ​ໃນ​ຊີຣີ ລະບຸ​ວ່າ: ມີ​ຜູ້​ສູນຫາຍ​ເປັນ​ຈຳນວນ​ຫລາຍ ​ແລະ ຄາດ​ວ່າ​ຈຳນວນ​ຜູ້​ເສຍ​ຊີວິດ​ຈະ​ເພີ່ມ​ຂຶ້ນອີກ. ສຳລັບ​ສາ​ເຫດ​ຂອງ​ການລະ​ເບີດ​ນັ້ນຍັງ​ບໍ່​ແນ່ນອນ.

- Wave100S AD to Website 2020 0 - ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ

​ແຂວງ​ອິດ​ລິບ ​ເປັນ​ທີ່​ໝັ້ນ​ແຫ່ງ​ສຸດ​ທ້າຍ​ຂອງ​ຝ່າຍ​ຕໍ່ຕ້ານ ​ແລະ ຄາດ​ວ່າ​ຕົກ​ເປັນ​ເປົ້າໝາຍ​ການ​ໂຈມ​ຕີ​ຈາກ​ກອງທັບ​ຊີຣີ​ໃນ​ອະນາຄົດ​ອັນ​ໃກ້​ນີ້. ​ໃນ​ໄລຍະ 2-3 ​ເດືອນ​ຜ່ານ​ມາ, ກອງທັບ​ຊີຣີພາຍ​ໃຕ້​ການ​ສະໜັບສະໜູນ​ຈາກຣັດ​ເຊຍ ​ແລະ ອີຣານ​ໄດ້​ຍຶດພື້ນທີ່​ຄືນ​ຈາກ​ຝ່າຍ​ຕໍ່ຕ້ານ​ໄດ້​ເປັນ​ຈຳນວນ​ຫລາຍ.

- WhatsApp Image 2020 05 27 at 5 - ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ
- WhatsApp Image 2020 05 27 at 5 - ເຫດລະເບີດສາງອາວຸດຊີຣີ ມີຜູ້ເສຍຊີວິດຢ່າງໜ້ອຍ 39 ຄົນ
error: Alert: ເນື້ອຫາຂ່າວມີລິຂະສິດ !!